Nanuma Tiko Na Ka e Bibi Duadua
Tikina lavetaki
Nikua, au na wasea mai yaloqu e vica na veika vakilai kei na vakasama eso me baleta na veika e bibi duadua.
iMatai, e bibi duadua na veimaliwai kei na Tamada Vakalomalagi kei na Luvena, na Turaga o Jisu Karisito. Na veimaliwai oqo e bibi dina ena gauna oqo kei na veigauna tawamudu.
iKarua, na veimaliwai vakamatavuvale era okati ena veika e bibi duadua. …
Au kidava ni so ena sega beka tu vei ira na veivakalougatataki ni dua na matavuvale voleka, kau okata kina na matavuvale savu, itokani, kei na matavuvale ni tabanalevu me “matavuvale.“ Na veimaliwai oqo e yaga ki na bulabula ni lomadra kei na yagodra. …
E dua tale na ka bibi duadua o ya meda muria na veivakauqeti ni Yalotabu ena noda veimaliwai bibi duadua kei na noda sasaga meda lomani ira na wekada me vakataki keda, oka kina na noda veiqaravi vakaitaukei kei na veiqaravi raraba. …
Kena itinitini, ena mua ni macawa ni Sigatabu ni Curu Vakatui oqo, au vakadinadinataka ni saumaki vua na Turaga, wasea na ivakadinadina me baleti Koya, kei na qaravi Koya era sa maliwai ira talega na veika e bibi duadua. …
Na tiko walega ni dua na ivakadinadina e sega ni rauta. Ni sa tubu cake na noda saumaki mai vei Jisu Karisito, eda sa vinakata me da vakadinadinataki Koya—na Nona vinaka, loloma, kei na yalovinaka. …
Au sureti kemuni mo ni wasea vakawasoma na nomuni ivakadinadina me baleti Jisu Karisito. …
O ira era vakila e dua na ka ena vuku ni nomu ivakadinadina era na qai kerea vua na Turaga ena masu me vakadeitaka na dina ni nomu ivakadinadina. Sa na qai rawa ni ra kila vakataki ira.