Veivakalougatataki Vakapeteriaki
Ecuador
Nomu Veivakalougatataki Vakapeteriaki—Veidusimaki Veivakauqeti mai vei Tamada Vakalomalagi
E levu sara na kena inaki vei au, na bibi ni noqu veivakalougatataki vakapeteriaki niu se gone kina. Taumada, e vukei au na noqu veivakalougatataki vakapeteriaki meu kila vakavinaka na noqu ivakatakilakila dina tawamudu—ocei dina o au kei na cava au na rawa niu yacova meu vakataka. … Au vakila ni Rau kilai au ka lomani au na Tamaqu Vakalomalagi kei na noqu iVakabula ka Rau vakaitavi tiko ena noqu bula. E vukei au na veika oqo meu gadreva meu volekati Rau ka vakalevutaka na noqu vakabauta ka nuitaki Rau. …
Na noqu mai kilai au dina a vukei au me kila ka gadreva me’u cakava na veika a namaka tu vei au na Kalou.
Oqo a muataki au meu vulica na veiyalayalati au a cakava kei na veivakalougatataki yalataki ena veiyalayalati ni Kalou kei Eparama. A solia vei au e dua na rai tawamudu ka vakauqeti au me maroroya vakalevu cake na noqu veiyalayalati. …
E a bibi sara vei au me’u ciqoma na noqu veivakalougatataki vakapeteriaki ni’u se gone ka ni se qai tubu tiko na noqu ivakadinadina. …
… Na vakamareqeti ni noqu veivakalougatataki vakapeteriaki a vakalougatataki au ena yalodei ni’u a yalolailai, na veivakalomavinakataki ni’u a taqaya, vakacegu ni’u a nuiqawaqawa, inuinui ni’u a lomaleqa, kei na reki ni’u a gadreva vakalevu sara tu. Na noqu veivakalougatataki vakapeteriaki a vukea me tubucake noqu vakabauta kei na nuitaka na Tamaqu Vakalomalagi kei na noqu iVakabula. E vakatubura cake talega na noqu lomani Rau—ka se vaka tikoga kina.
Gauna Cava Mo Ciqoma Kina na Nomu Veivakalougatataki Vakapeteriaki
Kemuni na cauravou, goneyalewa, itubutubu, kei na bisovi, na veivakalougatataki vakapeteriaki e sega walega ni vakavakarau mo laki kaulotu. Na lewenilotu era bula kilikili e rawa mera ciqoma na nodra veivakalougatataki vakapeteriaki ena gauna esa donu kina vei ira. …
Taciqu kei na ganequ, au vakadinadinataka ni Tamada Vakalomalagi kei na Luvena Duabauga, na Turaga o Jisu Karisito e bula tiko. E Rau lomani keda. Na veivakalougatataki vakapeteriaki e isolisoli tabu mai vei Rau. Ni o sa ciqoma na nomu veivakalougatataki, o na raica ka vakila na Nodrau lomani iko kei na Nodrau vakanamata vakatabakidua vei iko.