“Ko na Tu vei Au, Kau na tu vei Iko; O Koya mo Lako kina Vata kei Au”
Tikina lavetaki
“Sa kaya vei Inoki na Turaga: …
“… Mo tu vei au, kau na tu vei iko, o koya mo lako vata kina kei au” [Mosese 6:32, 34; vakaikuritaki]. …
Na Turaga o Jisu Karisito sa veisureti vei keda yadua meda tu vata kei Koya. Ia meda na vulica dina vakacava meda tu vata kei Koya?
Na vosa tu vata e tukuna tiko na tudei tikoga se qaqaco ka gumatua ka sega ni guce. … Meda sa tiko vata kei Karisito ni da sa tudei ka kaukauwa ena noda dina tiko vua na Dauveivueti kei na Nona inaki vakalou, ena veigauna vinaka kei na ca.
Eda sa tekivu tu vata kei na Turaga ni da cakacakataka na noda bula galala meda vakataqara na Nona ivua ena veiyalayalati kei na cakacaka vakalotu ni kosipeli vakalesuimai. …
Eda sa tu Vua ni da sa kana magiti vakaidina ena vosa i Karisito. …
Eda na tu Vua ena noda vakavakarau vagumatua me da vakaitavi ena cakacaka vakalotu ni sakaramede. …
Na yalayala ni iVakabula vei ira Nona imuri e wase rua: ke da tu vei Koya, ena tu vei keda o Koya Ia sa rawa dina beka vei Karisito me tu vei iko kei au—vakayadua ka vakatamata? Sa vakadeitaki na isau ni taro oqo me io! …
… Na isema ni veiyalayalati e tiko vei keda vata kei na Tamada Vakalomalagi kei na Luvena sa vakaturi cake mai na mate sa ivurevure cecere ni rai, inuinui, kaukauwa, vakacegu, kei na reki gugumatua …
… Kau sa vakadinadinataka na yalayala ni iVakabula me tu vata kei keda sa ka dina ka sa nodra na lewenilotu dauveiyalayalati ni Nona Lotu vakalesuimai. …
… Kevaka eda tu vei Koya, ena tu vata kei keda o Koya.