O Kila Li Na Vuna Au Vakabauti Karisito Niu Lotu Vakarisito?
Tikina lavetaki
Ena dua na yakavi ni oti mai na cakacaka, vica na yabaki sa oti, au a vodo ena noqu basi ki vale mai New Jersey ki na Koro ko Niu Ioka. Na marama au dabe tikiva toka a raica na ka au vola tiko ena noqu komupiuta ka taroga mai, “Ko vakabauti … Karisito?” …
… Oi kemuni na gone kei na itabagone; e rawa ni o ni qai tarogi ira emuri na nomuni itubutubu se iliuliu, “Na cava na vuna e mate kina o Jisu?” …
Ia, au tukuna vei noqu itokani vou ni tiko vei keda e dua na yalo me ikuri ni dua na yago ka sa Tama ni yaloda na Kalou. … Baleta o Koya ni lomani koya ka vaka kina ko ira kece na Luvena, e cakava o Koya e dua na ituvatuva meda taura e dua na yago me ucuya na Yagona vakalagilagi, meda tiki ni dua na matavuvale, ka lesu ki na Nona iserau loloma me marautaka na bula tawamudu vata kei na noda matavuvale, me vakai Koya kei na Nona. Ia, au kaya, eda na sotava e rua na veivakataotaki levu ena vuravura lutu gadrevi oqo: (1) mate vakayago—na tawasei ni yagoda mai na yaloda. … Kei na (2) mate vakayalo—na noda tawasei tani mai vua na Kalou baleta na noda ivalavala ca, cakacala, kei na malumalumu vakayago e vakayawaki keda mai na Nona iserau tabu. …
Au a vakadinadinataka vua na noqu itokani, kau vakadinata vei kemuni, ni o Jisu Karisito e iVakabula oya, ni a dodonu me vakararawataki, mate, ka tucake tale—na Nona Veisorovaki tawavakaiyalayala me na—vueti ira na kawatamata mai na mate vakayago ka me solia na bula tawamudu vata kei na Kalou kei na noda matavuvale kivei ira kece era na muri Koya. …
Na ikalawa eso ka vakatakila na Kalou e dodonu meda taura ni da muri Jisu ka ciqoma na bula tawamudu e vakatokai na ivakavuvuli i Karisito. Era oka kina na “vakabauti Jisu Karisito kei na Nona Veisorovaki, veivutuni, papitaiso [ki na lotu i Jisu Karisito ni Yalo Dodonu Edaidai], ciqoma na isolisoli ni Yalo Tabu, ka vosota me yacova na ivakataotioti” [Vunautaka na Noqu Kosipeli (2019), 63].