Սուրբ Զատիկի մեծագույն պատմությունը
Հատվածներ
Մենք ինչպե՞ս ենք մոդելավորում Հիսուս Քրիստոսի Հարության ուսմունքն ու տոնակատարությունը՝ Զատիկի պատմությունը, Հիսուս Քրիստոսի ծննդյան՝ Սուրբ ծննդյան պատմության հետ՝ նույն հավասարակշռությամբ, լրիվությամբ և հարուստ կրոնական ավանդույթներով: …
… Նոր Կտակարանի Զատիկի մասին կարևոր հատվածներից բացի, մեզ՝ Վերջին Օրերի Սրբերիս, տրված է Զատիկի ամենահրաշալի պարգևը: Ես, իհարկե, նկատի ունեմ Մորմոնի Գիրքը, իսկ ավելի որոշակի՝ Հիսուս Քրիստոսի պատմությունը, ով Նոր Աշխարհի բնակիչներին հայտնվում է Իր հարություն առած փառքով։ …
… Մենք հուսով ենք, որ 3 Նեփիի այս գլուխները կդարձնենք նույնքան մեր Զատիկի ավանդույթի մաս, որքան Ղուկաս 2 գլուխն է դարձել մեր Սուրբ ծննդյան ավանդույթի մասը: Իրականում, Մորմոնի գրքում գրված է երբևէ պատմված Սուրբ Զատիկի մեծագույն պատմությունը: Թող այդ պատմությունը չդառնա Սուրբ Զատկի երբեք չպատմված մեծագույն պատմությունը:
Ես հրավիրում եմ ձեզ Մորմոնի Գրքին նայել նոր լույսի ներքո և խորհել այն խորիմաստ վկայության մասին, որը Մորմոնի Գիրքը բերում է հարություն առած Քրիստոսի իրականության, ինչպես նաև Քրիստոսի հարուստ վարդապետության խորության մասին: …
Նրա այցելությունը՝ որպես հարություն առած Փրկիչ, որը ներկայացվել է Հայր Աստծո կողմից, Զատիկի ամենափառավոր և հաղթական ուղերձն է: Այն կօգնի մեր ընտանիքի անդամներին անձնական վկայություն ձեռք բերել Հիսուս Քրիստոսի մասին՝ որպես մեր Փրկիչ և Քավիչ, ով կոտրեց մահվան կապանքները: