«Մնա ինձ հետ, և ես՝ քեզ հետ. հետևաբար, քայլիր ինձ հետ»
Հատվածներ
«Տերն ասաց Ենովքին. …
… Դու կմնաս ինձ հետ, և ես՝ քեզ հետ. հետևաբար, քայլիր ինձ հետ» [Մովսես 6․32, 34, շեշտադրումներն ավելացված են]։ …
Տեր Հիսուս Քրիստոսը մեզանից յուրաքանչյուրին ուղղում է Իր հետ մնալու հրավերը։ Բայց ինչպե՞ս ենք մենք իրականում սովորում և մնում Նրա հետ։
Մնալ բառը նշանակում է մնալ անսասան կամ կայուն և տոկալ առանց զիջելու։ … Այսպիսով, մենք մնում ենք Քրիստոսի հետ, քանի որ ամուր և հաստատուն ենք մեր նվիրվածության մեջ առ Քավիչը և Նրա սուրբ նպատակները՝ ինչպես լավ, այնպես էլ վատ ժամանակներում։
Մենք սկսում ենք մնալ Տիրոջ հետ՝ գործադրելով մեր բարոյական ազատ կամքը՝ մեզ վրա վերցնելու Նրա լուծը՝ վերականգնված ավետարանի ուխտերի և արարողությունների միջոցով։ …
Մենք մնում ենք Նրա հետ՝ իսկապես սնվելով Քրիստոսի խոսքերով։ …
Մենք մնում ենք Նրա հետ՝ լրջորեն պատրաստվելով մասնակցելու հաղորդության արարողությանը։ …
Փրկչի խոստումը Իր հետևորդներին երկակի է. եթե մենք մնանք Նրա հետ, Նա կմնա մեզ հետ։ Բայց իսկապես հնարավո՞ր է, որ Քրիստոսը մնա ձեզ հետ և ինձ հետ՝ անհատապես և անձնապես։ Այս հարցի պատասխանը միանշանակ «այո» է։ …
… Ուխտի կապը, որ մենք ունենք մեր Երկնային Հոր և Նրա հարություն առած և կենդանի Որդու հետ, հեռանկարի, հույսի, խաղաղության և հարատև ուրախության գերագույն աղբյուրն է …
… Եվ ես վկայում եմ, որ մեզ հետ մնալու Տիրոջ խոստումը ճշմարիտ և հասանելի է Նրա վերականգնված Եկեղեցու ուխտ պահող յուրաքանչյուր անդամի համար։ …
… Եթե մենք մնանք Նրա հետ, Նա էլ մեզ հետ կմնա։