Կիրակնօրյա առավոտյան նիստ
Դատողությունս որսաց այդ միտքը Հիսուս Քրիստոսի մասին
Հատվածներ
Մի նշանավոր պատմություն Մորմոնի Գրքում պատմում է մի երիտասարդի մասին, որն ականավոր ընտանիքից էր՝ անունը Ալմա, որին սուրբ գրությունները նկարագրում են որպես կռապաշտ անհավատ։ …
Իր խորին հուսահատության մեջ նա հիշեց, որ պատանի հասակում իրեն ուսուցանում էին «մի Հիսուս Քրիստոսի, մի Աստծո Որդու գալստյան վերաբերյալ՝ քավելու համար աշխարհի մեղքերը» [Ալմա 36․17]։ … Մինչ նա աղորսանքով դիմում էր Փրկչի աստվածային զորությանը, մի հրաշք տեղի ունեցավ։ … Հանկարծ նա խաղաղություն ու լույս զգաց։ …
Ալմայի «դատողությունը որսաց» այդ ճշմարտությունը Հիսուս Քրիստոսի մասին։ …
… Գործելով այդ ճշմարտության հանդեպ հավատքով և Աստծո զորությամբ ու շնորհով՝ նա ազատվեց հուսահատությունից և լցվեց հույսով։
… Մեր դատողությունը նույնպես «որսացել է այս միտքը» Հիսուս Քրիստոսի և Նրա գթառատ զոհաբերության մասին, և մեր հոգիները զգացել են դրան հետևած լույսն ու ուրախությունը։
… Մեր սերը Նրա հանդեպ չի պաշտպանում մեզ այս մահկանացու կյանքի տխրությունից ու վշտից, բայց այն մեզ թույլ է տալիս մարտահրավերների միջով տոկալ այնպիսի մի ուժով, որը վեր է մեր սեփականից։ …
Մեր ուշադրությունը կենտրոնացնելով Հիսուս Քրիստոսի վրա՝ մեզ շրջապատող ամեն ինչ դիտարկում ենք Նրա հանդեպ մեր սիրո տեսանկյունից։ … Երբ դուք շարունակեք ուշադրությամբ որսալ Հիսուս Քրիստոսի մասին այս միտքը, վստահել Նրան և պահել Նրա պատվիրանները, ես խոստանում եմ ձեզ ոչ միայն երկնային առաջնորդություն, այլև երկնային զորություն, որը բերում է ուժ ձեր ուխտերին, խաղաղություն՝ ձեր դժվարություններին և ուրախություն՝ ձեր օրհնություններին: