Dhënia e Shërbesës
Pjesë të shkëputura
Si pasues të Jezu Krishtit, ne përpiqemi t’u japim shërbesë të tjerëve ashtu siç do t’u jepte Ai, sepse jetë njerëzish janë në pritje për ndryshim. …
Kudo ku shkoj, plot mirënjohje mësoj nga ata që japin shërbesë dhe përkujdesen ashtu si do të bënte Shpëtimtari ynë. …
Dhënia më e lartë dhe më e shenjtë e shërbesës vjen kur lutemi për “dashuri[në] e pastër [të] Krishtit” [shih te Moroni 7:47–48] dhe kur e ndjekim Shpirtin. …
… Në shumë vende, ne mund të shtrijmë dorën e ndihmës, t’i kuptojmë të tjerët në ç’gjendje janë dhe të ndërtojmë marrëdhënie kur i vizitojmë rregullisht anëtarët në shtëpitë e tyre. Ftesat e frymëzuara e ndryshojnë jetën. Kur ftesat na ndihmojnë të bëjmë dhe të mbajmë besëlidhje të shenjta, ne i afrohemi më shumë Zotit dhe njëri‑tjetrit. …
Dhënia e frymëzuar e shërbesës i bekon familjet dhe individët; gjithashtu i forcon lagjet dhe degët. …
Shpëtimtari ynë është shembulli ynë i përsosur. Për shkak se Ai është i mirë, Ai mund të përshkojë vendin duke bërë mirë. Ai bekon njërën dhe të 99-at. Ai është personifikimi i dhënies së shërbesës. …
Jezu Krishti jep shërbesë. Engjëjt japin shërbesë. … Kur japim shërbesë ashtu siç do të jepte Ai, ne dëshmojmë mrekullitë e Tij, bekimet e Tij. …
Kudo ku jemi në këtë stinë Pashke, le ta shtrijmë dorën e ndihmës dhe të kujdesemi siç do të kujdesej Shpëtimtari ynë, veçanërisht për ata të cilëve kemi privilegjin, me anë të dashurisë dhe detyrës, që t’u japim shërbesë. Duke e bërë këtë gjë, iu afrofshim më shumë Jezu Krishtit dhe njëri‑tjetrit, duke u bërë më shumë si Ai dhe pasuesit e Jezu Krishtit që Ai do të donte që secili prej nesh të ishte.