Kujtoni Atë që Është Më e Rëndësishmja
Pjesë të shkëputura
Sot do të shpreh nga zemra disa ndjenja dhe mendime mbi gjërat që janë më të rëndësishmet.
Së pari, marrëdhënia me Atin tonë Qiellor dhe Birin e Tij, Zotin Jezu Krisht, është më e rëndësishmja. Kjo marrëdhënie është më e rëndësishmja tani dhe në përjetësi.
Së dyti, marrëdhëniet familjare janë ndër ato gjëra që janë më të rëndësishmet. …
E kuptoj se disa njerëz mund të mos i kenë bekimet e një familjeje të dashur, prandaj në termin “familje” përfshij rrethin familjar, miqtë, si dhe familjet e lagjeve. Këto marrëdhënie janë thelbësore për shëndetin emocional dhe fizik. …
Një gjë tjetër nga më të rëndësishmet, është ndjekja e nxitjeve të Shpirtit në marrëdhëniet tona më të rëndësishme dhe në përpjekjet tona për t’i dashur të afërmit tanë porsi vetveten, përfshirë shërbesat tona personale dhe publike. …
Së fundi, në këtë fundjavë të së Dielës së Palmave, unë dëshmoj se kthimi në besimin te Zoti, dhënia e dëshmisë për Të dhe shërbimi ndaj Tij janë gjithashtu ndër gjërat më të rëndësishme. …
Nuk mjafton vetëm të kesh një dëshmi. Ndërsa kthimi ynë në besimin te Jezu Krishti rritet, natyrisht që duam të dëshmojmë për Të – për mirësinë, dashurinë dhe mirëdashjen e Tij. …
Ju ftoj ta jepni më shpesh dëshminë tuaj për Jezu Krishtin. …
Ata të cilët ndiejnë diçka si rrjedhojë e dëshmisë suaj, më pas mund t’i kërkojnë Zotit në lutje që t’ua pohojë të vërtetën e dëshmisë suaj. Atëherë ata mund ta dinë vetë.