Pyetje dhe Përgjigje

“Si mund të jem një shembull për pjesëtarët e familjes që e kanë të vështirë t’i jetojnë mësimet e Jezu Krishtit?”

“Ne bëhemi shembuj për besimtarët duke e jetuar ungjillin e Jezu Krishtit në fjalë, në sjellje, në dashuri, në Frymë, në besim dhe në dëlirësi. Kur e bëjmë këtë gjë, dritat tona do të shkëlqejnë që t’i shohin të tjerët.”

Presidenti Tomas S. Monson (1927–2018), “Jini një Shembull dhe një Dritë”, konferenca e përgjithshme e tetorit 2015 (Ensign ose Liahona, nëntor 2015, f. 86).

Trego, Shërbe dhe Fol

e re

“Tregoji familjes tënde se si të jetuarit e ungjillit të bën të ndihesh i/e lumtur. Mund t’u shërbesh atyre dhe t’u tregosh përvojat e tua. Mund edhe të ftosh misionarët për të bërë një mbrëmje të shtëpisë në shtëpinë tënde.”

Lusiana M., 18 vjeçe, Mendoza, Argjentinë

Përpiqu të Kuptosh

e re

“Disa pjesëtarë të familjes sime kanë bërë disa gjëra që nuk janë në përputhje me standardet e Perëndisë. Përpiqu të kuptosh arsyetimin e tyre për atë që kanë bërë. Kjo nuk do të thotë që ti duhet të bësh atë që po bëjnë ata. Më e rëndësishmja, duaji ata pavarësisht se çfarë bëjnë ose thonë.”

Melodi E., 13 vjeçe, Teksas, SHBA

Ndiqe Shpëtimtarin

e re

“Gjithmonë përpiqem të jem një shembull për familjen time duke folur për mësimet e Kishës. Gjithmonë përpiqem të pasqyroj Krishtin te vetja. E di se nëse e ndjek Atë, do të jem në gjendje të jem një shembull i mirë për familjarët e mi dhe do të ndihmoj për të sjellë dritën e Krishtit në jetën e tyre.”

Adalia C., 19 vjeçe, Rio-Grande-do‑Sul, Brazil

Vër Muzikë Lartësuese

e re

“Unë e rrethoj veten me media të mirë që sjell Shpirtin në shtëpinë time. Luajtja e një himni në piano më ndihmon të ndiej gëzim edhe kur pjesëtarët e familjes po hasin vështirësi. Vazhdo të mbështetesh te Shpëtimtari për gëzim e paqe, edhe kur të tjerët rreth teje nuk e bëjnë këtë.”

Loren B., 14 vjeçe, Merilend, SHBA

Duaji Ata

“Ti nuk mund t’i ndryshosh zgjedhjet e pjesëtarëve të familjes sikurse dhe ata të tuat, por ti mundesh gjithmonë t’i duash ata. Krishti tregoi kaq shumë dashuri ndaj njerëzve që nuk pajtoheshin me Të apo nuk e pëlqenin Atë. Çdokush është një fëmijë i Perëndisë dhe nëpërmjet dashurisë sate, ata mund ta ndiejnë dashurinë e Atit Qiellor.”

Bruklin D., 17 vjeçe, Jutë, SHBA

Përpiqu të Shohësh siç Sheh Krishti

i ri

“Pasja e dashurisë si e Krishtit dhe përpjekja për të parë përtej dobësive të tyre mund të na ndihmojë të kuptojmë se çfarë po kalojnë ata. Jezu Krishti e kupton secilin nga ne përsosurisht. Ne mund të fillojmë t’i shohim dhe ndihmojmë të tjerët siç bën Ai nëse i kërkojmë Atij të na udhërrëfejë.”

Xhon K., 17 vjeç, Indiana, SHBA

Mos Gjyko

“Po mësoj t’i dua ata, të jem i mirë me ta dhe të mos i gjykoj.”

Logan C., 18 vjeç, Jutë, SHBA

Përgjigjet synojnë të japin ndihmë dhe këndvështrim, nuk jepen si deklarime zyrtare të doktrinës së Kishës.

Çfarë Mendon Ti?

“Askush në shkollë nuk ka të njëjtat standarde si unë. Si mund të zë shokë të mirë atje?”

Dërgoje përgjigjen dhe fotografinë tënde deri më 15 gusht 2023.

Na dërgo mesazh elektronik në adresën [e-mail]. Ose shko te ftsoy.ChurchofJesusChrist.org dhe kliko te “Submit Your Work” [“Dorëzoni Punimin Tuaj”]. Nënshkruaje hyrjen në Llogarinë tënde të Kishës dhe më pas përzgjidh “For the Strength of Youth” [“Për Forcën e Rinisë”] nën “Choose Magazine” [“Zgjidhni Revistën”]. Kliko tek “Add File” [“Shto një Material”] që të përzgjedhësh materialin dhe fotografitë e tua dhe më pas kliko te “Submit” [“Dorëzo”] për ta ngarkuar dhe për të na e dërguar materialin tënd.

Përgjigjet mund të redaktohen lidhur me gjatësinë apo qartësinë.