Fakataha ʻo e Hoʻatā Sāpaté
Fakakaukau Fakasilesitiale!
Ngaahi Konga Fakamatala
Kuó u ʻilo ko e palani ʻa e Tamai Hēvaní maʻatautolú ʻoku fakaofo, ʻoku mahuʻinga moʻoni ʻa e meʻa ʻoku tau fai ʻi he moʻuí ni, pea ko e Fakalelei ʻa e Fakamoʻuí ʻa e meʻa ʻokú ne ʻai ke malava ʻa e palani ʻa e Tamaí. …
… ʻI he ʻaho ní, ke tokoni ke mou taau mo e ngaahi tāpuaki maʻongoʻonga ʻa e Tamai Hēvaní maʻamoutolú, ʻoku ou fakaafeʻi kimoutolu ke mou ohi ʻa e tōʻonga ʻo e “fakakaukau fakasilesitialé”! …
Ko ia, siʻoku ngaahi tokoua mo e tuofāfine ʻofeina, ko e hā ʻa e founga mo e feituʻu pea mo hai ʻokú ke fie nofo taʻengata mo iá? Te ke fili pē.
ʻI he taimi ʻe fai ai hoʻo filí, ʻoku ou fakaafeʻi koe ke ke sio lōloa—ʻaki ha vakai ʻoku taʻengatá. Fakamuʻomuʻa ʻa Sīsū Kalaisi, he ʻoku fakafalala ʻa e moʻui taʻengatá ki hoʻo tui kiate Ia mo ʻEne Fakaleleí. ʻOku toe fakafalala foki ia ki hoʻo talangofua ki Heʻene ngaahi fonó. …
ʻI hoʻo tokanga ke ke fakakaukau fakasilesitialé, ʻamanaki te ke fepaki mo e filí. …
ʻI hoʻo fakakaukau fakasilesitialé, ʻe liliu māmālie ho lotó. Te ke fie lotu lahi ange mo fakamātoato ange. …
ʻI hoʻo fakakaukau fakasilesitialé, te ke fakatokangaʻi ʻokú ke afe mei ha meʻa pē ʻokú ne kaihaʻasi hoʻo tauʻatāina ke filí. …
ʻE tokoni atu foki ʻa e fakakaukau fakasilesitialé ke ke talangofua ki he fono ʻo e angamaʻá. …
ʻI hoʻo fakakaukau fakasilesitialé, te ke vakai ai ki he ngaahi faingataʻá mo e fakafepakí ʻi ha fakakaukau foʻou. …
ʻI hoʻo fakakaukau fakasilesitialé, ʻe tupulaki hoʻo tuí. …
Ko e totongi vahehongofulú ʻoku fiemaʻu ai ʻa e tuí, pea ʻokú ne tanumaki foki ʻa e tui ki he ʻOtuá mo Hono ʻAlo ʻOfaʻangá.
Ko e fili ko ia ke moʻui angamaʻa ʻi ha māmani feʻauaki, mo fakapolitikalé, ʻokú ne tanumaki ʻa e tuí.
Ko e [fakaʻaongaʻi] ko ia ha taimi lahi ʻi he temipalé ʻokú ne tanumaki ʻa e tuí.