Ngaahi Ueʻi ʻa e Laumālié
Ngaahi Konga Fakamatala
ʻOku fakaafeʻi kitautolu ʻe he ʻEikí ke tau fekumi fakamātoato ki he ngaahi meʻafoaki lelei tahá, ʻa ia ko e ngaahi meʻafoaki fakalaumālié. ʻOkú Ne foaki mai ʻa e ngaahi meʻafoaki fakalaumālié ke tāpuekina kitautolu pea fakaʻaongaʻi ia ke tāpuekina ai mo e niʻihi kehé. …
… Ko hono fakaʻaongaʻi ʻo e ʻū meʻafoaki fakalaumālié ʻoku fiemaʻu ki ai ha ngāue fakalaumālie. …
Ko e taha ʻo e ngaahi meʻafoaki maʻongoʻonga taha ʻoku fiefia ai ʻa e Kāingalotú ko e takaua maʻu pē mo e Laumālie Māʻoniʻoní. …
Tuku ke u ʻoatu ha ngaahi tefitoʻi moʻoni fakahinohino ʻe fā ʻe lava ʻo tokoni ki hoʻo fakaafeʻi mo ʻiloʻi ʻa e ngaahi ueʻi ʻa e Laumālié.
Ko hono ʻuluakí ke tuʻu ʻi he ngaahi potu toputapú. …
Uá, kau mo e kakai māʻoniʻoní. …
Tolú, fakamoʻoniʻi ʻa e ngaahi moʻoni toputapú ki he lahi taha te ke lavá. …
Ko e tefitoʻi moʻoni fakaʻosí ke ke fakafanongo ki he Laumālie Māʻoniʻoní. …
ʻI hoʻo fakakaukauʻi ʻa e ngaahi tefitoʻi moʻoni ko ʻeni ke fakaafeʻi mo ʻiloʻi ʻa e Laumālié, fakakaukau ki he ngaahi lea fakahinohino ʻo e fakatokanga ko ʻení.
Fakapapauʻi hoʻo ngaahi ongo fakalaumālié. …
Fakapapauʻi ko e ngaahi ongo ʻokú ke maʻú ʻoku tatau mo ho fatongiá. …
ʻOku ʻikai ke fakamālohiʻi ʻa e ngaahi meʻa fakalaumālié. …
Fakaʻaongaʻi hoʻo fakakaukau lelei tahá. …
ʻOku ou fakaʻosi ʻaki ha fakaafe tautautefito ki he toʻu tupú kotoa! Ko e tokolahi ʻo kimoutolu ʻoku kamata h homou ʻahó ʻaki hoʻomou sio ki he sioʻatá. Ko ʻapongipongí, uiké ni, taʻú ni, kiʻi tuʻu maʻu pē ʻo fakakaukau ʻi hoʻo sio kiate koe ʻi he sioʻatá. Fakakaukau pē kiate koe, pea kapau te ke loto ki ai peá ke lea leʻolahi, “Mani ē, sio kiate au! ʻOku ou fakaofo! Ko e fānau au ʻa e ʻOtuá! ʻOkú Ne ʻafioʻi au! ʻOkú Ne ʻofa ʻiate au! ʻOku ou mohu tāpuekina—tāpuekina ʻaki ʻa e Laumālie Māʻoniʻoní ko hoku takaua maʻu pē!”