Hoko ko e Kau Muimui Anga-Fakamelino ʻo Kalaisi
Ngaahi Konga Fakamatala
Ko kitautolu ko ia ʻi he Siasí ʻoku feinga ke hoko ko e kau muimui anga-fakamelino ʻo Kalaisí, ʻoku tatali mai ha ʻaho fakafiefia ange ʻi heʻetau tokanga taha ki hotau ʻEiki mo e Fakamoʻui ko Sīsū Kalaisí. Ko e ngaahi faingataʻá ko ha konga ia ʻo e moʻui fakamatelié pea ʻoku hoko ia ʻi he moʻui ʻa e tokotaha kotoa ʻi he funga ʻo e māmaní. …
ʻOku faʻa fehuʻi maʻu pē ki he kau taki ʻo e Siasí, “Ko e hā ʻoku tuku ai ʻe ha ʻOtua angatonu ke hoko ʻa e ngaahi meʻa ʻoku koví, ʻo tautautefito ki he kakai leleí?” …
ʻOku ʻikai ke tau ʻilo kotoa ʻa e talí; ka, ʻoku tau ʻilo ha ngaahi tefitoʻi moʻoni mahuʻinga ʻoku tuku ai ke tau fehangahangai mo e ngaahi ʻahiʻahí, ngaahi mamahí, mo e ngaahi faingataʻá ʻi he tui mo e falala ki ha kahaʻu lelei ange ʻoku tatali mai kiate kitautolu takitaha. …
ʻOku tau ʻiloʻi ʻoku meimei ke tau ʻosi aʻusia kātoa ha ngaahi matangi mālohi fakatuʻasino mo fakalaumālie ʻi heʻetau moʻuí, ko e niʻihi naʻe fakamamahi fau. Kuo ʻomi ʻe ha Tamai ʻi Hēvani ʻofa mo Hono ʻAlo ko Sīsū Kalaisí, ʻa ia ko e ʻulu ki Hono Siasi kuo fakafoki maí, ha ngaahi folofola mo ha kau palōfita ke teuteuʻi kitautolu, fakatokanga mai fekauʻaki mo e ngaahi fakatuʻutāmakí, mo ʻomi ha fakahinohino ke teuteuʻi mo maluʻi kitautolu. Ko e niʻihi naʻe fiemaʻu ai ha ngāue fakahangatonu, pea ko ha niʻihi naʻá ne ʻomi ha maluʻi ki ha ngaahi taʻu lahi ʻi he kahaʻú. …
… Ko ha ngaahi moʻui fonu fakahīkihiki, mūsika, mo e fakafetaʻi, naʻe tāpuekina makehe. Ko e fiefia mo fakafalala ki he tokoni fakalangí ʻo fakafou ʻi he lotú, ko ha founga lelei ia ke hoko ai ko e kau muimui anga-fakamelino ʻo Kalaisí. ʻOku tokoni ʻa e feinga maʻu ai pē ke fiefiá ke fakaʻehiʻehi mei he tōʻonga ʻikai ke leleí. …
ʻI heʻeku hoko ko ha ʻAposetolo ʻa e ʻEiki ko Sīsū Kalaisí, ʻoku ou fakamoʻoni ʻe maʻu ʻe he “kau muimui anga-fakamelino ʻo Kalaisí” ha nonga fakafoʻituitui ʻi he moʻuí ni mo ha toe fakataha nāunauʻia fakalangi.