Ko e Vakai ki he Fāmili ʻo e ʻOtuá ʻo fakafou ʻi ha Sioʻata Fakalūkufuá
Ngaahi Konga Fakamatala
ʻOku malava nai ke tau kamata ke vakai ʻo hangē ko e ʻafio ʻa e ʻOtuá neongo ʻoku tau nofo ʻi he funga ʻo e palanite ko ʻení—ke maʻu ʻa e ongo fakalūkufua ko ʻení? ʻOku ou tui te tau lava ʻo liliu pea vakai kiate kitautolu mo hotau ngaahi fāmilí ʻi he ʻamanaki lelei mo e fiefia, ʻo fakafou ʻi he mata ʻo e tuí. …
… Koeʻuhí ko Kalaisi, ʻoku malava ʻa e meʻa kotoa. Ko e meʻa kotoa pē ʻokú ke hohaʻa ki aí, ʻa koe mo koe mo koé ʻe— lelei kotoa pē! Pea ko kinautolu ʻoku nau sio ʻaki ʻa e mata ʻo e tuí te nau lava ʻo ongoʻi ʻe lelei ia ʻi he taimí ni. …
Taimi ʻe niʻihi ʻoku tau fiemaʻu lahi ange ʻa e ʻofá kae ‘ikai ko e faleʻí; fakafanongo lahi angé kae ‘ikai ko e tafulu. …
Tau liliu muʻa ‘o vakai ki he ngaahi fetuʻutaki fakafāmilí ko ha founga lelei ke akoʻi mai ai ʻa e ngaahi lēsoni naʻa tau omi ki heni ke akó, ʻi heʻetau tafoki ki he Fakamoʻuí.
Tau tali muʻa, ʻoku ʻikai ha founga ia te tau lava ai ʻo hoko ko ha mali, mātuʻa, foha pe ʻofefine, mokopuna, faiako, pe kaungāmeʻa haohaoa ʻi ha māmani hinga—ka ʻoku lauimiliona ha ngaahi founga ke hoko ai ko ha tokotaha lelei. …
ʻI he ngaahi ʻaho fakaʻosí ni, mahalo ko ʻetau ngāue maʻongoʻonga tahá ʻe fai ia mo kinautolu ʻoku tau ʻofa aí—ko ha kakai lelei ʻoku nofo ʻi ha māmani faiangahala. ʻOku liliu ʻe heʻetau ʻamanaki leleí ʻa e anga ʻo ʻenau vakai kiate kinautolú pea mo honau tuʻunga totonú. Pea ʻi he ngaahi sioʻata ko ʻeni ʻo e ʻofá, te nau ʻilo ai ʻa e tuʻunga te nau hoko ki aí. …
Pea koeʻuhí ko e fānau kitautolu ʻo e fuakavá, te tau lava ʻo kolea ʻa e ongoʻi fakatuʻamelie ko ʻení ʻi he taimí ni! …
Ko e ʻofá ʻa e meʻa ʻokú ne liliu ʻa e ngaahi ongó. Ko e taumuʻa haohaoa tahá ia, pea ʻoku lava ke ongoʻi ia ʻe he niʻihi kehé. … Ko e moʻoni, ko kinautolu ʻoku ʻofa lahi taha mo lōloa tahá, ko kinautolu ʻe ikuná! …
Ko koe mo au? Te tau lava ʻo fai ʻeni! Te tau lava ʻo kātaki mo ʻamanaki atu!