ʻOku Lea ʻAki Heni ʻa e ʻOfá
Ngaahi Konga Fakamatala
ʻI he ʻaho ní, tau talanoa ki ha lea ʻe tolu ʻo e ʻofá ʻi he ongoongoleleí. …
ʻUluakí, ko e lea ʻo e ʻofá mo e fakaʻapaʻapá ʻi he ongoongoleleí. …
ʻOku fakatefito ʻetau sākalamēnití mo e ngaahi houalotu kehé ʻia Sīsū Kalaisi, ʻi he ʻofa mo e fakaʻapaʻapa. …
… ʻAi ke tau lea maʻu pē ʻi he ʻofa mo e fakaʻapaʻapa ki he ngāue mo e nāunau ʻo e ʻOtuá pea mo e taau, ʻaloʻofa, mo e manavaʻofa ʻa Sīsū Kalaisí mo ʻEne feilaulau fakaleleí.
Uá, ko e lea ʻo e tokoní mo e feilaulaú ʻi he ongoongoleleí. …
… ʻOku maʻu ʻi he ngaahi uiuiʻi ke tokoni ki he ʻEikí mo fetokoniʻaki ʻi Hono Siasí ha faingamālie ke tupulaki ʻi he ʻofa, ivi, mo e loto-fakatōkilal. …
… ʻOku tau fakaili ʻa e ngāue fakatahá kae fakafepakiʻi ʻa e māvahevahé ʻi heʻetau tokoni ʻaki hotau lotó ʻi hotau ngaahi ʻapí mo e kaungāʻapí. …
… ʻOku tokoni ʻa e ngaahi ʻekitivitī palani leleí ke ongoʻi ʻe he taha kotoa ʻoku fakamahuʻingaʻi, fakakau, mo fakaafeʻi ke ne fakahoko ha tufakanga ʻoku mahuʻinga. …
… ʻE tohoakiʻi kitautolu ʻe he tuí, ngāué, mo e feilaulaú ke tau tupulaki ʻo ofi ange ki hotau Fakamoʻuí. …
Pea ʻoku ʻomi ai kitautolu ki he lea ʻo e kau ki he fuakavá ʻi he ongoongoleleí. …
ʻOku foaki ʻe Sīsū Kalaisi ha founga lelei ange—ko ha feohi ʻoku fakavaʻe ʻi he fuakava fakalangí, ʻoku mālohi ange ʻi he ngaahi haʻi ʻo e maté. ʻE lava ʻe he fuakava ʻo e kau mo e ʻOtuá pea ʻiate kitautolú ʻo fakamoʻui mo fakamāʻoniʻoniʻi ʻetau ngaahi fetuʻutaki ʻoku mahuʻinga tahá. Ko hono moʻoní, ʻokú Ne ʻafioʻi lelei mo ʻofa lahi ange ʻiate kitautolu ʻo lahi ange ʻi heʻetau ʻiló pe ʻofa ʻiate kitautolú. Ko hono moʻoní, ko e taimi ʻoku tau fuakava ʻaki ai hotau kotoá, te tau lava ʻo lelei ange ʻi hotau tuʻunga lolotongá. ʻE lava ke tāpuakiʻi kitautolu ʻe he mālohi mo e māfimafi ʻo e ʻOtuá ʻaki ʻa e meʻafoaki lelei kotoa, ʻi Hono taimí mo ʻEne foungá.