Ukora te Korakora are mai Irouna

Inanon ana Euangkerio Mareko, ti wareka rongorongon te aine are e a tia n aoraki inanon te maan ae 12 te ririki. Iai temanna ae tuangnga taekan Iesu. Ngaia, are ngke E roko n ana kaawa, e tekateka n iteran te kawai are teuana, n tataninga. Ngke E nakonako irarikin te tabo are e mena iai te aine, e karaurau n nakoina n ringa rarikin Kunikaina.

E waekoa ni kamaiuaki ngkekei naba. Ma tiaki ti ngaia ae noora te kakai, Iesu naba. “Ao Iesu, ngke E ataia naba bwa e otinako mai Irouna te mwaaka, ao E rairaki i buakoia aomata aika mwaiti, ao E taku, Antai ae ringa kunnikaiu?” (Mareko 5:30). Tamaroa e kona naba n nanonaki n te korakora. E waekoa Iesu n ataia ae iai temanna ae e a tia ni karekea te korakora mai Irouna. Te mwakuri ae E waekoa ni karaoia bon kakaean te aine anne, bwa E na taetae mangaia, ao ni kauringnga ni mwaakan te onimaki. E weteia bwa “natina te aine.” Ibukina, ao e a kamaiuaki.

I a tia n reiakinna bwa te tataro ibukin te korakora e aki kona n ae e na aki kaekaaki. Ngkana ti Nakoina, E na “mena iroura ” (taraa Anene n Taromauri, nambwa. 129). Rongorongo n tatabeua nako inanon te maekatiin n te namwakaina aei bon te kauring iaon te koaua anne.

Inanon Ibukin Kakorakoraia Kairake: Te Kairi ibukin Karaoan Rinerine, a reirei kaain te Moan Beretitentii bwa “te Tia Kamaiu … bon ‘korakoraia kairake’” ([2022], 2). Tao ko na mimi n aron karekean te korakora anne. Bon au kaantaninga bwa kam na karekea te bwai teuana inanon iteraniba aikai are e na kairiko ni karokoko Irouna.

Kakaei iteraniba aikai. Tarai taeka ibukin te kaantaninga, kakaea te kibu ibukin te korakora, koroi wirikiriki ake a tia n rotiko ma te nanokawaki. Rinanon Iesu Kristo, ko na kona naba ni kamaiuaki.

Ma te tangira ae korakora,

Emily Belle Freeman

Beretitenti ni Kabuta irouia Kairake n Ataeinnaine