“12 Koroboki aika Tabu ibukin te Namakin …,” Ibukin Kakorakoraia Kairake, Maati. 2024, iteraniba–iteraniba.
Te Korakora man Koroboki aika a Tabu
12 Koroboki aika Tabu ibukin te Namakin …
Booki aika tabu a onrake ma taian kairi mai ieta, n aki tabe ma aron ara namakin.
Kamataata n te tamnei iroun Toby Newsome
Tabeua te ririki n nako, Elisabeth A., 17, mai Arizona, USA, e moanna n namakina te ingainga n nano, ao e a rikirake ni buakaka. “I namakinna ni katoa bong,” e taku. “E matoatoa irou bwa n na rinanona ni kabanea te bong.”
Ni karekean te mweengaraoi, e baireia Elisabeth bwa e na wareki booki aika tabu ni katoa tairiki. Inanon ana tai ni wareware, ao e a moanna n namakina te kukurei.
“I ataia ae tiaki ti ngai,” e taku. “I ataia bwa e tangirai te Atua ao e kanakoa Ana Rikitemanna, Iesu Kristo, ae namakina marakira, rawawatan nanora, nanokawakira, ao te bwarannano are iroura. Rinanon booki aika tabu, I karekea te reitaki ae korakora ma Kristo ao te taratara ae raoiroi n te maiu aei!”
E reiakinna Elisabeth bwa a onrake booki aika tabu ma kiibu ao karaki bwa e kanga te kaantaninga, te rau, ao te korakora ni kuneaki iroun Iesu Kristo. A mwaiti mai ibuakoia ara ninikoria inanon booki aika tabu ae a kaitara ma kakaewenako aika a kangaanga aroia. Ao inanon kangaanga n tatabeua nako, a kunea te kaantaninga, te rau, ao te korakora ngkana a rairaki nakon Iesu Kristo.
Warekan booki aika tabu a na aki kona ni buoka te bwai ae ko rinanona, ma koaua aika reiakinaki inanon booki aika tabu a kona n anga te korakora ao te kamaiuaki. Aikai tabeua booki aika tabu aika ko kona n tarai ngkana ko kainnanoa te kairi mai ieta ae reiakinaki ibukim ke raoraom. Ko kona ni karekei tabeua aika bon oin am bwai?
Bwa ngkana ko a namakina te …
Nanokawaki: Reirei ao Berita aika a Tabu 68:6
Mangaia are, kukurei, ao tai maaku, bwa Ngai te Uea I mena iroumi, ao n tei ibukimi.
Aki Tau: Ruka 12:6–7
“Ma a bane ni warekaki iran atumi. Kam na tai maku, bwa kam bongana riki nakoia tibaro aika bati.
Te Maama: Itaia 54:8
Ma N na nanoangaiko n te atataiaomata ae akea tokina.
Rootaki: Aramwa 26:27
Taotaon nanomi nakon karawawataakimi, ao n na angani ngkami te nakoraoi.
Bwarannano: Moronaai 7:41
Ko na karekea te kantaninga rinanon ana mwakuri ni kamaiu Kristo ao mwaakan mangautina.
Mamaara: Ita 12:27
Ngkana a karinanoia nakoiu, ao n iai aia onimaki irou, ao n na karaoi bwaai aika mamaara bwa a na korakora nakoia.
Nakonnano: Reirei ao Berita aika Tabu 84:88
N na mena i angataimi ao n angamaingimi, ao Tamneiu e na mena inanomi, ao au anera a mena i buakomi, n tabekiko rake.
Maraki: Taian Areru 30:2
Iehova ae Atuau, I tang nako Im, ao Ko katoka aorakiu.
Maaku: Iotua 1:9
Ko na kakorakorako ma n ninikoria … ba E memena Iehova ae Atuam i roum ike ko na nako iai.
Ti Ngaia: Ioane 14:18
I bon aki kitaningkami ni motiki romi; N na okiri ngkami.
Un: Moronaai 7:48
Tataro nakon te Tama ma korakoran nanomi ni kabane, bwa kam na kaonaki n te tangira aio.
Aki Rau: Reirei ao Berita aika Tabu 100:15
Mangaia are, a riai nanomi ni kabebeteaki; bwa bwaai ni kabane a na kaai ni mwakuri ibukin ae raoiroi nakoia ake a nakonako i nanon te raoiroi.