Te Korakora ni Katauraoi ao n Riki Bwa

Tokanikai ma te Tia Kamaiu

Iroun David A. Edwards

Ana Maekatin te Ekaretia

Te Tia Kamaiu e buokiko ni kakoroi nanom aika raraoi ibukin am tai ae na roko.

E inga Iesu Kristo ma te ataeinnaine

“Katauraoiko ibukin am tai ae na roko.” E taraa n ae anne te rongorongo ae rang ni bwainaki ni maiun te kairake—n te reirei, te taromauri, n te mwakuri, n te mweenga. Ko a kona ni waaki ma am iango, “Eng, eng. E reke irou.” Ngaia anne ko ataia bwa e a roko te tai ae na roko ao ko a riai ni katauroiko ibukina. Ao ae kakawaki riki, ko tangiria ni kanakoraoa am tai ae na roko.

Ko a moanna n ataa te bwai ae tangiria nanom. Ko a reireia te bwai ae ko bon tangiria raoi. Ko tangiria ni karaoa ae raoiroi ao bwaai aika ana uaana ni maium—ni kakoroa nanon te bwai ae onoti ao ni kakawaki n te aonaaba ao ni maiuia aomata ake tabeman, ni beku ibukin te Atua ao raoraom. Ko a moanna n ataia ae eti te bwai aei ao e na bon anganiko te kukurei.

Ngaia, ae aikai tabeua bwaai aika kakawaki aika kam na atai ngkana kam ikawai ao n tauraoi ibukin te tai ae na roko:

• E atai nanomi naba te Uea (taraa Reirei ao Berita aika Tabu 6:16). Bukina bwa nanom ae korakora man tangira a raraoi ao n etieti, e mena ikekei Iesu Kristo ma ngkoe ni kakorakorako ngkai ko katauraoi.

• Ko aki ti katauraoi nakon karaoan bwaai; ma ko a moanna n ataa te bwai ae e ataia Tamara are i Karawa ao te Tia Kamaiu ae ko kona n riki nako iai.

• Ko kona ni kakukureiko ibukin te tai aei ao ngkai ko katauraoiko naba ibukin te tai ae na roko. Te tai aei ni maium e bon onoti, ao rinerine aika raraoi aika ko rinei a katauraoiko ibukin te tai ae na roko.

Ngkai ko iangoa te bwai ae ko katauraoiko ibukina, iangoa naba te bwai ae kakorakorako iai te Tia Kamaiu inanon kawaim. Ao iangoia bwa tera ae Buokiko iai bwa e na riki nakoim.

Tera ae Ko Katauraoiko Ibukina?

Aikai tabeua katooto:

• E na reke riki am reirei

• Berita aika tabu n te tembora

• Mition

• Te Mare

• Te Mwakuri ao te nakoa

• Te Utu ao te aronikaro

• N riki bwa ana reirei Iesu

A kanga Tamara are i Karawa ao Iesu Kristo ni Kakorakorako ngkai Ko Katauraoi?

Aikai tabeua katooto:

1. A kanakoa nakoim te Tamnei ae Raoiroi, are e kona:

   1. Ni kamwengaraoiko.

   2. Ni Kairiko.

   3. Ni Kaungako.

   4. Kauringko ni bwaai ake ko a tia n reiakin.

   5. Anganiko te onimakinaki.

   6. Uota nakoim te rau.

   7. Raoiakina raraomam.

2. A kaungaia burabeti bwa a na reireiniko rinanon:

   1. Maungatabu ni Kabuta.

   2. Ana Maekatiin te Ekaretia.

   3. Kanakobwana aika onoti.

   4. Ana webutiaite te Ekaretia ao te bwai ni kaongora.

   5. Ibukin Kakorakoraia Kairake: Te Kairi ibukin Karaoan Rinerine.

3. A kaungaia tabeman bwa ana ibuobuoki ao ni boutokaiko, n raonaki ma:

   1. Kaaro.

   2. Rao.

   3. Taan Kairiiri.

   4. Taan Reirei.

Antai Iesu Kristo are E Buokiko Bwa Ko Na Riki Nako Iai?

E buokiko Iesu Kristo bwa ko na riki n aron te aeka n aomata ae E—titebo ma Tamam are i Karawa.

A kimwareirei ni mwaneka aika uarereke aika ko a tia ni karaoi—warekan koroboki aika tabu iroum, tabem n te Ekaretia aika ko kakoroi nanoia, bwaai n reirei aika ko mwakuri korakora iaona, ukeuke n tatabeua nako aika ko kamatebwai ibukiia, kataneiai ni kabane aika ko irii, taeka n akoi aika ko kabonganai, mwakuri n ibuobuoki ni kabane aika ko karaoi, ao a mwaiti riki.

Man korakoran te Tia Kamaiu, ao ko riai ni kakatauraoiko imwain te tai ae imwaim. Ao ko na riki n aron te bwai ae nakoraoi riki.

Te katauraoi bon mwakoron te kaantaninga Ibukin Kakorakoraia Kairake: Te Kairi ibukin Karaoan Rinerine. E kona warekana ni “buokiko ni katauraoiko ni karaoi berita aika tabu inanon te tembora, katauraoiko ni karaoa am mition, ao ni kunea te kimwareirei n iriira Iesu Kristo rinanon maium ni kabane.” Ngkanne ko kona “ni karekea te mwaaka mai Irouna ni kakoroi nanon Ana kaantaninga ibukim” ([2022], 2).

Ana Euangkerio Iesu Kristo: Ara babaire ni Uarokoira

“Taian tua, otenanti, ao berita aika tabu n te euangkerio tiaki mwaane ake a kantaningaaki bwa a na karinaki ni bangken karawa. Ana euangkerio Iesu Kristo bon te baire are e kaota nakoira arora ni kona n riki n aron are E tangiria Tamara are i karawa bwa ti na riki nako iai.”

Beretitenti Dallin H. Oaks, te Moan Kauntira n te Moan Beretitentii, Okitobwa. 2000 maungatabu ni kabuta (Ensign, Nobembwa. 2000, 32).

Reitinako ni Katauraoiko

“Te tai ae na roko e na mimitong ibukiia naake a tauraoi ao a reitinako ni katauraoi n riki bwa bwaai ni mwakuri ni bain te Uea.”

Beretitenti Russell M. Nelson, “Butimwaai Taai Aika a na Roko ma Te Onimaki,” Okitobwa. 2020 maungatabu ni kabuta (Riaona, Nobembwa. 2020, 75–76).

te ataeinnaine

“I aki iangoa katabeara n aia burokuraem Ataeinnaine bwa te bwai ae kakawaki ibukin te tai aei ngkai kairake ngaia. Ma n te bong teuana ao I noora tinau (are bon te tia kairiiri n aia bootaki Ataeinnaine) ae mwakuri iaon te karikirake ibukin aia burokuraem kairake. I uringa namakinan te unga n nano man ana banna ni katooto ni waaki ma te tamnei, ngaia ae I a kataia ni bita kateiu.

“I moanna n reiakina te bwai ae kakawaki n ana euangkerio Iesu Kristo ibukin maiu. Inanon ririki aika nako, I namakina te kakoaua bwa e koaua ana euangkerio Iesu Kristo. Riki ngke e matoatoa aron te maiu ngke I kunea maiu imwiin kairakeu, ngke I teimatoa n kawakin bwaai aikanne I ataia bwa a koaua ngke I ataeinnaine, a rang mwaiti au taneiai n te tamnei ake a tia ni karika au koaua n aron ae riki n te bong aei.”

Sundae I., Misamis Oriental, Philippines