Te Korakora n Taai n Rawawata

I Taonaki n te Rawawata! Tera Ngkai?

Iroun Eric D. Snider

Ana Maekatin te Ekaretia

Aikai tabeua iango aika a na kona ni buokiko ni kanakoa te rawawata man Mwaakana ni kamaiu.

Kamataata n te tamnei iroun Uran Duo

Rawawata. Ingainga n nano. Te Kaaraki. Te Ang. Kangaanga. Raraoma.

Tera atongana iroum, e a tia n riki bwa mwakoron te maiu ae mamate man te tai are a kitana iai te Onaroka Atam ao Ewa. Akea kawain karekean te “maiu n akea te rawawata.” Ni koauana, te maiu n aron anne e na kona ni kanakoa te kaantaninga! (Taraa 2 Nibwaai 2:11–12.)

Ngkai tiaki kona ni kakea te rawawata ni kabane, ti riai ni kabanea ara iango iaon aron buokana. Angiin reken te rawawata e kona n tibwauaki nakon uoua mwakorona:

1. Bwaai aika ko kona n tararuai.

2. Bwaai aika ko aki kona.

1. Bwaai Aika Ko Kona n Tararuai

Ibukin ririki, a mwaiti aomata man koaua ake tabeua ae a tia ni karekea te rau ni kamatenanoa te bwai ae ataaki bwa te “Tataro ni Bubuti”: “Te Atua, anganai te rau n nano bwa n na kariai bwaai aika I aki kona ni biti, te nano ni biti bwaai aika I kona, ao te wanawana n ataa te kaokoro.”¹

Te Burabeti Iotebwa Timiti e anganiia Aika Itiaki ngkoa kaetieeti ni buoki aia kangaanga aika mwaiti: “Mangaia are, tarira aika kam tangiraki, ti riai ni kukurei ni karaoi bwaai ni kabane aika a wene ni mwaakara; ao ngkanne ti aonga ni bon tei naba, ma te koaua ae kororaoi, n noora ana kamaiu te Atua, ao ibukin baina bwa e na kaotaki” (Reirei ao Berita aika Tabu 123:17; e kairaki ma katuruturuana).

N taekana riki teuana: Karaoi bwai ni kabane aika ko konai, ao kariaia te Atua bwa e na buokiko mai ikanne. Kabanea am iango iaon te bwai ae ko kona n tararuaia, n aron:

Oin am rinerine

Ibukin Ana Mwakuri ni Kamaiu Iesu Kristo, ti “a tia ni kainaomataki n aki toki, n ataa te raoiroi man te buakaka; ma a na karaoaki mwakuri [nakoira] ao n aki kairiraki” (2 Nibwaai 2:26). Ti riai n “ingainga [ni, kan] katabeko” ni kan karaoan te waaki ae e raoiroi (Reirei ao Berita aika Tabu 58:27).

Kateim

Te tia koro karaki mai Amerika Meeia Angelou e korea, “Tera ae ko riai ni karaoia ngkana ko aki tangira te bwai ae e na bitia. Ngkana ko aki kona ni bitia, bita te kawai ae ko kona n iangoia ibukina.”² Tarai bwaai aika raoiroi irouia aomata ao n taian kangaanga. Karika karaoan tabem ma te bwai n takakaro. Te un te tai ae maan iaon aki kukureim n te kangaanga e na bon aki buokia.

Am kaeka nakon bwaai aika ko aki kona n tararuail

Ko aki kona n totokoi angibuaka, ma ko kona n anga te tai, te mwane, ke te mwakuri ni buokiia nake a rotaki iai. Ko aki kona n tuanga raoraom bwa e na kitana te Taromauri, ma ko kona n reitinako n tangiria ao ni katea te banna ni katooto ae raoiroi. Ko aki kona ni buokia ngkana iai temanna ae taekina te bwai ae aki raoiroi nakoim, ma ko kona n rinea te bwai ae ko na karaoia nakoina.

Ao ni kabane bwaai aikai, uringa te bwai teuana ae ko kona n ururingnga rinanon bwaai aikai ni kabane, uringa te bwai teuana ae ko kona ni karaoia n tainako; te tataro. Butia te Atua bwa ko na karaoi bwaai aika ko aki kona ni karaoi—ni biti bwaai aika ko aki kona ni biti. Ma tera mwiina ae kona n reke, e kona te Tia Kamaiu ni buokiko n namakina te rau.

2. Bwaai Aika Ko Aki Kona n Tararuai

Aio te kabanea ni bebete ni kawai ae ko na taetae iaona bukina bwa e bebete baireana:

Ngkana ko aki kona n tararuaia, tai raoraoma ibukina.

Irarikina, kamwakura te onimaki iroun Iesu Kristo ao kabanea am tai iaon te bwai ae ko kona n tararuaia. Kataia n aki kariaia te raraoma bwa e na kamaunanakoko.

E bebete riki nakon ae e a tia, eng. (Tai iangoia ae iai “raraomam” ni bita anne ko kona ti ni bitia ni kamaiua ao ni kamatea?)

Ngkana ti kariaia bwa e na konaira ara kangaanga ao anne bon te moan kanikina bwa ko nang aki katabeko iai. Ko kona ngkanne ni katuka am onimaki iroun Iesu Kristo.

A bane ni bwaka iaan teuana mai ibuakon bwaai aika uoua aikai bwaai aika e a riaon ara konaa:

Bwaai Aika Riki n te Aonaaba

Te rongo, te mwau takataka, angibuaka. Aoraki. Tianakin bwaai tabeua ao kangaanga n te aoraki. E kona katein te aomata n iai mwiina ni bwaai aikai, ao iai n tainako kawai aika ti kona ni kabonganai ni katauraoi ibukiia ke ni kakerikaaki kangaanga aika a na riki mai iai. Ma tiaki kona n tararuai ni katoa bong.

Aia rinerine aomata ake tabeman

E kanga aron kateia aomata iaon te intanete. Tao a tiku ke aki tiku raoraom n te Taromauri. Tera ae a winnantiko iai aomata. Babaire aika karaoaki n taian kabowi ao tautaeka. Tera burokuraem iaon te TV. Mwaitira boon bwaai. Ko kona n anga am iango, ma ni bon arona, rinerine ake a karaoaki irouia aomata nakon are bon iroum a riaon am tararua.

Ngkana ko namakina te rawawata:

1. Kakaea bukina.

2. Iangoia ngkana te bwai ae ko kona ni bitia.

3. Ngkana ngaia anne, mwakuriia n ibitia. Ngkana tiaki, ao kanakoa.

4. Ao ni bwaai ni kabane aika ko karaoi, uringnga n tataro.

Uoua riki bwaai aika ko aki kona n tararuai (ngaia are tai raraoma ibukiia):

Te tai ae nako. Tera ae a tia ni karaoaki. Ko aki kona n ibitia, ma ti karekea te reirei mai iai.

Te tai ae na roko. Ko kona ni baibaire ao ni katauraoi ao n tataro. Ko kona ni karaoi rinerine ngkai aika a na kona ni kairiiri nakon bwaai aika raraoi nakon taai aika a na roko—tera ae atongnga Nibwaai ti “maiuakina te kukurei” (2 Nibwaai 5:27). Ma ko aki kona n tararuaia ke n taekinna (irarikin bwaai aika tabu n am kaotioti) tera te bwai ae nang riki. Ngaia ae tai katabea am iango iai. Katabetabeko ma kangaanga aika riki n te bong aei, tiaki kangaanga aika na riki n ningabong (taraa 3 Nibwaai 13:33–34).

Te Bwai ae Na Taraaki: Te koroboki aei bon rongorongon te maiu ae bwainaki, ao te rawawata ni katoabong. Ko na bae ni kainanoa te ibuobuoki riki ngkana ko kaitara ma te rawawata aika a korakora ke n aki boraoi aroia. Taetae nakon te ikawai ae onimakinaki. Nakon mentalhealth.ChurchofJesusChrist.org ibukin riki iango tabeua.

Bwaai Aika a na Taraaki

1. E anaaki man te moan n tataro iroun Reinhold Niebuhr. Taraa The Essential Reinhold Niebuhr: Selected Essays and Addresses (1987), 251.

2. Maya Angelou, Wouldn’t Take Nothing for My Journey Now (1993), 87.