Karekea Korakorana

7 Kawai ibukin Karekean Korakoran Iesu Kristo

Iroun Becca Aylworth Wright

Ana Maekatin te Ekaretia

“Iesu Kristo bon korakoraia kairake.” E na kanga n riki aio bwa anuan maiura ao n aki tii warekia bwa te kibuntaeka?

“Iesu Kristo bon korakoraia kairake.” E raka riki nakon te iango ae tamaroa. Bon te koaua ae korakora ae reiakinaki irouia burabeti ao abotoro¹—ma ti ngkana ti kabongana, ngkana ti karaoa Iesu Kristo bwa ngaia reken korakorara. Ma ti na kanga ni karaoa anne? Ti kanga ni kariaia Iesu Kristo bwa e na buokiira ni kakorakoraira riki? Aikai tabeua iango.

te bwabetito

Kamataata n te tamnei iroun Toby Newsome

1 Karekea te Korakora man Kawakinan Am Berita aika Tabu

“E kanga aron reken te mwaaka ae riai ao n tamnei, ao ti na kanga ni karekea? Rekena bon mairoun te Atua. Karekean te mwaaka anne iroura bon rinanon ara berita ma Ngaia.”

Unimwaane D. Todd Christofferson man te Kooram n Abotoro n te Tengaun ma Uoman, Eberi. 2009 maungatabu ni kabuta (Ensign ke Liahona, Meei 2009, 20).

e wareki booki aika tabu te ataeinnaine

2 E Karekea te Korakora man Warekan Booki aika Tabu

“Iai mwaakan ana taeka te Atua … ni kakorakoraia Aika Itiaki … bwa aonga ni kona ni kaitara te buakaka, teimatoa n te raoiroi, ao ni karekea te kimwareirei n te maiu aei.”

Beretitenti Ezra Taft Benson (1899–1994), “The Power of the Word,” Eber. 1986 maungatabu ni kabuta (Ensign, Meei 1986, 80).

koroboki aika tabu

“A kona booki aika tabu ni kabebetei nanora aika bubuaka, n anga te rau, te kantaninga, ao kaokakin te koaua n ana konabwai temanna n tokanikai iaon kakaewenako ni bwain te maiu aei. Iai mwakaia aika korakora ni buoki kakaewenako n te namakin ngkana iai te onimaki iroun te Tia Kamaiu.”

Unimwaane Richard G. Scott (1928–2015) man te Kooram n Abotoro n te Tengaun ma Uoman, Okito. 2011 maungatabu ni kabuta (Ensign, Nobembwa. 2011, 6).

Tuua ake Tebwina iaon atibu

3 Karekea te Korakora man Kawakinan Tuua

“Kamaiuakira e boboto iaon ara rairannano. E reke korakorara man ara ongotaeka nakon Ana tua te Atua.”

Beretitenti Gordon B. Hinckley (1910–2008), “The Times in Which We Live,” Okitobwa. 2001 maungatabu ni kabuta (Ensign, Nobembwa. 2001, 74).

“Ao ngkana a kaawakin ana tua te Atua natiia aomata ao e na kateimatoai marurungiia, ma ni kakorakoraia.”

1 Nibwaai 17:3.

te aine ngke e karekea te toa

4 Karekea te Korakora man te Rairannano ni Katoa bong

“Rinanon te onimaki n Ana Mwakuri ni Kamaiu Iesu Kristo ao te rairannano n aia bure, [n tatabemaniia] a karekea te korakora ao te ibuobuoki ni karaoan mwakuri aika raraoi ake a na aki kona ni kateimatoai ngkana e tiku nakoia n akea te ibuobuoki.”

Bible Dictionary, “Grace,” Gospel Library.

5 Karekea te Korakora man Ukoran ao Irakin te Kaotioti

“Tera ae e na riki ngkana ko kabanea nanom n ongo, kakauongo raoi, mutiakin baike e taekin te Tia Kamaiu ao are e taekin ngkai rinanoia Ana burabeti? I berita bwa ko na kakabwaiaaki riki ma te mwaaka ni buakana te kariiri, korakai, ao te mamaara. … Ao I berita bwa ami konabwai n namakina te kukurei e na rikirake e ngae ngke e rikirake te mangaongao inanon maium.”

Beretitenti Russell M. Nelson, “Ongo Irouna,” Eberi. 2020 maungatabu ni kabuta (Ensign ke Riaona, Meei 2020, 90).

te ataeinnaine e tataro

6 Karekea te Korakora man te Tataro

“E na kakorakoraaki mwaakara n tamnei rinanon te tataro. Ngkana ti reitaki ma te Atua ni bwaai ni kabane ake ti karaoi, ao e na kairiira nakon ae raoiroi.”

Beretitenti Russell M. Nelson, Okitobwa. 1984 maungatabu ni kabuta (Ensign, Nobembwa. 1984, 31).

kairake i moan te tembora

7 Karekea te Korakora Man te Mwakuri n Ibuobuoki n te Tembora

“Taiaoka karekea am tai ibukin te Uea n Ana auti ae Tabu. Akea te bwai ae na kakorakora aan tamneim n aron te mwakuri n ibuobuoki n te tembora ao te nebonebo n te tembora.”

Beretitenti Russell M. Nelson, “Bairea am Tai ae Onoti ibukin te Uea,” Okitobwa. 2021 maungatabu ni kabuta (Riaona, Nobembwa. 2021, 121).

te ataeinnaine

“I rang n tangiria bwa ti kanga n tia ni karekea te korakora mairoun Iesu Kristo, ma ti na riai ni ukoria ao ni karaoia ma te onimaki.”

Grace T., 15, USA

Te bwai ae na taraaki

1. Taraa Ibukin Kakorakoraia Kairake: Te Kairi ibukin Karaoan Rinerine (2022), 2.