Түүний хүчийг ол

Есүс Христийн хүчийг олж авах 7 арга зам

Бэкка Эйлворт Врайт

Сүмийн сэтгүүл

“Есүс Христ бол өсвөр үеийнхний хүч чадал юм.” Эдгээр нь зүгээр нэг танил үгс байхаас илүүтэй хэрхэн чиний хувьд бодитой болж чадах вэ?

“Есүс Христ бол өсвөр үеийнхний хүч чадал юм.” Энэ зүгээр ч нэг сайхан санаа биш. Энэ бол бошиглогч, төлөөлөгчдийн заасан хүчирхэг үнэн юм¹—гэвч бид үүнийг хэрэгжүүлэх үед, мөн Есүс Христийг өөрсдийн хүч чадлаа болгох үед л энэ үнэн биелнэ. Гэхдээ бид хэрхэн үүнийг хийх вэ? Илүү хүчирхэг болоход маань туслах боломжийг Есүс Христэд бид хэрхэн олгох вэ? Энэ талаарх хэдэн санааг авч үзье.

баптисм

Зураг чимэглэлийг Тоби Ниүсом

1 Гэрээнүүдээ сахиснаар хүчийг олж ав

“Ийм ёс суртахууны болон сүнслэг байдлын хүч чадлын эх сурвалж юу вэ? Бид тэдгээрийг хэрхэн олж авдаг вэ? Үүний эх үүсвэр нь Бурхан юм. Бид энэ хүчийг Түүнтэй байгуулсан гэрээнүүдээрээ дамжуулан олж авч чадна.”

Арван хоёр төлөөлөгчийн чуулгын ахлагч Д.Тодд Кристоффэрсон, “Гэрээнүүдийн хүч” 2009 оны 4-р сарын Ерөнхий чуулган, 19 (Ensign эсвэл Liahona, May 2009, 20).

судар уншиж буй охин

2 Түүний үгсийг уншсанаар хүчийг олж ав

“Бурханы үг нь … гэгээнтнүүдийг нүгэл хилэнцийг эсэргүүцэж, сайн бүхнийг мөрдлөг болгон, энэ амьдралд баяр баясгаланг олоход нь бэхжүүлэх хүчтэй юм.”

Ерөнхийлөгч Эзра Тафт Бэнсон (1899–1994), “Үгийн хүч” Apr. 1986 general conference (Ensign, 1986 оны 5-р сар, 80).

судрууд

“Судрууд нь шаналсан сэтгэлийг тайвшруулж, амар амгалан, найдварыг өгч, амьдралын сорилт бэрхшээлийг даван туулах чадварыг сэргээдэг. Аврагчид итгэж байгаа тохиолдолд сэтгэл санааны сорилт бэрхшээлийг эдгээж чадах бодит хүч эдгээрт бий.”

Арван хоёр төлөөлөгчийн чуулгын ахлагч Ричард Г.Скотт (1928–2015), “Судрын хүч”, 2011 оны 10-р сарын Ерөнхий чуулган, 5 (Ensign, Nov. 2011, 6).

Арван зарлигийн хавтангууд

3 Түүний зарлигуудыг сахиснаар хүчийг олж ав

“Бидний аюулгүй байдал наманчлал дээр тогтдог. Бурханы зарлигуудад дуулгавартай байснаар бид хүч чадлыг олдог.”

Ерөнхийлөгч Гордон Б.Хинкли (1910–2008), “The Times in Which We Live,” Oct. 2001 general conference (Ensign, Nov. 2001, 74).

“Хүмүүний үрс Бурханы зарлигуудыг дагавал тэрээр тэднийг асран мөн тэднийг хүчирхэгжүүл[эх] … бөлгөө.”

1 Нифай 17:3.

ариун ёслолоос хүртэж буй эмэгтэй

4 Өдөр бүр наманчилснаар хүчийг олж ав

“Есүс Христийн Цагаатгалд итгэх итгэлээр болон нүглээ наманчлахаар дамжуулан [хувь хүмүүс] хүч чадалтай болж, сайныг үйлдэхэд тусламж авдаг, эс бөгөөс зөвхөн өөрийнхөө хүч чадал, боломжид найдахаас өөр замгүй байдаг гэж хэлж болно.”

Библийн толь, “Ач ивээл,” Gospel Library.

5 Илчлэлтийг эрэлхийлж мөн дагаснаар хүчийг олж ав

“Аврагчийн хэлж байсан, мөн өдгөө бошиглогчдоороо дамжуулан хэлж буй зүйлсийг илүү чин сэтгэлээсээ сонсож, анхаарал хандуулбал танд юу тохиох бол? Би та бүхэнд уруу таталт, зовлон зүдгүүр, сул дорой байдалтайгаа тэмцэх нэмэлт хүч чадлаар адислагдах болно гэдгийг амлаж байна. … Амьдралд тань саад бэрхшээл дүүрэн байсан ч баяр баясгаланг мэдрэх чадвар тань өсөн нэмэгдэнэ гэдгийг би амлаж байна.”

Ерөнхийлөгч Рассэлл М.Нэлсон, “Түүнийг сонс,” 2020 оны 4-р сарын Ерөнхий чуулган, 108 (Ensign эсвэл Liahona, May 2020, 90).

залбирч буй залуу эрэгтэй

6 Залбирлаар дамжуулан хүчийг олж ав

“Бидний сүнслэг хүч чадлын шугам залбирлаар дамжин хүчирхэгждэг. Бид хийх зүйлсээ Бурхантай зөвлөлдөх үед тэр биднийг сайн руу чиглүүлэх болно.”

Ерөнхийлөгч Рассэлл М.Нэлсон, Oct. 1984 general conference (Ensign, 1984 оны 11-р сар, 31).

ариун сүмийн өмнө буй өсвөр үеийнхэн

7 Ариун сүмийн үйлчлэлээр дамжуулан хүчийг олж ав

“Их Эзэний ариун өргөөнд Түүнд зориулан цаг гаргаарай. Та бүхний сүнслэг суурийг ариун сүмийн үйлчлэл, бишрэлтэй адилаар өөр юу ч хүчирхэгжүүлэхгүй.”

Ерөнхийлөгч Рассэлл М.Нэлсон, “Их Эзэнд зориулан цаг гарга,” 2021 оны 10-р сарын Ерөнхий чуулган (Лиахона, 2021 оны 11-р сар, 121).

залуу эмэгтэй

“Би Есүс Христээс хүч чадлыг олж авах боломжтойд их баярладаг, гэвч бид үүнийг эрэлхийлж мөн итгэлийнхээ дагуу үйлдэх ёстой.”

Грэйс Т., 15 настай, АНУ

Эх сурвалж

1. Өсвөр үеийнхний бат бөх байдлын төлөө: Сонголт хийхэд туслах хөтөч-ийг үзнэ үү (2022), 2.