Te pūai nō te upo’oti’a i ni’a i te hara

E mea pa’ari a’e i te fa’ahemara’a

Nā Eric D. Snider

Te mau ve’a a te ’Ēkālesia

E ti’a i te Fa’aora ’ia ha’apūai ia ’outou ’a ’imi ai ’outou i te ’ape i te hara.

E temeio te tātarahapara’a. ’Ua fa’ati’a Iesu Mesia i te reira. E ’oa’oa te Metua i te ao ra i te fa’a’ore i tā tātou hara, ’ia mā’iti ana’e tātou i te tātarahapa ’e i te pe’e i tāna mau fa’auera’a. Noa atu e tītauhia ia tātou pā’āto’a ’ia tātarahapa i te roara’a o tō tātou orara’a, nāhea tātou e nehenehe ai e pāto’i i te hara ’e ’ia rave i te mau mā’itira’a maita’i a’e ?

Teie te tahi mau mana’o nō te fa’ari’i i te pūai maoti Iesu Mesia i mua i te fa’ahemara’a :

• ’A tai’o i te mau pāpa’ira’a mo’a i te mau mahana ato’a.

• ’A pure i te mau mahana ato’a.

• ’A haere tāmau i te purera’a.

I te tahi taime, tē pāto’i nei tātou i te reira mai te mau pāhonora’a pāpū maita’i. ’Eiaha e topa i roto i taua herepata ra ! E fa’ahiti-fa’ahou-hia teie mau pāhonora’a tumu ’e te faufa’a rahi ma te pinepine nō te mea e mau pāhonora’a tumu ’e te faufa’a rahi ! Tē ’ohipa nei rātou.

’A rave i teie mau mea, ’e e ha’afātata atu ā ’outou i tō ’outou Fa’aora.

feiā ’āpī tamāhine e tu’e ra i te hō’ē ’ufa mana’o tano ’ore

Fa’ahōho’ara’a nā Adam Howling

• ’Ia tae ana’e mai te hō’ē mana’o tano ’ore i roto i tō ’outou ferurira’a, ’a ti’avaru atu i te reira ma te hō’ē hīmene au-roa-hia ’aore rā te hīmene e fa’aitoito.

  pāpa’ira’a mo’a

• ’A tāmau ’ā’au i te tahi mau pāpa’ira’a mo’a tāmāhanahana, ’e ’a fa’aineine i te reira nō te hō’ē ā fā.

  mau rima e tāpe’a ra i te mau hōho’a māfatu

• ’A ’imi i te mau fāna’ora’a nō te tāvini ia vetahi ’ē.

  feiā ’āpī tamāroa e arata’i ra i te hīmene

• ’Ia vai ha’apa’o maita’i i roto i te rave fa’aotira’a i tā ’outou mau tītaura’a i roto i te ’Ēkālesia.

  feiā ’āpī tamāhine i rōpū e fa’ahau ra e piti nā ta’ata

• ’Ia riro ’ei ta’ata fa’atupu hau, i te fare iho ā rā.

  fare purera’a

• ’Ia ha’amo’a i te mahana sābati.