សម័យប្រជុំព្រឹកថ្ងៃអាទិត្យ
សេចក្ដីសញ្ញា និងការទទួលខុសត្រូវ
សេចក្ដីដកស្រង់
សេចក្ដីសញ្ញាគឺជាការប្ដេជ្ញាចិត្តដើម្បីបំពេញទំនួលខុសត្រូវជាក់លាក់ ។ ការប្ដេជ្ញាចិត្តផ្ទាល់ខ្លួនមានសារៈសំខាន់ចំពោះលំនឹងនៃជីវិតយើងរៀងៗខ្លួន និងដំណើរការក្នុងសង្គម ។…
កាលគ្រានៃការស្ដារឡើងវិញនៃភាពពេញលេញនៃដំណឹងល្អរបស់ព្រះយេស៊ូវគ្រីស្ទបានមកដល់ នោះព្រះបានហៅព្យាការីម្នាក់ឈ្មោះ យ៉ូសែប ស៊្មីធ ។… [ ព្រះគម្ពីរមរមន ]គឺជាប្រភពដ៏សំខាន់នៃការស្ដារឡើងវិញនៃភាពពេញលេញនៃដំណឹងល្អ រួមទាំងផែនការរបស់ព្រះសម្រាប់បុត្រាបុត្រីរបស់ទ្រង់ ហើយព្រះគម្ពីរមរមនត្រូវបានបំពេញយោងតាមសេចក្ដីសញ្ញានានា ។…
សេចក្ដីសញ្ញាគឺជាមូលដ្ឋានគ្រឹះនៅក្នុងការស្ដារឡើងវិញនៃដំណឹងល្អ ។ ការណ៍នេះគឺស្ដែងយ៉ាងច្បាស់នៅដំណាក់កាលដំបូងដែលព្រះអម្ចាស់បានដឹកនាំព្យាការីឲ្យរៀបចំសាសនាចក្ររបស់ទ្រង់ ។…
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ កំពុងសាងសង់ព្រះវិហារបរិសុទ្ធនៅទូទាំងពិភពលោក ។ គោលបំណងនៃព្រះវិហារបរិសុទ្ធគឺដើម្បីផ្ដល់ពរជ័យដល់បុត្រាបុត្រីនៃសេចក្ដីសញ្ញារបស់ព្រះ នូវការថ្វាយបង្គំនៅព្រះវិហារបរិសុទ្ធ និងការទទួលខុសត្រូវដ៏ពិសិដ្ឋ និងអំណាច និងពរជ័យដ៏ពិសេសនៃការចងភ្ជាប់នឹងព្រះគ្រីស្ទ ដែលពួកគេទទួលបានតាមរយៈសេចក្ដីសញ្ញា ។
សាសនាចក្រនៃព្រះយេស៊ូវគ្រីស្ទត្រូវបានស្គាល់ ជាព្រះវិហារមួយដែលសង្កត់ធ្ងន់ទៅលើការធ្វើសេចក្ដីសញ្ញាជាមួយព្រះ ។ សេចក្ដីសញ្ញាគឺមាននៅក្នុងពិធី បរិសុទ្ធនៃសេចក្ដីសង្គ្រោះ និងភាពតម្កើងឡើងនីមួយៗដែលសាសនាចក្រដែលបានស្ដារឡើងវិញនេះផ្ដល់ការងារបម្រើ ។ ពិធីបរិសុទ្ធនៃពិធី បុណ្យ ជ្រមុជទឹក និងសេចក្ដីសញ្ញាដែលទាក់ទង នឹង វា គឺ ជាកិច្ច តម្រូវដើម្បីចូលទៅក្នុងនគរសេឡេស្ទាល ។ ពិធីបរិសុទ្ធ និងសេចក្ដីសញ្ញានៃព្រះវិហារបរិសុទ្ធដែលទាក់ទង គឺជាកិច្ចតម្រូវសម្រាប់ភាពតម្កើងឡើងនៅ ក្នុងនគរសេឡេស្ទាល ដែលជាជីវិតដ៏នៅអស់កល្បជានិច្ច « គឺជាអំណោយទានដ៏មហិមាបំផុតនូវគ្រប់អំណោយទានទាំងឡាយនៃព្រះ » ។ [គោលលទ្ធិ និងសេចក្ដីសញ្ញា ១៤:៧] ។ នោះគឺជាការផ្ដោតរបស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។