សម័យប្រជុំព្រឹកថ្ងៃសៅរ៍
ទំនុកចិត្តលើសេចក្តីសញ្ញាតាមរយៈព្រះយេស៊ូវគ្រីស្ទ
សេចក្ដីដកស្រង់
បងប្អូនប្រុសស្រីជាទីស្រឡាញ់ អស់អ្នកដែលទុកចិត្តពិតចំពោះសេចក្ដីសញ្ញាដែលបានធ្វើនៅក្នុងព្រះដំណាក់របស់ព្រះអម្ចាស់តាមរយៈព្រះយេស៊ូវគ្រីស្ទ នោះនឹងទទួលបានអំណាចដ៏មានអានុភាពបំផុតមួយនៅក្នុងជីវិតនេះ ។…
តើយើងទទួលបានទំនុកចិត្តបែបនេះតាមរយៈព្រះយេស៊ូវគ្រីស្ទដោយរបៀបណា ? វាកើតឡើងតាមរយៈការបន្ទាបខ្លួន ដោយផ្តោតជីវិតយើងទៅលើព្រះអង្គសង្គ្រោះ ការរស់នៅតាមគោលការណ៍នៃដំណឹងល្អនៃព្រះយេស៊ូវគ្រីស្ទ ការទទួលពិធីបរិសុទ្ធនៃសេចក្តីសង្គ្រោះ និងភាពតម្កើងឡើង និងការគោរពសេចក្តីសញ្ញាដែលយើងធ្វើនៅក្នុងដំណាក់ដ៏បរិសុទ្ធរបស់ទ្រង់ ។…
… ខ្ញុំដឹងថា នៅពេលព្រះអម្ចាស់ទតឃើញសូម្បីតែបំណង ឬពន្លឺនៃការខិតខំដ៏សុចរិតតែបន្តិចនៅក្នុងឆន្ទៈយើង ដើម្បីផ្តោតជីវិតយើងទៅលើទ្រង់ ពិធីបរិសុទ្ធ និងសេចក្តីសញ្ញាដែលយើងធ្វើនៅក្នុងព្រះដំណាក់របស់ទ្រង់ នោះទ្រង់នឹងប្រទានពរដល់យើងតាមវិធីទ្រង់ដ៏ល្អឥតខ្ចោះជាមួយនឹងអព្ភូតហេតុ និងក្ដីមេត្តាដ៏ទន់ភ្លន់ដែលយើងត្រូវការ ។
ព្រះដំណាក់របស់ព្រះអម្ចាស់គឺជាកន្លែងដែលយើងអាចបានផ្លាស់ប្តូរកាន់តែល្អ និងបរិសុទ្ធ ។… ខ្ញុំសូមធានាដល់បងប្អូនថា ការមានព្រះវិញ្ញាណនៃព្រះដំណាក់របស់ព្រះអម្ចាស់នៅក្នុងយើង ផ្លាស់ប្តូរយើងទាំងស្រុង ។…
ការបន្ត និងការពន្លឿនការសាងសង់ព្រះវិហារបរិសុទ្ធនឹងបន្តផ្ដល់ក្តីរំភើប បំផុសគំនិត និងផ្ដល់ពរដល់យើង ។ ប៉ុន្តែដែលសំខាន់ជាងនោះទៅទៀត នៅពេលយើងផ្លាស់ប្តូររបៀបរៀបចំខ្លួនដើម្បីចូលព្រះវិហារបរិសុទ្ធ នោះយើងនឹងផ្លាស់ប្ដូរបទពិសោធន៍នៅក្នុងព្រះវិហារបរិសុទ្ធ ដែលនឹងផ្លាស់ប្តូរជីវិតយើងនៅខាងក្រៅព្រះវិហារបរិសុទ្ធផងដែរ ។ សូមឲ្យការផ្លាស់ប្តូរនេះបំពេញយើងដោយទំនុកចិត្តទៅលើសេចក្តីសញ្ញាបរិសុទ្ធរបស់យើង ដែលបានធ្វើជាមួយព្រះតាមរយៈព្រះយេស៊ូវគ្រីស្ទ ។