សម័យប្រជុំរសៀលថ្ងៃអាទិត្យ
ទីបន្ទាល់អំពីព្រះយេស៊ូវ
សេចក្តីដកស្រង់
តើអ្វីទៅជាទីបន្ទាល់អំពីព្រះយេស៊ូវ ?
វាគឺជាសាក្សីពីព្រះវិញ្ញាណបរិសុទ្ធថា ទ្រង់ជាព្រះរាជបុត្រាដ៏ទេវភាពនៃព្រះ ជាព្រះមែស៊ី និងព្រះប្រោសលោះ ។…
ក្រៅពីទីបន្ទាល់នេះគឺជាសំណួរថា ៖ តើយើងធ្វើអ្វីខ្លះអំពីទីបន្ទាល់នោះ ?
អ្នកទទួលមរតកនៃនគរសេឡេស្ទាល « ទទួល » ទីបន្ទាល់អំពីព្រះយេស៊ូវក្នុងន័យពេញលេញបំផុត ដោយទទួលបុណ្យជ្រមុជទឹក ទទួលព្រះវិញ្ញាណបរិសុទ្ធ និងការយកឈ្នះដោយសេចក្ដីជំនឿ ។…
តើភាពក្លាហានក្នុងទីបន្ទាល់អំពីព្រះយេស៊ូវមានន័យដូចម្តេច ?
… ការមានភាពក្លាហានក្នុងទីបន្ទាល់អំពីព្រះយេស៊ូវ រួមមានទាំងការចិញ្ចឹមបីបាច់ និងការពង្រឹងទីបន្ទាល់នោះយ៉ាងពិតប្រាកដ ។ សិស្សពិតប្រាកដយកចិត្តទុកដាក់នឹងរឿងតូចតាចដែលគាំទ្រ និងពង្រឹងទីបន្ទាល់របស់ពួកគេអំពីព្រះយេស៊ូវ ដូចជាការអធិស្ឋាន ការសិក្សាព្រះគម្ពីរ ការគោរពថ្ងៃឈប់សម្រាក ការទទួលទានសាក្រាម៉ង់ ការប្រែចិត្ត ការងារបម្រើ និងការថ្វាយបង្គំនៅក្នុងដំណាក់របស់ព្រះអម្ចាស់ ។…
ការមានភាពក្លាហានក៏បានបង្ហាញពីការបើកចំហ ជាសាធារណៈអំពីការធ្វើជាសាក្សីរបស់មនុស្សម្នាក់ផងដែរ ។…
ទិដ្ឋភាពមួយនៃការមានភាពក្លាហានក្នុងទីបន្ទាល់អំពីព្រះយេស៊ូវ គឺការស្តាប់តាមពួកសារទូតរបស់ទ្រង់ ។…
ការមានភាពក្លាហានក្នុងទីបន្ទាល់អំពីព្រះយេស៊ូវមានន័យថា ជាការលើកទឹកចិត្តដល់អ្នកដទៃ ទាំងតាមពាក្យសម្ដី និងគំរូ ឲ្យមានភាពក្លាហានដូចគ្នានេះដែរ ជាពិសេសចំពោះអ្នកនៅក្នុងក្រុមគ្រួសារយើងផ្ទាល់ ។…
ទិដ្ឋភាពចុងក្រោយនៃការមានភាពក្លាហាននៅក្នុងទីបន្ទាល់អំពីព្រះយេស៊ូវ ដែលខ្ញុំនឹងលើកឡើង គឺការស្វែងរកភាពបរិសុទ្ធផ្ទាល់ខ្លួនរបស់យើង ។…
ការអញ្ជើញរបស់ខ្ញុំគឺសុំធ្វើសកម្មភាពឥឡូវនេះ ដើម្បីចាប់កន្លែងរបស់បងប្អូនក្នុងនាមជាអ្នកដែលមានភាពក្លាហានក្នុងទីបន្ទាល់អំពីព្រះយេស៊ូវ ។