វដ្ដប្រកបដោយអានុភាព និងគុណធម៌នៃគោលលទ្ធិនៃព្រះគ្រីស្ទ

សេចក្តីដកស្រង់

ដោយអែលឌើរ ឌែល ជី រិនឡាន់

ក្នុងកូរ៉ុមនៃពួកសាវកដប់ពីរនាក់

សន្ទុះខាងវិញ្ញាណកើតឡើង « ពេញមួយជីវិត នៅពេលយើងឱបក្រសោបគោលលទ្ធិនៃព្រះគ្រីស្ទដ៏ខ្ជាប់ខ្ជួន » ។ ប្រធាន រ័សុល អិម ណិលសុន បានបង្រៀនថា ការធ្វើដូច្នោះបង្កើតជា « វដ្ដប្រកបដោយអានុភាព និងគុណធម៌ » [ឈ្នះលោកិយ ហើយបានសេចក្តីសម្រាក » លីអាហូណាខែ វិច្ឆិកា ឆ្នាំ ២០២២ ទំព័រ ៩៧ ] ។ តាមពិតធាតុនៃគោលលទ្ធិនៃព្រះគ្រីស្ទ—ដូចជាជំនឿលើព្រះអម្ចាស់ព្រះយេស៊ូវគ្រីស្ទ ការប្រែចិត្ដ ការចូលទៅក្នុងទំនាក់ទំនងសេចក្ដីសញ្ញាជាមួយព្រះអម្ចាស់តាមរយៈពិធីបុណ្យជ្រមុជទឹក ការទទួលអំណោយទាននៃព្រះវិញ្ញាណបរិសុទ្ធ និងការកាន់ខ្ជាប់ដរាបដល់ចុងបំផុត ពុំមែនដើម្បីឲ្យដកពិសោធន៍តែម្ដង ហើយចប់នោះទេ ។…

សេចក្ដីជំនឿរបស់យើងទៅលើព្រះយេស៊ូវគ្រីស្ទត្រូវការចិញ្ចឹមបីបាច់ជារៀងរាល់ថ្ងៃ ។ សេចក្ដីជំនឿនឹងត្រូវបានបីបាច់ នៅពេលយើងអធិស្ឋានជារៀងរាល់ថ្ងៃ សិក្សាព្រះគម្ពីរប្រចាំថ្ងៃ គិតពិចារណាពីសេចក្ដីល្អរបស់ព្រះជារៀងរាល់ថ្ងៃ ប្រែចិត្តជារៀងរាល់ថ្ងៃ ហើយធ្វើតាមការបំផុសគំនិតពីព្រះវិញ្ញាណបរិសុទ្ធជារៀងរាល់ថ្ងៃ ។…

… ដូចគ្នានេះដែរ នៅពេលយើងខិតខំគោរពតាមក្រឹត្យវិន័យរបស់ព្រះ ហើយប្រែចិត្តនោះសន្ទុះនឹងកើនឡើង ។…

ធាតុបន្ទាប់នៃគោលលទ្ធិនៃព្រះគ្រីស្ទ គឺពិធីបុណ្យជ្រមុជទឹក ដែលរួមមានការជ្រមុជដោយទឹក និងតាមរយៈពិធីបញ្ជាក់ ជាការជ្រមុជដោយព្រះវិញ្ញាណបរិសុទ្ធ ។ ខណៈដែលពិធីបុណ្យជ្រមុជទឹកគឺជាព្រឹត្តិការណ៍តែម្ដង នោះយើងរំឭកសេចក្ដីសញ្ញានៃពិធីបុណ្យជ្រមុជទឹករបស់យើងម្ដងហើយម្តងទៀត នៅពេលយើងទទួលទានសាក្រាម៉ង់ ។…

នៅពេលព្រះវិញ្ញាណបរិសុទ្ធមានឥទ្ធិពលកាន់តែខ្លាំងក្នុងជីវិតយើង នោះយើងអភិវឌ្ឍគុណលក្ខណៈដូចជាព្រះគ្រីស្ទដដែលៗជាបន្តបន្ទាប់ ។… ដូច្នេះយើងអាចទទួលបានអំណាចពីស្ថានសួគ៌ ដែលចាំបាច់ដើម្បីកាន់ខ្ជាប់ដរាបដល់ចុងបំផុត ។…

ខ្ញុំសូមអញ្ជើញបងប្អូនឲ្យរស់នៅតាមគោលលទ្ធិនៃព្រះគ្រីស្ទម្ដងហើយម្ដងទៀត ដដែលៗ និងដោយមានចេតនាពិត ហើយជួយអ្នកដទៃនៅតាមផ្លូវរបស់ពួកគេ ។