សម័យប្រជុំរសៀលថ្ងៃអាទិត្យ
ការតភ្ជាប់គ្នានូវបទបញ្ញត្តិធំទាំងពីរ
សេចក្តីដកស្រង់
ប្រហែលជាយើងអាចពិនិត្យមើលបទបញ្ញត្តិធំទាំងពីរនេះ ដែលបានបង្ហាញ និងលើកឡើងនៅក្នុងការឆ្លើយតបរបស់ព្រះយេស៊ូវគ្រីស្ទ ។ ពេលយើងធ្វើដូច្នេះ សូមស្រមៃអំពីស្ពានខ្សែកាបដ៏អស្ចារ្យនេះដក់ជាប់នៅក្នុងគំនិតរបស់បងប្អូន ។
ដំបូងស្រឡាញ់ព្រះអម្ចាស់ដោយអស់អំពីចិត្ត ព្រលឹង និងគំនិតរបស់បងប្អូនទាំងអស់គ្នា ។
… ដើម្បីស្រឡាញ់ព្រះអម្ចាស់គឺផ្ដើមចេញពីចិត្តរបស់បងប្អូន—គឺនិស្ស័យរបស់បងប្អូនតែម្ដង ។ បន្ទាប់មក ព្រះអម្ចាស់បានសុំឲ្យបងប្អូនស្រឡាញ់អស់ពីព្រលឹងរបស់បងប្អូន—ឧទ្ទិសថ្វាយពេញមួយជីវិតបងប្អូន ហើយនៅទីបំផុត ត្រូវស្រឡាញ់ឲ្យអស់ពីគំនិតបងប្អូន—គឺអស់ពីភាពវៃឆ្លាត និងបញ្ញារបស់បងប្អូន ។…
… ខ្ញុំអាចស្រឡាញ់ព្រះវរបិតាសួគ៌ និងព្រះយេស៊ូវគ្រីស្ទ ដែលបន្ទាប់មកឈានដល់ការអធិស្ឋាន ការសិក្សាព្រះគម្ពីរ និងការថ្វាយបង្គំនៅក្នុងព្រះវិហារបរិសុទ្ធ ។ យើងស្រឡាញ់ព្រះបិតា និងព្រះរាជបុត្រាតាមរយៈការថ្វាយដង្វាយមួយភាគក្នុងដប់ ការរក្សាថ្ងៃឈប់សម្រាកជាបរិសុទ្ធ ការរស់នៅប្រកបដោយគុណធម៌ និងបរិសុទ្ធ ហើយដោយការគោរពប្រតិបត្តិ ។…
ការស្រឡាញ់ព្រះអម្ចាស់នាំមកនូវសុភមង្គលអស់កល្បជានិច្ច !
… ការស្រឡាញ់ព្រះអម្ចាស់មិនពេញលេញទេ បើយើងមិនអើពើនឹងអ្នកជិតខាងយើង ។ សេចក្ដីស្រឡាញ់ដែលបង្ហាញចេញទៅនេះគឺមានរួមបញ្ចូលបុត្រាបុត្រីទាំងអស់របស់ព្រះដោយមិនគិតពីភេទ វណ្ណៈសង្គម ជាតិសាសន៍ ភេទ ចំណូល អាយុ ឬជនជាតិណាឡើយ ។…
… ដើម្បីឲ្យស្ពានខ្សែកាបណាមួយបើកដំណើរការបាន ប៉មរបស់វាត្រូវតែដំណើរការស្រុះគ្នាទាំងស្រុង ។ ដូចគ្នានេះដែរសមត្ថភាពរបស់យើងក្នុងការធ្វើតាមព្រះយេស៊ូវគ្រីស្ទ គឺអាស្រ័យទៅលើកម្លាំង និងអំណាចរបស់យើង ដើម្បីរស់នៅតាមព្រះបញ្ញត្តិទីមួយ និងទីពីរដោយមានតុល្យភាព និងមានការលះបង់ស្មើគ្នាចំពោះព្រះបញ្ញត្តិទាំងពីរ ។…
… សូមឲ្យចិត្ត និងគំនិតរបស់យើងត្រូវបានលើកឡើង ដើម្បីស្រឡាញ់ព្រះអម្ចាស់ ហើយងាកទៅស្រឡាញ់អ្នកជិតខាងរបស់យើង ។