Sauniga o le Afiafi o le Aso Toonai
Ia Tasi ma Keriso
O Nai Vaega
O Mai ia Keriso, saunia e Casey Childs
O le tasi ma Keriso ma lo tatou Tama Faalelagi e mafai ona maua e ala i le Togiola a le Faaola. …
E ui ina loloto, tulaga e manaomia mo le papatisoga, ae e tulagaese le faigofie. E matele lava ina aofia ai le faamaualalo i luma o le Atua, se loto momomo ma le agaga salamo, salamo i agasala uma, tauave i o tatou luga le suafa o Iesu Keriso, tumau e oo i le iuga, ma le faaali atu e ala i a tatou galuega ua tatou mauaina le Agaga o Keriso.
O le mea taua o tulaga uma e agavaa ai mo le papatisoga e faaleagaga. … E tutusa lava tulaga manaomia faaleagaga e le tagata mativa ma le tagata mauoa.
E leai foi ni tulaga manaomia o le ituaiga tagata, itupa, pe faaleaganuu. …
I le manatu ai i le tatou “tutusa” i luma o le Atua, e leai la se uiga e faamamafa ai o tatou eseesega. …
… Ina ia maua faamanuiaga o le Togiola a le Faaola, e ao ona tatou faaaoga lelei o tatou tomai e fai ai filifiliga lelei e filifili ai Keriso ma usitai i Ana poloaiga. …
E toetoe o tagata uma e mafai ona faia filifiliga e aupito sili ona taua, e tusa lava po o a taleni, tomai, avanoa, po o tulaga faaletamaoaiga. …
A o tatou feagai ma fesuiaiga o le olaga, e tele mea e tutupu e faaleai pe le oo foi i ai la tatou pule. … Mo filifiliga e aupito sili ona taua, e mafai ona tatou pulea. …
E uiga i faafitauli o mataupu faavae, o le amio, tausiga faalelotu, ma le ola amiotonu, o i tatou e pulea. O lo tatou faatuatuaga ma le tapuaiga i le Atua le Tama ma lona Alo o Iesu Keriso, o se filifiliga lea tatou te faia. …
E tatau ona tatou tauivi ia faaaofia isi i lo tatou li’o o le tasi. …
Ua tuufaatasia i tatou e ala i lo tatou alolofa ma le faatuatua ia Iesu Keriso ma le avea ai o ni fanau a se Tama Faalelagi alofa. O le ute o le avea moni ma ni ō o le tasi lea ma Keriso.