Sauniga o le Taeao o le Aso Sa
E Taua Upu
O Nai Vaega
E taua upu! …
O le mea le manuia, o upu e mafai ona le mafaufau, faatatope, ma faatiga. …
I le isi itu, o upu e mafai ona patipatia ai le manumalo, maua ai le faamoemoe ma le faamalosiauga. E mafai ona latou uunaia i tatou e toe mafaufau, toe amata, ma toe faatonutonu ai lo tatou ala. O upu e mafai ona tatalaina o tatou mafaufau i le upumoni.
O le mafuaaga lena, muamua ma le silisili, e taua ai upu a le Alii. …
O le talitonu ma le gauai atu i le upu a le Atua o le a tatou latalata atili atu ai ia te Ia. …
Lua, e taua upu a perofeta.
E molimau mai perofeta i le paia o Iesu Keriso. Latou te aoao atu Lana talalelei ma faaali atu Lona alofa mo tagata uma. …
… E taua upu a le perofeta i le Alii ma i tatou.
Tolu, ma e matua taua lava, o a tatou lava upu. …
… O lea ia faaeteete ai i mea e te fai atu ai ma le auala e te fai atu ai. I o tatou aiga, aemaise lava i tane, avā, ma fanau, o a tatou upu e mafai ona aumaia faatasi ai i tatou pe faatupu ai le feitaga’i i o tatou va.
Se’i o’u fautua atu ni fasifuaitau faigofie se tolu e mafai ona tatou faaaogaina e aveese ai le tui tiga mai faafitauli ma eseesega, ae siitia ma toe faamautinoa atu ai i le tasi ma le isi.
“Faafetai lava.”
“Ou te faatoese atu.”
Ma “ou te alofa ia te oe.” …
Ou te folafola atu afai tatou te “taumamafa i afioga a Keriso” [2 Nifae 32:3] lea e taitai atu i le faaolataga, upu a lo tatou perofeta e taiala ma faamalosiau ai i tatou, ma a tatou lava upu e iloa ai po o ai i tatou atoa ai ma mea e pele ia i tatou, o le a liligi mai mana o le lagi i o tatou luga.