Sauniga o le Aoauli o le Aso Toonai
O Se Olioli Maualuga Atu
O Nai Vaega
O le faanoanoaga, e foliga mai, mo le toatele o tagata, e faigata ona maua le fiafia. …
… O le lagonaina o le faanoanoa e le o se faailoga o le toilalo. I olaga lenei, o le measili, o le olioli ma le faanoanoa o ni soa e le mafai ona tuueseeseina. …
Peitai, ua ou lagona foi mo a’u lava le amataga mamalu ua faatumulia ai le agaga i le olioli na matua loloto lea e fai si faigata ona taofiofia i totonu. Ua ou iloaina mo a’u lava ia o lenei talitonuga filemu e sau mai le mulimuli i le Faaola ma savali i Lona Ala.
O le filemu Na te aumai ia i tatou e le pei ona aumai e le lalolagi. E sili atu. E maualuga atu ma paia atu. …
E le o natiaina e lo tatou Tama i le Lagi le ala i le fiafia. E le o se mea faalilolilo. Ua avanoa mo tagata uma!
Ua folafola atu ia i latou o ē savavali i le ala o le avea ma soo, mulimuli i aoaoga ma faataitaiga a le Faaola, tausi i Ana poloaiga, ma faamamalu i feagaiga ua latou osia ma le Atua. …
… O le natura lava ia o mea uma faalelalolagi o le faasolo matua, pala, leaga, po o le le toe aoga. Ae o le olioli faaleatua e faavavau, ona o le Atua e faavavau. …
… Faamolemole se’i o’u fautua atu ni nai laasaga amata i lenei malaga agavaa o le mauaina o le olioli mama. …
I aso, vaiaso, ma masina a sau, ou te valaaulia outou ia:
-
Faaalu le taimi i se taumafaiga faamaoni ma le loto atoa ia faalatalata atu i le Atua.
-
Saili ma le filiga i aso uma mo ni taimi faapitoa o le faamoemoe, filemu, ma le olioli.
-
Avatu le olioli i isi o loo siomia oe. …
Tau ina ia tatou taufai saili uma ma maua le olioli maualuga atu lea e sau mai le tuuto atu o o tatou olaga i lo tatou Tama Faalelagi ma Lona Alo Pele.