Sauniga o le Taeao o le Aso Sa
Tatalo, O Loo I Ai o Ia Iina
O Nai Vaega
O a ni meaalofa e mafai ona e tatalo ai? E tele, ae o le asō ou te fia faasoa atu le tolu: …
Muamua, Tatalo ia Iloa
O le a se mea e tatau ona e iloa? …
A e iloa e moni le Tama Faalelagi ma e alofa o Ia ia te oe, e mafai ona e ola ma le lototele ma le faamoemoe! …
O nisi taimi atonu e te fia iloa pe aisea ua tupu ai se mea faigata i lou olaga pe aisea foi e te lei mauaina ai se faamanuiaga sa e tatalo ai. E masani lava o le fesili aupito sili e fesili atu ai i le Tama Faalelagi e le o le aisea ae o le a. …
… O le a taiala oe e le Tama Faalelagi pe a e ole atu ia te Ia po o le a le mea e mafai ona e faia ma mea e mafai ona e aoaoina.
Lua, Tatalo ia Tuputupu A’e
E finagalo le Tama Faalelagi e fesoasoani ia te oe ia tuputupu a’e! …
E te manao e tuputupu a’e i le onosai po o le faamaoni? E te manao e tuputupu a’e i se tomai? Atonu e te matamuli ma manao e tuputupu a’e i le lototele. “Tatalo, o loo i ai o ia iina.” E ala mai i Lona Agaga, e mafai ai ona suia lou loto, ma e mafai ona e maua le malosi. …
Tolu, Tatalo ia Faaalia
E mafai ona e tatalo mo se fesoasoani ia faaalia le alofa o le Tama Faalelagi i isi. E ala i Lona Agaga, o le a fesoasoani le Tama Faalelagi ia te oe e matau se tasi e faanoanoa ina ia mafai ona e faamafanafanaina i latou. E mafai ona Ia fesoasoani ia te oe e faaalia Lona alofa e ala i le faamagaloina o se tasi. E mafai ona ia tuuina atu ia te oe le lototele e auauna atu ai i se tasi ma faasoa atu ia i latou o i latou o se atalii po o le afafine o le Atua. …
Faasoa atu i le Tama Faalelagi le mea o loo i totonu o lou loto.