Sauniga o le Aoauli o le Aso Sa
O Le Molimau ia Iesu
O Nai Vaega
O le a le molimau ia Iesu?
O le molimau lea a le Agaga Paia, o Ia o le Alo paia o le Atua, le Mesia ma le Togiola. …
O tua atu o lenei molimau o i ai le fesili, O le a le mea tatou te faia i ai?
O e mautofi i le malo selesitila e “maua” le molimau a Keriso i lona uiga atoa lava e ala i le papatisoina, maua le Agaga Paia, ma manumalo ai e ala i le faatuatua. …
O le a le uiga o le toa i le molimau ia Iesu?
… O le totoa i le molimau ia Iesu e mautinoa lava e aofia ai le fafagaina ma le faamalosia o lena molimau. O soo moni latou te le faatuatuana’i mea e foliga laiti lea e lagolago ma faamalosia ai a latou molimau ia Iesu,e pei o le tatalo, suesue i tusitusiga paia, tausia o le Sapati, aai ma feinu i le faamanatuga, salamo, auaunaga, ma le tapuai i le maota o le Alii. …
O le totoa foi e fautuaina ai le tatala atu ma le faailoa atu i tagata lautele e uiga i le molimau a se tagata. …
O se tasi o vaega o le totoa i le molimau ia Iesu o le faalogo ma usitai i Ana avefeau. …
O le totoa i le molimau ia Iesu o lona uiga o le faamalosiauina o isi, e ala i le upu ma faataitaiga, ia faapena foi ona totoa, ae maise lava i latou o o tatou lava aiga. …
O le vaega mulimuli e tasi o le totoa i le molimau ia Keriso o le a ou ta’ua, o lo tatou sailiga taitoatasi o le paia patino. …
O la’u valaaulia ia galue nei loa e faamautu lou nofoaga o se tasi e loto toa i le molimau ia Iesu.