Sauniga o le Afiafi o le Aso Toonai
Faamaoni e oo i le Iuga
O Nai Vaega
Faamagaloina, saunia e Greg Olsen
Uo talavou pele, o le asō ou te fia tautala tuusa’o atu ia te outou—le autalavou a le Ekalesia. …
E ui ina sa na o le tasi le ma’a na faaaoga e Tavita e fasioti ai Koliata, ae sa ia saunia le lima. …
E a pe a faapea o ma’a taitasi e lima a Tavita e faatusa i se malosiaga tatou te manaomia ina ia tatou manumalo ai i o tatou olaga? Mata o a ni mea e faatusa i ai na ma’a e lima? Sa ou mafaufau i tiutetauave nei: …
Muamua, o le ma’a o lo’u alofa i le Atua. …
O lo tatou alofa i le Atua ma la tatou sootaga vavalalata ma Ia tatou te maua ai le malosiaga tatou te manaomia e suia ai o tatou loto ma atili faigofie ai ona faatoilalo o tatou luitau.
Lona lua, o le ma’a o lo’u faatuatua i lo tatou Faaola, o Iesu Keriso. … O le i ai o le faatuatua ia Iesu Keriso o lona uiga o le faalagolago atoatoa i Lona poto, o Lana taimi, o Lona alofa, ma Lona mana e togiola ai mo a tatou agasala. …
Numera tolu, o le ma’a o le malamalama i lo’u faasinomaga moni. …
E suia mea uma pe a ou iloa po o ai moni lava au.
Lona fa, o le ma’a o lo’u salamo i aso taitasi. …
E leai se mea e sili atu lona faasaolotoina nai lo le lagonaina o le faamagaloga a le Atua ma iloa ua tatou mama ma ua toefaalelei ma Ia. …
O le ma’a lona lima o le ma’a o lo’u mauaina o le mana o le Atua. …
E mafai faapefea ona tatou utuvai mai lenei mana a Iesu Keriso? O le usitai i a tatou feagaiga ma faateleina lo tatou faatuatua ia Iesu Keriso o le ki lea.
Ou te moomoo moni lava ma’imau pe a na toe i ai lava se isi ma’a a Tavita; o le a avea ma ma’a o la’u molimau. …
A’u uo pele, o loo naunau mai Keriso tatou te malaga faatasi i le malaga o o tatou olaga. …
… E i ai le olioli i le avea ai ma se soo o Iesu Keriso.