Tuha’a purera’a nō te avatea mahana mā’a
’Ia hō’ē ’e te Mesia
Hu’a parau
Come unto Christ [Haere mai i te Mesia], nā Casey Childs
E nōa’a te hō’ēra’a ’e te Mesia ’e tō tātou Metua i te ao ra nā roto i te tāra’ehara a te Fa’aora […]
E mea ’ōhie ta’a’ē mau te mau tītaura’a nō te bāpetizora’a, noa atu te hōhonu o te reira. Tei roto i te reira te ha’eha’a i mua i te Atua, te ’ā’au tae ’e te vārua marū, te tātarahapara’a i te mau hara ato’a, te ravera’a i te i’oa ’o Iesu Mesia i ni’a ia tātou, te fa’a’oroma’ira’a e tae noa atu i te hope’a, ’e te fa’a’itera’a nā roto i tā tātou mau ’ohipa ē, ’ua fa’ari’i tātou i te Vārua o te Mesia.
E mea faufa’a rahi ’ia riro te mau tītaura’a ato’a nō te bāpetizora’a ’ei mau mea pae vārua […] Hō’ē ā tītaura’a pae vārua tā te feiā veve ’e te feiā moni.
’Aita e vai ra te mau tītaura’a i te pae nūna’a, i te pae ’āpeni, ’aore rā i te pae ’ōpū fēti’i […]
Nō tō tātou « hōho’ara’a » i mua i te Atua, ’aita e faufa’a ’ia fa’ananea i ni’a i tō tātou mau ta’a’ēra’a […]
[…] Nō te fa’ari’i i te mau ha’amaita’ira’a o te tāra’ehara o te Fa’aora, tītauhia ia tātou ’ia fa’a’ohipa maita’i i tō tātou ti’amāra’a mōrare nō te mā’iti i te Mesia ’e nō te ha’apa’o i tāna mau fa’auera’a […]
Fātata te mau ta’ata ato’a tē rave nei i te mau mā’itira’a faufa’a roa a’e, noa atu te huru ’o tō rātou tāreni, tō rātou ’aravihi, tā rātou mau rāve’a ’aore rā tō rātou huru i te pae fa’arava’ira’a faufa’a […]
’A fa’aruru ai tātou i te mau fifi o te orara’a nei, e rave rahi te mau mea e tupu nei e’ita e roa’a maita’i ’aore rā e’ita roa atu e roa’a ia tātou ’ia arai […] Nō te mau mā’itira’a faufa’a roa a’e, e nehenehe tā tātou e arai i te reira […]
Nō ni’a i te mau parau tumu, te peu, te ha’apa’ora’a i te pae fa’aro’o, ’e te orara’a parau ti’a, e nehenehe tātou e arai i te reira. Tō tātou fa’aro’o ’e tā tātou ha’amorira’a i te Atua te Metua ’e i tāna Tamaiti, ’o Iesu Mesia, nā tātou e rave i te reira mā’itira’a […]
E ti’a roa ia tātou ’ia ’āmui mai ia vetahi ’ē i roto i tō tātou terera’a nō te hō’ēra’a […]
’Ua tāhō’ēhia tātou nā roto i tō tātou here ’e te fa’aro’o ia Iesu Mesia ’ei mau tamari’i nā te hō’ē Metua here i te ao ra. Te tumu nō te rirora’a ’ei melo, ’o te hō’ēra’a ïa ’e te Mesia.