Tuha’a purera’a nō te avatea sābati
Te pararera’a te mau hiero, te mau fare o te Fatu nā te fenua nei
Hu’a parau
’Ua uiui nā ānei ’outou ia ’outou iho nō te aha te Fatu i fa’aue ai i tāna peropheta ’ia ha’aparare i teienei-ra’a ra i tōna mau fare mo’a, tāna ho’i mau hiero ? […]
[…] Hō’ē o te mau tumu, ’oia ho’i i rōpū i te ’ārepurepura’a ’e te mau fa’ahemara’a a tō te ao nei, ’ua fafau ’oia e ha’apūai ’e e ha’amaita’i i tōna feiā mo’a o te fafaura’a ’e e tupu mau tāna mau fafaura’a ! […]
I roto i tōna fare, ’ua fa’a’ahu-mau-hia tātou i te mana o te ra’i. Tō tātou fa’aro’o ia Iesu Mesia ’e tō tātou here iāna ’ua ha’apāpūhia ’e ’ua ha’apūaihia. E ha’api’i rahi atu ā tātou i te here iāna. ’Ua ha’apāpūhia tātou i te pae vārua nō ni’a tō tātou ihota’ata mau ’e te mau ’ōpuara’a o te orara’a. ’A vai ha’apa’o maita’i ai tātou, e ha’amaita’ihia tātou ma te pāruruhia i mua i te mau fa’ahemara’a ’e te mau fa’anevanevara’a. E putapū tātou i te here o tō tātou Fa’aora ’a tātara mai ai ’oia ia tātou i tō tātou mau fifi ’e mau ’oto. ’Ua ha’anahia tātou ’e te mana o te Atua […]
E au mau hoa here ē, mai te peu e ti’a ia tātou ’e ’aita ā tātou i fa’arahi atu ra i tō tātou haerera’a pinepine i te hiero, ’a ’imi noa hau atu i te taime nō te ha’amori i roto i te fare o te Fatu […]
Te hiero ’o te fare mau ïa o te Fatu. Tē fafau atu nei au ia ’outou ē, ’a haere ti’a-mā mai ai ’outou ’e nā roto i te pure i tōna fare mo’a, e ha’anahia ’outou i tōna pūai, tei ni’a iho ia ’outou tōna i’oa, e tīa’i mai tāna mau melahi ia ’outou, ’e e tupu rahi atu ’outou i roto i te ha’amaita’ira’a a te Vārua Maita’i […]
I roto i teie mahana hepohepo ’e te ’ārepurepu, tē fa’a’ite pāpū nei au ē te hiero ’o tōna ïa fare mo’a ’e e tauturu mai te reira ’ia fa’aherehere noa ia tātou, ’ia pāruru ia tātou, ’e ’ia fa’aineine ia tātou nō te mahana hanahana i reira tō tātou Fa’aora e ho’i mai ai mai te ari’i, te pūai ’e te hanahana rahi ’e tāna mau melahi mo’a.