Tuha’a purera’a nō te pō mahana mā’a
Ha’apa’o noa ē tae roa i te hope’a
Hu’a parau
E te mau hoa feiā ’āpī ē, i teie mahana tē hina’aro nei au e paraparau ’āfaro ti’a atu ia ’outou––te feiā ’āpī o te ’Ēkālēsia […]
Nō reira ’ua fa’a’ohipa Davida hō’ē noa ’ōfa’i nō te tāparahi pohe ia Golia, ’ua fa’aineine ho’i ’oia e pae […]
’Āhiri pai te mau ’ōfa’i tāta’itahi a Davida e mono i te hō’ē pūai ’o tā tātou e hina’aro nō te upo’oti’a i roto i tō tātou orara’a ? E aha ïa tā te reira mau ’ōfa’i e pae e mono ? ’Ua mana’o vau i teie mau rāve’a : […]
’A tahi, te ’ōfa’i nō tō’u here i te Atua […]
E hōro’a mai tō tātou here nō te Atua ’e tō tātou aura’a fātata ’e ’ōna ia tātou i te pūai ’o tā tātou e hina’aro nō te fa’ataui i tō tātou ’ā’au ’e nō te fa’a’oroma’i ’ōhie a’e i tō tātou mau tāmatara’a.
Te piti, te ’ōfa’i nō tō’u fa’aro’o i tō tātou Fa’aora, ia Iesu Mesia […] Te aura’a ’ia roa’a te fa’aro’o ia Iesu Mesia, ’ia ’ī ïa i te ti’aturira’a i tōna pa’ari, i tōna taime, i tōna here ’e i tōna mana nō te fa’a’orera’a i tā tātou mau hara […]
Te nūmera toru, te ’ōfa’i nō te ’itera’a i tō’u ihota’ata mau […]
E taui te mau mea ato’a ’ia ’ite ana’e au ’o vai mau vau […]
Te maha, te ’ōfa’i nō tō’u tātarahapara’a i te mau mahana ato’a […]
’Aita e mea hau atu i te fa’ati’amāra’a i te putapūra’a i te fa’a’orera’a hara a te Atua ’e te ’itera’a ē, mea mā tātou ’e ’ua fa’ahau tātou iāna […]
Te pae, te ’ōfa’i nō tō’u fa’ari’i i te mana o te Atua […]
Nāhea tātou i te fa’atupu i te mana o Iesu Mesia ? Te tāviri ’o te ha’apa’ora’a ïa i tā tātou mau fafaura’a ’e te fa’arahira’a i tō tātou fa’aro’o ia Iesu Mesia.
Te parau mau, ’ua hina’aro vau ’ia vai ia Davida ra hō’ē atu ’ōfa’i ; te ’ōfa’i ïa o tō’u ’itera’a pāpū […]
E te mau hoa here ē, tē hina’aro nei te Mesia e ’āpiti mai ia tātou i ni’a i te ’ē’a o tō tātou orara’a […]
[…] Tē vai ra te ’oa’oa ’ia riro ’ei pipi nā Iesu Mesia.