Tuha’a purera’a nō te avatea mahana mā’a
« ’A fa’atupua na, ’ia ’ite mai ē, ’o vau te Atua »
Hu’a parau
I te mau taime ato’a e fa’ari’i tātou, e hi’o fa’ahou, e ha’amana’o ’e e fa’a’āpī i te mau fafaura’a mo’a, ’ua pāpū atu ā ïa tō tātou ha’amaura’a pae vārua ma te pa’ari ’e te ’āueue ’ore i ni’a i te « papa » nō Iesu Mesia.
[…] ’Ia patuhia te niu o tō tātou orara’a i ni’a i te Fa’aora, e ha’amaita’ihia tātou i te « fa’atupua »—e noa’a te ti’aturi pāpū i te pae vārua ē ’o te Atua tō tātou Metua i te ao ra, e tamari’i tātou nāna ’e ’o Iesu Mesia tō tātou Fa’aora […]
[…] ’Ei hi’ora’a, e mahana nā te Atua te sābati, e taime mo’a tei fa’ata’ahia nō te ha’amana’o ’e nō te ha’amori i te Metua nā ni’a i te i’oa o tāna Tamaiti, nō te ’āmui i roto i te mau ’ōro’a nō te autahu’ara’a ’e nō te fa’ari’i ’e nō te fa’a’āpī i te mau fafaura’a mo’a […]
[…] Te mau « fare purera’a » i reira tātou e ’āmui ai i te sābati, ’o te mau vāhi putuputura’a ïa ’e te tahi atu mau vāhi i ha’amanahia—e mau vāhi mo’a nō te mana’o tura, nō te ha’amorira’a ’e nō te ha’api’ira’a […]
’O te hiero te tahi fa’ahou vāhi mo’a tei fa’ata’a-ta’a-’ē-hia nō te ha’amorira’a ’e te tāvinira’a i te Atua ’e te ha’api’ira’a i te mau parau mau mure ’ore […]
[…] ’Ei ’āno’ira’a rahi hope tō tātou ’utuāfare nō te taime mo’a ’e te vāhi mo’a i reira te ta’ata hō’ē ’e te ’utuāfare e nehenehe ai e « fa’atupua » ’e e ’ite ē ’o te Atua tō tātou Metua i te ao ra, e tamari’i tātou nāna ’e ’o Iesu Mesia tō tātou Fa’aora […]
Tē parau fafau atu nei au ē, ’ia patu tātou i te niu o tō tātou orara’a i ni’a i te « papa » nō Iesu Mesia, e nehenehe tātou e ha’amaita’ihia e te Vārua Maita’i, nō te fa’ari’i i te hau pae vārua o te vairua nō tātou iho, ’ua ti’a atu ra ia tātou ’ia ’ite ’e ’ia ha’amana’o ē, ’o te Atua tō tātou Metua i te ao ra, e tamari’i tātou nāna, ’o Iesu Mesia tō tātou Fa’aora, ’e e nehenehe tātou e ha’amaita’ihia nō te rave ’e nō te upo’oti’a i te mau mea pa’ari mau.