Tuhaʼa pureraʼa nō te ’avatea ābati
Te ’itera’a pāpū nō Iesu
Hu’a parau
E aha te ’itera’a pāpū nō Iesu ?
’O te fa’a’itera’a pāpū a te Vārua mo’a ē ’o ’oia te Tamaiti hanahana a te Atua, te Mesia a te ’āti Iuda ’e te Tāra’ehara […]
Hau atu i teie ’itera’a pāpū, ’o te uira’a ïa : E aha nā tātou te reira ?
Te mau ta’ata ’āi’a nō te bāsileia tiretiera, e « fa’ari’i » rātou i te ’itera’a pāpū nō Iesu i tōna aura’a hope roa ma te bāpetizo ia rātou, te fa’ari’ira’a i te Vārua Maita’i ’e te upo’oti’ara’a nā roto i te fa’aro’o […]
E aha te aura’a te parau e itoito i roto i te ’itera’a pāpū nō Iesu ?
[…] Te itoito i roto i te ’itera’a pāpū nō Iesu, pāpū roa ē ’o te aupurura’a ’e te ha’apūaira’a i te reira ’itera’a pāpū. ’Aita te mau pipi mau e tāu’a ’ore i te mau mea huru na’ina’i e tūturu noa ’e ’o tē ha’apūai i tō rātou ’itera’a pāpū nō Iesu, mai te pure, te tai’ora’a pāpa’ira’a mo’a, te fa’aturara’a i te Sābati, te ravera’a i te ’ōro’a, te tātarahapara’a, te aupurura’a i te ta’ata ’e te ha’amorira’a i roto i te fare o te Fatu […]
Te itoito, te aura’a ra, e parau matara noa ïa i mua i te huira’atira nō ni’a i tōna iho ’itera’a […]
Te hō’ē hi’ora’a nō te itoito i roto i te ’itera’a pāpū nō Iesu, ’o te fa’aro’ora’a ïa i tāna mau ve’a […]
Te itoito i roto i te ’itera’a pāpū nō Iesu, ’o te fa’aitoitora’a ïa ia vetahi ’ē, nā roto i te parau ’e te hi’ora’a, ’ia itoito ato’a mai ’o rātou iho ā ra o tō tātou iho ’utuāfare […]
Te tahi hi’ora’a hope’a nō te itoito i roto i te ’itera’a pāpū nō Iesu tā’u e fa’ahiti atu, ’o tā tātou iho ïa tāpapara’a i te mo’ara’a ta’ata hō’ē […]
Tā’u nei anira’a, ’o te ha’ara’a ïa i teienei nō te ha’apāpū i tō ’outou pārahira’a ’ei tino itoito i roto i te ’itera’a pāpū nō Iesu.