Tuha’a purera’a nō te avatea sābati
Te tāhō’ēra’a i nā fa’auera’a rahi e piti
Hu’a parau
E hi’opo’a tātou i teie nā fa’auera’a rahi e piti, tei fa’a’itehia ’e tei tai’ohia i roto i te pāhonora’a a Iesu Mesia. ’A nā reira ai ’outou, ’a hi’o na i te hōho’a o te ’ē’aturu nehenehe fa’atautauhia nā roto i tō ’outou mata vārua.
Te mātāmua, e hina’aro i te Fatu ma tō ’outou ’ā’au ato’a, tō ’outou vārua ato’a, ’e tō ’outou mana’o ato’a.
[…] E here i te Fatu, o te fa’atumura’a ïa nā mua i ni’a i tō ’outou ’ā’au—to ’outou nātura mau. Tē ani mai nei te Fatu ia ’outou ’ia here ma tō ’outou vārua ato’a––te tā’āto’ara’a o tō ’outou huru ha’amo’ahia—’e i te pae hope’a, ’ia here ma tō ’outou mana’o ato’a––tō ’outou ïa māramarama ’e te ferurira’a […]
[…] E nehenehe au e here i tō tātou Metua i te ao ra ’e ia Iesu Mesia, ’e e arata’i atu te reira i te pure ra, te tuatāpapara’a i te mau pāpa’ira’a mo’a, ’e te ha’amorira’a i roto i te hiero. Tē here rā tātou i te Metua ’e i te Tamaiti nā roto i te ’aufaura’a i te tuha’a ’ahuru, te ha’amo’ara’a i te mahana sābati, te orara’a i te hō’ē orara’a vi’ivi’i ’ore ’e te mā, ’e te ha’apa’ora’a […]
E arata’i te herera’a i te Fatu i te ’oa’oa mure ’ore ra !
[…] ’Aita te here o te Fatu e hope roa mai te mea ē, e tau’a ’ore tātou i tō tātou ta’ata tupu. Tei roto i teie here rāpae te mau tamari’i ato’a a te Atua ’aita e hi’ora’a i te huru o te ’āpeni, te ti’ara’a sōtiare, te runa’a, te moni, te matahiti, ’aore rā te ’ōpū fēti’i […]
[…] ’Ia ti’a ho’i i te e’aturu fa’atautauhia ’ia rave maita’i i tāna tuha’a ’ohipa, e mea ti’a i tōna nā pou ’ia rave ’āmui maita’i i tā rāua ’ohipa. ’Oia ato’a, tō tātou aravihi ’ia pe’e ia Iesu Mesia, tei huru ïa ’o tō tātou pūai ’e te mana ’ia ha’apa’o i te fa’auera’a mātāmua ’e te piti ma te tuea […]
[…] ’Ia fa’ateiteihia tō tātou ’ā’au ’e tō tātou vārua i ni’a, nō te here i te Fatu, ’e ’ia fa’afāriuhia i rāpae nō te here i tō tātou ta’ata tupu.