Tuha’a purera’a nō te avatea mahana mā’a
Te mau mea ato’a ’ei maita’i nō tātou
Hu’a parau
Terā rā, i roto i teie ao pohe, « ’ua ’ite ho’i tātou ē, tē fa’atupu nei te mau mea ato’a i te maita’i nō te feiā hina’aro i te Atua » [Roma 8:28] […]
E parau fafau fa’ahiahia mau ! E ha’apāpūra’a tāmarū nō ’ō mai i te Atua iho ! […]
[…] ’Ia orahia ma te fa’aro’o, e ti’a i te mau fifi ’e te fa’atūsiara’a e’ita roa tātou iho e mā’iti, ’ia ha’amaita’i ia tātou ’e ia vetahi ’ē mai te mana’o-’ore-roa-hia.
E fa’arahi tātou i te fa’aro’o ’e i te ti’aturi i te Fatu ē e ’ohipa ’āmui te mau mea ato’a ’ei maita’i nō tātou mai te mea e noa’a mai tā tātou hi’ora’a mure ’ore ; e māramarama tātou ē tō tātou fifi « nō te hō’ē taime iti noa » ; e ta’a ia tātou ē e ti’a i te ’ati ’ia ha’amo’ahia ’ei maita’i nō tātou ; e fā’i tātou ē e tuha’a nō te orara’a tāhuti nei te mau ’ati, te pohe tā’ue, te ma’i ha’aparuparu ’e te ma’i fa’ahuma ’e e ti’aturi tātou ē ’aita te Metua here i te ao ra e hōro’a nei i te mau fifi nō te fa’autu’a ’e nō te ha’avā […]
[…] E ’ohipa ’āmui te mau mea ato’a ’ei maita’i nō te ta’ata, ’ia aupuru tātou i te ta’ata mai tā Iesu Mesia e aupuru.
’Ua fa’ata’a mai te hō’ē metua tāne tei tu’uhia ’e tāna tamaiti fāito matahiti ha’api’i ’ei hoa aupurura’a : « Te aupurura’a, ’o te rirora’a ïa te ta’ata tupu ’ōpere cookie ’ei hoa ti’aturihia ’e te tauturu pae vārua mātāmua. » Te tā’amura’a fafaura’a ia Iesu Mesia, e tāmāhanahana ïa, e fa’atū’ati, e ha’amo’a […]
E fa’a’itera’a te Buka a Moromona i roto i tō tātou rima ē, ’o Iesu te Mesia ’e tē fa’atupu nei te Atua i tāna mau tohura’a […]
’A fātata noa mai te mau hiero ia tātou i te mau vāhi e rave rahi, te hō’ē fa’atūsiara’a hiero tā tātou e nehenehe e pūpū, ’o te tītaura’a ïa te huru mo’a i roto i te fare o te Fatu ma te pinepine atu ā […]
I roto i te tau ’e te tau mure ’ore, te tumu nō te Hāmanira’a, nā reira ato’a te nātura o te Atua iho, ’o te fa’ataera’a mai ïa i te mau mea ato’a ’ei maita’i nō tātou.
’O teie te tumu mure ’ore nō te Fatu. ’O tāna hi’ora’a mure ’ore. ’O tāna parau fafau mure ’ore […]
[…] ’A haere mai i te Atua tō tātou Metua ’e ia Iesu Mesia. ’A ti’aturi ē tē ora nei rāua, ’ua here ia ’outou ’e ’ua hina’aro i te mau mea ato’a ’ei maita’i nō ’outou.