Tuha’a purera’a nō te avatea mahana mā’a
E ’oa’oa teitei a’e
Hu’a parau
Te vāhi fifi rā, mai te huru ra ē, nō te mau ta’ata e rave rahi, e mea fifi ’ia ’ite i te ’oa’oa […]
[…] E ’ere te pe’ape’ara’a i te tāpa’o nō te manuia ’ore. I roto i teie orara’a, ’ua riro te ’oa’oa ’e te ’oto ’ei nā hoa rahi […]
’Ua ’ite ato’a rā vau i te po’ipo’i hanahana ’o tē fa’a’ī i te vārua i te hō’ē ’oa’oa hōhonu e mea fifi ri’i ’ia tāpe’a i te reira. Nā’u iho i ’ite ’e, teie ti’aturira’a hau nō roto mai ïa i te pe’era’a i te Fa’aora ’e tē haerera’a nā ni’a i tōna ’ē’a.
Te hau tāna e hōro’a ia tātou e ’ere ïa mai tā tō te ao e hōro’a mai. E mea maita’i a’e. E mea teitei a’e, ’e e mea mo’a a’e […]
’Aita tō tātou Metua i te ao ra i huna i te ’ē’a e tae ai i te ’oa’oa. E ’ere i te parau huna. E roa’a te reira i te mau ta’ata ato’a !
’Ua fafauhia te reira i te feiā e pe’e i te ’ē’a o te ti’ara’a pipi, e pe’e i te mau ha’api’ira’a ’e i te hi’ora’a o te Fa’aora, e ha’apa’o i tāna mau fa’auera’a, ’e e fa’atura i te mau fafaura’a tā rātou i rave i mua i te Atua […]
[…] E nāturara’a nō te mau mea ato’a o te ao nei ’ia tupu i te pa’arira’a, ’ia pē, ’ia marau, ’aore rā ’ia riro ’ei mea faufa’a ’ore. ’Āre’a te ’oa’oa o te Atua e mea mure ’ore ïa, nō te mea e mea mure ’ore te Atua […]
[…] E ti’a ānei iā’u ’ia hōro’a atu i te tahi mau ta’ahira’a mātāmua nō te reira tere mā’imi i te ’oa’oa vi’ivi’i ’ore […]
I roto i te mau mahana, te mau hepetoma ’e te mau ’āva’e i muri nei, e nehenehe anei iā’u ’ia ani ia ’outou :
-
’Ia rave i te taime i te tauto’ora’a ma te ’ā’au tae ’e te pipiri ’ore nō te ha’afātata atu i te Atua.
-
’Ia ’imi itoito i te mau mahana ato’a i te mau taime ti’aturira’a, te hau ’e te ’oa’oa.
-
’Ia hōro’a i te ’oa’oa ia vetahi ’ē ’ati a’e ia ’outou […]
E ’imi na ’e ’ia ’itehia ia tātou pā’āto’a te ’oa’oa teitei a’e nā roto i te pūpūra’a i tō tātou orara’a i tō tātou Metua i te ao ra ’e i tāna Tamaiti here.