Tuha’a purera’a nō te po’ipo’i sābati
E mea faufa’a te mau parau
Hu’a parau
E mea faufa’a te mau parau ! […]
Te vāhi ’ino rā, e mau parau ato’a tei feruri-’ore-hia ’e te rū ’e te māinaina […]
I te tahi atu pae, e nehenehe te mau parau e fa’ahanahana i te upo’oti’a, e fa’ati’aturi ’e e fa’aitoito. E nehenehe te reira e fa’aferuri fa’ahou ia tātou, e fa’ahaere fa’ahou ’e e fa’atano i tō tātou ’avei’a. E ti’a i te mau parau e ha’amatara i tō tātou mana’o i te parau mau.
Terā ïa te tumu, nā mua roa ’e nā ni’a roa, e mea faufa’a te mau parau a te Fatu […]
Nā te ti’aturira’a ’e te fa’aro’ora’a i te parau a te Atua e ha’afātata atu ā ia tātou iāna […]
Te piti, e mea faufa’a te mau parau a te mau peropheta.
E parau pāpū te mau peropheta nō te huru atua o Iesu Mesia. E ha’api’i rātou i tāna ’evanelia ma te fa’a’ite i tōna here nō te tā’āto’ara’a […]
[…] E mea faufa’a te mau parau a te peropheta, nō te Fatu ’e nō tātou nei.
Te toru, e mea faufa’a ato’a tā tātou iho mau parau […]
[…] Nō reira, ’a hi’o maita’i e aha tā ’outou e parau ’e te huru ’outou e parau atu. I roto i tō tātou ’utuāfare, ’e tā tātou iho ā rā tāne fa’aipoipo, te vahine fa’aipoipo ’e te mau tamari’i, e ti’a i tā tātou mau parau e ha’aputuputu ’āmui ia tātou ’aore rā e fa’atupu i te ’āmahamaha.
Teie e toru parau ’ōhie tā tātou e nehenehe e fa’a’ohipa nō te tātara i te tara i rāpae i te mau fifi ’e te mau ta’a-’ē-ra’a, nō te fa’ateitei ’e nō te tāmarū i tō te tahi ’e tō te tahi ’ā’au.
« Māuruuru roa ».
« Tātarahapa mai ».
’E « ’Ua here au ia ’oe » […]
Tē parau fafau nei au ē ’ia rave tātou « i te fa’a’amu’a i te mau parau a te Mesia » [2 Nephi 32:3] o tē arata’i i te fa’aorara’a, i te mau parau a tō tātou mau peropheta ’o tē arata’i ’e ’o tē fa’aitoito ia tātou ’e i tā tātou iho mau parau ’o tē parau ’o vai tātou ’e ’o vai tā tātou i poihere, e mani’i mai te mau mana o te ra’i i ni’a ia tātou.