Tuha’a purera’a nō te po’ipo’i sābati
Te ’ohura’a pūai ’e te vi’ivi’i ’ore o te ha’api’ira’a tumu a te Mesia
Hu’a parau
Let Him In [’A vaiho iāna ’ia tomo mai], nā Malory Fiso
E tupu te itoito pae vārua « i te roara’a o te hō’ē orara’a ’a ha’apa’o tāmau ai tātou i te ha’api’ira’a tumu a te Mesia ». Nā roto i te reira, ’ua ha’api’i te peresideni Russell M. Nelson, e fa’atupu i te hō’ē « ’ohura’a pūai » [’Ia upo’oti’a i ni’a i te ao nei ’e ’ia noa’a te ora », Liahona, Novema 2022, 97]. ’Oia mau, te mau tuha’a nō te ha’api’ira’a tumu a te Mesia—mai te fa’aro’o i te Fatu Iesu Mesia, te tātarahapa, te tomora’a i roto i te hō’ē aura’a fafau ’e te Fatu nā roto i te bāpetizora’a, te fa’ari’ira’a i te hōro’a o te Vārua Maita’i ’e te fa’a’oroma’ira’a ē tae noa atu i te hope’a ’aita ïa i fa’ata’ahia nō te ha’apa’o nō te hō’ē taime noa […]
E ti’a i tō tātou fa’aro’o ia Iesu Mesia ’ia fa’a’amuhia i te mau mahana ato’a. E fa’a’amuhia te reira ’ia pure ana’e tātou i te mau mahana ato’a, ’ia tuatāpapa ana’e i te mau pāpa’ira’a mo’a i te mau mahana ato’a, ’ia feruri ana’e i te maita’i o te Atua i te mau mahana ato’a, ’ia tātarahapa ana’e i te mau mahana ato’a, ’e ’ia pe’e ana’e i te mau muhumuhu a te Vārua Maita’i i te mau mahana ato’a […]
[…] E tupu ato’a te itoito ’ia tauto’o ana’e tātou i te ha’apa’o i te mau ture a te Atua ’e ’ia tātarahapa […]
Te tuha’a i muri iho o te ha’api’ira’a tumu a te Mesia ’o te bāpetizora’a ïa, i roto i te reira te bāpetizora’a i te pape ’e, nā roto i te ha’amaura’a, te bāpetizora’a o te Vārua Maita’i. Noa atu ē, e ’ohipa hō’ē te bāpetizora’a, e fa’a’āpī tāmau noa tātou i tā tātou fafaura’a nō te bāpetizora’a ’ia rave ana’e tātou i te ’ōro’a mo’a […]
’Ia fa’atupu ana’e te Vārua Maita’i i te hō’ē fa’aurura’a rahi a’e i roto i tō tātou orara’a, ’e fa’ahotu marū noa tātou ’e te rahi atu ā i te mau taipe huru Mesia […] ’E i reira e nōa’a ai ia tātou te mana nō te ra’i e tītauhia nō te tāpe’a maīte ē tae roa atu i te hope’a […]
Tē ani manihini nei au ia ’outou ’ia ha’apa’o tāmau noa ’e te rahi atu ā, ma te hina’aro mau, i te ha’api’ira’a tumu a te Mesia ’e ’ia tauturu ia vetahi ’ē i ni’a i tō rātou haere’a.