Winiti Aramas mi Pin non Fansoun Soponon mi Amwarar
Uwa watiw ai tong me efeiech womi, pwe oupwe pwapwa won ewe kapapasen ewe Samol me aa an kewe kaeo non manawemi.
Ei mwichenap mi fen uren kapasen pesepes me mi auchea. Sia nengeni ewe fansoun mwach ren pwapwa. Sia fen angei pesepes ach sipwe anapano ach foffor me anapano napanapach. Ekkewe afanafan mi amwarar mi katou seni ei rong seni ekkewe Meinap Unusen me Nouwis Unusen me ekkewe kon mi ning! Ua pesei kemi ami oupwe anneani ekkei afanafan, poputa non ei wik.1 Ra pwarata netipan me mochenin ewe Samon fan iten Noun kewe aramas, ikenai.
Ewe minafon nessen mi anongonong non imw, me ewe Mwichefen a aninis ren a tufichin awora ewe pochokunen famini, nupwen iteiten famini ra ennetin achocho me tumunu ar repwe siwini imwer ngeni ewe nenien kaeo usun ewe kapas allim, ekis me ekis ami Raninfel repwe ennetin pwapwa. Noumi kewe semirit repwe pwapwa ar repwe kaeo me manaueni an ewe Chon Amanau afanafan, me sossotun ewe tefin non manauemi me non imwemi epwe kukununo. Ekkewe mettoch repwe siwin non ami famini epwe watte me epwe apochokuna kemi.
Non ei mwichenap sia fen apochokuna ach mochen ach sipwe achocho ne sufuniti ewe Samon Jises Kraist iteiten fansoun sia kapas usun An Mwichefen. Ua pwon pwe non ami achocho ne aea ennetin iten an ewe Chon Amanau Mwichefen me chon ewe Mwichefen epwe anapano ewe nuku me pochokunen ngun an chon An Mwichefen.
Iei sipwe kapas usun tempel. Sia sinei pwe ach nonnom non ewe tempel mi aucheanap ngeni ach fefeitia me ach angei manau ese much me pwan ren nouch kewe famini.
Mwirin sia angei ach kewe angangen tempel me fori pwon mi pin ren Kot, mi namwot emon me emon kich sipwe sopweno ach sipwe angei pochokunen ngun me mirit minne sia chok tongeni angei non imwen ewe Samon. Mi namwot sipwe fori angang fan iten ach kewe neou.
Ekieki usun ewe chen me pungoch an Kot mi nap minne, mwen foratan fonufan, A ammonata eu ann pwe ekkewe ra fen mano me rese sinei usun ewe kapas allim repwe tongeni angei ekkewe efeiochun tempel. Angangen tempel mi feito seni fansoun nom. Me rei ua men sani pwe ra minen nom me ena eu pisekin pwarata pwe ir mi ennet.2
Pwi me fefinei, an ewe tefin fifiu ngeni fonufan a fokkun awatteno, non pochokunan me sokopatan.3Mi namwot sipwe nom non ewe tempel fan chommong nap seni me nom. Ua tungorekemi ouse mochen ekieki ifa usun oua aea ami fansoun fiti iotek. Awora fansoun fan iten ewe fansoun mwach fan itemi me fan iten ami famini. Ika oua karap ngeni ewe tempel, ua peseikemi oupwe fori och kokkot pwe oupwe feino fan chommong ren ewe Samon—pwe oupwe nom non Imwan mi pin—iwe aponueta ena kokkot fiti tichik me pwapwa. Ua pwon ngenikemi pwe ewe Samon epwe efeiochu kemi ren met A sinei pwe mi namwot ngenikemi nupwen oua fangafangoch pwe oupwe angang me pin non An kewe tempel.
Iei mi wor 159 tempel mi fen efeiech. Tumunun me foforun ekena tempels mei unusen euchea ngenikich. Pworousen fansoun, tempels ra euchun ar repwe ekesiwin me forsefan. Ren ena, okot rafen kawor ren forsefanin me echunon ewe Salt Lake Tempel me ekoch tempels minen non ewe fansoun pioneer. Ren tichikin pworousen kei angang repwe esinesin nupwen ra wes.
Ikanai sia kinisow ach sipwe apworousa ewe okot ren forum 12 tempels. Kana tempels repwe kau non kei neni. Mendoza, Argentina; Salvador, Brazil; Yuba City, California; Phnom Penh, Cambodia; Praia, Cape Verde; Yigo, Guam; Puebla, Mexico; Auckland, NewZealand; Lagos, Nigeria; Davao, Philippines; San Juan, Puerto Rico; me Washington County, Utah.
Naman ach kauta me tumunu tempel esap siwini manauemi, nge ami nonnom non ewe tempel epwe ennetin siwini manauemi. Ua pesei ngeni ekkewe ouse chuwen feino ngeni ewe tempel, ami oupwe ammonata me niwin mwitir chok. Iwe ua tungor oupwe pin non ewe tempel me iotek oupwe mefi an ewe Chon Amanau tong ese much fan itemi, pwe epwe tongeni wor ami kapasem pwarata pwe A sopweno ne emweni an angang mi pin me ese much.4
Pwi me fefinei, ua kinisou ren ami nuku me angangen apochokun. Ua ngeni kemi ai tong me efeioch womi, pwe oupwe tongeni kamatip won ewe kapasen ewe Samon me manaueni An kewe afanafan non pwisin manauemi. Ua pwon pwe pwarata a sopweno non ewe Mwichefen me epwe sopweno tori “ekkewe popunen Kot repwe ponueta, me ewe Siowa mi Nap epwe apasa pwe ewe angang a wes.”5
Ua efeiochu kemi ren awattenon ami nuku non I me An angang mi pin, ren nuku me songomang ami oupwe engino ngeni osukosuken manauemi. Ua efeiochukemi oupwe winiti Aramas mi Pin non Fansoun Soponon mi amwarar. Ua efeioch kemi me pwarata ai kapasen pwarata pwe Kot mi manau! Jises I ewe Kraist! Iei An Mwichefen. Kich Noun kewe aramas, non iten Jises Kraist, amen.