Kutta Pwapwa non Kraist
Ach choni Kraist ne anisi ekkoch ina ewe ennetin aanen kuna pwapwa non ei manau.
Ewe Samon ese eisini nouch kewe serafon Aaronic Pristut ar repwe fori mettoch meinisin, nge met A tingor mi amwarar.
Ekoch ier a no, am we kukkun famini a tonong non ussun met chomong famini ra churi non ei fonufan mi ngaweno. Neum ewe kukununon aat, Tanner Christian Lund, a uri cancer. I emon at ammen fokkun murinno, usun meinisin tiu ier. I a men atakirikir me, pwan, wesewesen sinei amwararan non pekin ngun. Mesepat me chon nang, nukumach me murinno. Nupwen a chok emon kukun me iteiten raan ammen enuwokusukem ren an tipachem me an mesepat, am oua ekieki pwe epwe marita nge epwe emon soufos ika chon ropuni bank. Menni chok, usun i epwe nikitano amwararan won ewe fonufan.
Iwe mwirin a fokkun semwen. Non ukukun unungat ier, sou safei ra achocho fengen ar repwe amanawa, pachenong ruofoch ekesiwinin chuun, iwe a uri semwenin ammat, iwe a namot epwe nom won ewe mwesin an epwe anisi an ngasangas non 10 wiik. Ren manaman, a pwak non och mwochomwochen fansoun, nge mwirin an cancer a niwin.
Mochomochen fansoun me mwen a mano, an Tanner ewe semwen a fen chewno non chun, me pwan mwo ren pochokunen safen metek, mi chok metek. Ese tongeni an epwe tou seni peet. Ew sosoren Ranifel, inan ewe, Kalleen, a tonong non rumwan ewe pwe epwe cheki memwen ewe famini repwe no faan. A mairu an a kuna pwe a fen pwusin ufouf me a momot nesopwun an ewe peet, metek weires an epwe pwachenei ufan ewe. Kalleen a motiw unukun. “Tanner,” a apasa, “omw nuku pwe en mi pechekunen no faan? Naman kopwe chok nomwetiw neimw me asoso ikanai.”
A chok nengeni simenin imwer ewe. I emon tiiken. Mi wor an mwich. Me mi wor wisan.
“Ururun ngang upwe pasini ewe sakramen ikanai.”
“Iwe, Ua sinei pwe emon mi tongeni fori ena fanitom.”
“Ewer,” a apasa, “nge … ngang mi kuna ifa usun an aramas nengeniei nupwen uwa pasini ewe sakramen. Ua ekieki pwe a anisir.”
Iwe Kalleen a anisi ne pwachenei ufan ewe me foti an ewe nektai, iwe ra sano ngeni ewe faan. Mi fat, och mettoch mi auchea a fis.
Uwa feito ngeni ewe fan seni ew mwich nge uwa mairu ai kuna Tanner a momot won the tetenin nenien tiiken. Kalleen a mongunungun ngeniei pwata a nomw ikewe me met ewe a fen apasa: “A anisi aramas.”
Iwe uwa katon nupwen ekkewe tiiken ra ipweno ren ewe chepenin sakramen. A pworongeni pwan emon tiiken nupwen kewe prist ra pasini kewe nenien sacramen. Iwe mwirin Tanner a atonguuruno ngeni ikewe epwe nom ia me a komwoch nesopwun ewe nenien momot an epwe anisi inisin nupwen a eineti ewe sakramen.
Nikinikin pwe meinisin maas non ewe fan ra nomw won, ra mefi an metek nupwen a fori wisan mei mecheres. Non ew napanap Tanner a pwarano ew afanafan non mosonoson nupwen a ennetin topireir ne mokut seni ew teten ngeni pwan ew—mokuran ewe mi pochu a nukuchochon ren pwichin—a siwini ewe Chon Amanau non ew napanap ekkewe tiiken ra fori. Inisin ewe inisin tiiken mi pochokun me akkom iei a weires a ekis mwochon, me tatakis, me kinas, a fangetani ne aweiresi an epwe angang ren an mwarei ekkewe esisinen an ewe Chon Amanau ewe Achasefan ngeni non manauach.
An pwano ifa ussun an a ekieki an epwe emon tiiken a fori an ewe pwan sokono ach ekiek—ussun ewe sakramen, ussun ewe Chon Amanau me ussun ekkewe sounkowa me sense me prist.
Ua aureki ewe manaman a pesei I non ena soran an epwe pwaracho nge pwonuweni ena mosonosonen, kukunun kokko an epwe angang, me ussun ewe pochokun me tufichin nouch kewe sarafo ra pwarano nupwen ra nikitu ar repwe ponueti an emon soufos kokko ar repwe pachenong non an Kot ewe watten mwich me pachenong non ewen angangen amanau me manau mi tekia.
Iteiten emon tiken epwe kamwoch ewe nenien sakramen, a achema ngenikich ewe pworous mi pin usun ewe Saingon Faf, ren Gethsemane, seni Calvary, me ewe asamen peias. Nupwen ewe chon Amanau a apasa ngeni neun kewe chon kaeo, “Oupwe fori ei pwe achechemeni ei,” 1 A pwan kapas ngenikich non ekkewe fansoun. A pwan kapas ussun kewe manaman ese much I epwe awora pwe ekewe tiken non fansoun mwach, sense, me prist repwe awora An esisin me tingorei Noun aramas ar repwe etiwa an niffangen Achasefan.
Meinisin kewe asisinen ewe sakramen a aiti ngenikich ena nifang. Sia nenengeni usun ewe pinawa a kinietiw—me ewe pinawa ekewe prist mwach iei ra, nikesiwin, ne kinietiw. Kich sia ekieki wewen ewe mi nono mi epinipin, nomw me iei, ren ekewe kapasen iotekin sakramen a tou seni awen kewe prist onuon ngeni non netipach me ngeni non nang, asofo sefani kewe pwon ra ochufengenikich ngeni ew manamanen an Kraist amanau. Sipwe tongeni ekieki usun met wewen nupwen emon tiken a ekii ewe esisin mi pin ngenikich, uuta usun an uuta ian Jises epwe uuta ika mi nomw ikewe, a mwochen epwe eki osach mi chow me echikara ach riaffou.
Echunuchok, enuwen me fepun resapw semwen ar repwe kuna pwapwa me euchean angang fan iten ewe chon Amanau.
Elder David A. Bednar a apasa pwe ika sipwe winiti usun ekkewe misineri, sipwe fori met misineri ra fori, iwe mwirin “kinikinin kapas won kinikinin kapas me annuk won annuk, … [sia] tongeni ekis me ekis winiti ewe misineri … ewe chon Amanau a mwochen.” 2
Ika sia mochen ach sipwe “usun Jises,” 3 sipwe fori met Jises a fori, non eu chok wokisin, ewe Samon a awewei met ei a fori: A apasa, “Iwe nengeni, iei ai angang me ai ning—pwe upwe wato ewe manau fochofoch me manau ese much ngeni aramas.” 4
An ewe chon Amanau angang iteitan me feinfeino epwe chok angang ngeni Saman ewe an epwe amanawa noun kewe.
Ach choni Kraist ne anisi ekkoch ina ewe ennetin aanen kuna pwapwa non ei manau.
Iei ewe nongonong mi ennet a efisata ewe prokramin Semirit me Serafo.
Meinisin an Semirit me Sarafo pekin urumwot me kaeo fan iten ar repwe anisi aramas ir mi chok onuon me fopun repwe winiti usun Jises ren ar fiti ii non An angangen amanau ese much me manau fefeita.
Prokramin Semirit me Sarafo ew pisekin angang ne anisi meinisin semiritin Kinter me serafo ar repwe marita non an Kraist angang me angei ew nuku-mi masou ren nemesepwin met sokkun nikinikin ewe anen pwapwa. Ra tongeni ar repwe osuku me mochen ren ewe aan ekkewe nenien kouno me esisin mi uta arun ewe an mi pwon, ikewe repwe papatais me apungano ren ewe Ngun mi Fel me mwirin chon ekkewe Mwichen Fopun, ikewe repwe mefi ewe pwapwan ar anisi ekkoch ren fofforu usun Kraist. Repwe amonata met repwe fori, watte me kukun, ekwe repwe uweato nonnopokun manawer nupwen repwe anapano ar usun ewe chon Amanaw. Ren ewe Pochokunen mwichen Sarafo me ekewe makisin, ewe Friend, me ewe Gospel Living app epwe anisi ar repwe ennetin kuna pwapwa non Kraist. Repwe kuta ekewe feiechun ar uwei kewe taropwen mumutan non tempel, me chomong repwe mefi ewe ngunun Elijah me ren ewe aninis seni ewe Ngun mi Fel nupwen ra fori angangen tempel me uruon famini. Repwe angei emwen seni feiochun peitriark. Non chok fansoun, repwe kuna inisir ar repwe feino ngeni tempel ar repwe epinipin fiti ewe manaman me ar repwe kuna pwapwa me repwe pachengeni ar kewe famini feinfeino, ina mwo met a fis.
A poputa non ewe fansoun semwen me osukosuk, a esenipato unusechun ewe pwon seni ew minafon prokramun Semirit me Sarafo mi chok sopwosopw—me mi wor atapwanapwan. Neuch kewe sarafo resapw tongeni awiti fonufan an epwe pwung won winikapan memwen repwe feito me sinei ewe chon Amanau. Ekkoch ra finatta mettoch iei minne resap fori ika ra weweiti weswesen napanaper—me napanapan.
Iwe ewe atapwanapwanen koko seni noun Kot sounfiu ren ach osukun ren “meinisin sipwe aninis!”
Iin me sam, oupwe anisi noumi kewe aat iei ren unusechun omw tongeni usun me nomw nupwen ese kon auchea met repwe fori ren ar angei badge me piin. Mama me papa kana, pristut me meinapen Mwichen Fopun, ika noumi kewe serafo ra osukosuk, prokramn Semirit me Sarafo repwe aninis me uweireto ngeni ewe chon Amanau, me ewe chon Amanau epwe ngenir kinamwe. 5
Presetenin mwich me klass, uuta me angei neniomw non an ewe Samon ei angang.
Bisop, ochu fengeni omw kewe kii ngeni kewe presetenin mwich, me omw mwich—me omw wart—epwe siwin feinfeino.
Ngeni kemi kewe chon ewe tapin aramas mi mammarita iei, Uwa pwarata, ren ai sinei, pwe en emon atongei anuon me fopun noun Kot me a wor an angang kopwe fori.
Nupwen ka fefeita non ningen wisom, ren unusen netipomw, om tongeni, ekiekum, me om pochokun, kopwe tongeni feito omw kopwe tongei Kot me anomwu omw kewe pwon mi pin me nuku non An pristut nupwen ka angang omw kopwe efeiechu ekoch, pwopwuta seni non imwomw.
Uwa iotek pwe kopwe achocho ngeni, fiti watten pechekun, anomota non ei fansoun, kopwe angang, anganga omw nuku, aier, me emurinouono iteiten raan, omw kopwe tongeni angei kewe fefeiochun non tempel me pwapwa fochofoch a feito non chok ewe kapas animen Jises Kraist. Uwa iotek pwe kopwe moneta om kopwe winiti misineri, mei achocho mwan me fefin mi pwupwunu, sam me iin mei tong ka fen pwon ngonuk pwe kopwe winiti emon enetin noun Jises Kraist chon kaeo.
Amo kopwe aninis ne amonata ewe fonufan fan iten an ewe chon Amanau Niwinsefan ren omw tungorei aramas meinisin ar repwe feito ren Kraist me repwe kuna feiochun an angangen Achesefan. Non iten Jises Kraist, amen.