Speransa den Cristu
Nos ta anhelá pa yuda tur ku ta sinti nan so òf sinti ku nan no ta pertenesá. Laga me menshoná, den partikular, esnan ku awor ta soltero.
Rumannan, e temporada di Pasku [di Resurekson] aki nos enfoke ta riba e glorioso Resurekshon di nos Señor i Salbador, JesuCristu. Nos ta kòrda riba Su nvotashpn amoroso pa “Bini serka Mi, boso tur ku ta kansá i kargá, i Ami lo duna boso sosiegu.”
“Tuma mi yugo riba bo, i siña di Mi; Paso mi ta mansu i humilde di kurason: i lo bo haña deskanso pa boso alma.
“Pasó mi yugo ta suave, i mi karga ta lihé.”1
E Salbador Su invitashon pa bini na DjE ta un invitashon na tur pa no solamente bin na Dje pero tambe pa pèrtenesé na Su Iglesia.
Den e versíkulo anterior di e invitashon amoroso aki, Jesus ta siña kon esaki ta wòrdu hasí dor di buska pa siguE. El a deklará, “Niun hòmber [òf muhé] no konosé e Yu, sino e Tata so; ni niun hòmber[òf muhé] konosé e Tata, sino e Yu so, i esun ku e Yu lo revelá na dje.”2
Jesus ke pa nos sa ku Dios ta un Tata Selestial amoroso.
Sabiendo ku nos tan wòtdu stimá pa nos Tata Selestial lo yuda nos pa sa ken nos ta i sa ku nos ta pèrtenesé na Su gran famia eterno.
E Klínika Mayo resientemente a menshoná: “Tin un sentido di pèrtenesé ta masha importante. … Kasi tur aspekto di nos bida ta organisá rònt di pèrtenesé na algu.” E rapòrt aki ta agregá, “Nos no por separá e importansia di un sentido di pèrtenesé for di nos salú físiko i mental”3—i, lo mi ke agregá, nos salú spiritual.
Riba e anochi promé ku Su sufrimentu den Getsémani i morto riba e krus, e Salbador a topa ku Su disípulonan pa e Último Sena. El a bisa nan, “Na mundu boso lo tin tribulashon: pero sea di bon ánimo; mi a vense e mundu.”4 Promé ku bahada di solo e dia siguiente, JesuCristu a sufri i a “muri [na krus] pa nos pikánan.”5
Mi ta puntra mi mes kon solitario e muhénan i hòmbernan fiel ku a siguiE mester a sinti na Yerusalèm ora e solo tabata baha i skuridat i miedu a dominá nan.6
Meskos ku e disípulonan di antaño kasi 2,000 aña pasá, hopi di boso tambe lo sinti bo solitario tin biaha. Mi a eksperensiá e soledat aki for di e morto di mi kasá presioso, Barbara, mas di dos aña i mei pasá. Mi sa kiko ta pa wòrdu rondoná pa miembronan di famia, amigunan, i sosionan, pero tòf sinti bo bo so—pasó e amor di mi bida no tei mas aki banda di mi.
E pandemia di COVID-19 a resaltá e sentido aki di isolashon i soledat pa hopi hende. Sinembargo,ounke e desafionan ku nos ta enfrentá den bida, nos por, manera riba e promé mainta di Pasku [di Resurekshon] aki, lanta den un bida nobo den Cristu ku posibilidatnan nobo i maravioso i realidatnan nobo segun nos bira na Señor pa speransa i senido di pertenesé.
Ami personalmente ta sinti e doló di esnan ku ta falta e sentido di pèrtenesé. Ora mi ta wak notisia di rònt munfu, mi ta mira hopi hopi ku ta parse di ta sinti e soledat aki. Pa hopi e i ta pensa ku e ta pasó kisas nan no sa ku Tata Selestial ta stima nan i ku nos tur ta pèrtenesé na Su famia eterno. Kere ku Dios ta stima nos i ku nos ta Su yunan ta duna konsuelo i siguransa.
Pasó nos ta e yunan spiritual di Dios, tur hende tin un orígen, naturalesa, i potensial dibino. Kada un di nos ta “un yu spiritual stimá di mayornan selestial.”7 Esaki ta nos identidat! Esaki ta ken nos ta realmente!
Nos identidat spiritual ta mehorá ora nos komprondé e hopi identidat mortal ku nos tin, inkluso herensia ètniko, kultural òf nashonal.
E sentido aki di identidat spiritual i kultural, amor, i di pèrtenesé por inspirá speransa i amor pa JesuCristu.
Mi ta papia di speransa den Cristu no komo ilushon. Na lugá di esaki, mi ta papia di speransa komo un espektativa ku lo wòrdu realisá. Tal speransa ta esensial pa vense atversidat, fomentá resistensia i forsa spiritual, i yega na sa ku nos ta stimá pa nos Tata Eterno i ku nos ta Su yunan, ku ta pèrtenesé na Su famia.
Ora nos tin speransa den Cristu, nos ta yega na sa ku segun nos mester i ta hasi i ta warda kombenionan sagrado, nos deseonan i soñonan mas apresiá por wòrdu kumplí pa medio di Dje.
E Quorum di e Diesdos Apòstelnan a reuní den spiritu di orashon i ku un anhelo pa komprondé kon pa yuda tur ku ta sinti nan mes nan so òf ta sinti ku nan no ta pèrtenesé. Nos ta anhelá pa yuda tur ku ta sinti asina. Laga mi menshoná, den partikular, esnan ku awor ta soltero.
Rumannan, mas ku mitar di adultonan den e Iglesia awendia ta viudo, divorsiá, òf por ta asta kasa. Algun ta puntra nan mes tokante nan oportunidatnan i lugá den Dios Su plan i den Iglesia. Nos mester komprondé ku bida eterno no ta simplemente un pregunta òf estado sivil pero di disipulado i ta “balente den e testimonio di Jesus.”9 E speransa di tur ku ta soltero ta meskos ku pa tur miembro di Señor Su Iglesia restourá—akseso na e grasia di Cristu pa medio di “obedensia na e leinan i ordenansanan di e Evangelio.”10
Pèrmití mi sugerí ku tin algun prinsipionan importante ku nos tin komprondé.
Di promé, skrituranan i tur profeta di e delaster dianan a konfirmá ku tur hende ku ta fiel den warda kombenionan di evangelio lo haña e oportunidat pa eksaltashon. Presidente Russell M. Nelson a siña nos: “Den Señor Su mes tempu, ningun bendishon lo ta wantá for di Su Santunan fiel. Señor lo huzga i rekompensá kada persona di akuerdo ku nan deseo i akshonnan sinsero.”10
Di dos, e tempu eksakto i manera den kual e bendishonnan di eksaltashon ta wòrdu ortogá no tur a wòrdu revelá, pero no opstante [esaki] nan ta sigurá11 Presidente Dallin H. Oaks a splika ku algun di e sirkunstansianan “di mortalidat lo wòrdu koregí den e Milenio, kual ta e tempu pa kumpli tur [kos] ku ta inkompletu den e gran plan di felisidat pa tur e yunan digno di nos Tata.”12
Esei no ta nifiká ku tur bendishon ta posponé te ku Milenio; algun a wòrdu risibí kaba i otronan lo sigui pa wòrdu risibí te ku e dia ei.13
Di tres, spera riba Señor ta impliká obedensia kontinuo i progreso spiritual na Dje. Sperando riba Señor no ta impliká no ta impliká warda sin hasi nada. Lo bo no tin ku sinti nunka ku bo ta den un sala di espera
Sperando riba Señor a impliká akshon. Mi a siñs durante di e añanan ku nos speransa den Cristu ta oumentá ora nos sirbi otro. Sirbiendo manera Jesus a sirbi, naturalmente nos ta krese nos speransa den DjE.
E kresementu spiritual ku bo por logra awor miéntras ta warda riba Señor i Su promesanan ta un elemento inkalkulabel, sagrado di Su plan pa kada un di nos. E kontribushonnan ku bo por hasi awor pa yuda edifiká e Iglesia riba tera i pa rekohé Israel ta hopi nesesario. Estado sivil no tin nada di ber ku e kapasidat di nos ta sirbi. Señor ta honra esnan ku ta sirbi i ta warda riba Dje ku pasenshi i fe.14
Di kuater, Dios ta ofresé bida eterno na tur Su yunan. Tur esnan ku ta aseptá e Salbador Su regalo di grasia di arepentimentu i Su mandamentunan lo risibí bida eterno, ounke nan no a tene nan mes na tur e karakterístikanan i perfekshon den mortalidat. Esnan ku arepentí lo eksperensiá Señor Su disposishon pa pordoná, manera El a sigurá nos: “Si, i mes tantu biaha ku mi pueblo arepentí lo Mi pordoná nan, nan transgreshonnan kontra Mi.”16
Den e análisis final, un persona su kapasidat, deseonan, i oportunidatnan den asuntu di albedrio i desishon, inkluso kualifikashon pa bendishonnan eterno, ta asuntunan ku solamente Señor por huzga.
Di sinku, nos konfiansa den e siguransanan aki tin rais den nos fe den JesuCristu dor di kual Su grasia ta regla tur kos ku ta pèrtenesé na mortalidat..16 Tur bendishon primintí ta wòrdu hasi posibel dor di Dje, kende, dor di Su Ekspiashon, “baha bou di tur kos”17 i a “vense e mundu.”18 El “a sinta na man drechi di Dios, pa reklamá di e Tata su derechinan di miserikòrdia ku e tin riba e yunan di hende … ; p’esei anto e ta defendé e kousa di e yunan di hende.”19 Den final, “e santunan lo ta yena ku su gloria, i ta risibí nan herensia”20komo ”ko-heredero huntu ku Cristu.”21
Nos deseo ta ku e prinsipionan aki lo yuda tur tin oumento di speransa den Cristu i sinti un sentido di pèrtenensia.
Nunka no lubidá ku boso ta un yu di Dios, nos Tata Eterno, awor i pa semper. E ta stima bo, i e Iglesia ke i tin mester di boso. Si, nos mester di boso! Nos tin mester di boso stèmnan, talentonan, abilidatnan, bondat, i hustisia.
Pa hopi aña, nos a papia tokante “adultonan soltero yòn,” “adultonan soltero” i “adultonan” E indikashonnan ei por ta yudansa atministrativo tin biahapero por kambia sin atvertensia e manera ku nos ta persibí otronan.
Tin un manera pa evitá e tendensia humano aki ku por separá nos for di otro?
Presidente Nelson a pidi pa nos referí na nos mes komo miembronan di E Iglesia di JesuCristu di e Santunan di e Delaster Dianan. Esaki ta referí na nos tur, òf no?
E evangelio di JesuCristu tin e poder pa uni nos. Finalmente nos ta parse otro mas ku nos ta diferensiá [di otro]. Komo miembronan di Dios Su famia, nos ta realmente rumannan. Pablo a deklará, “I [Dios] a krea for di un hende tur pueblo pa bibariba hinter e mundu.”22
Na boso presidentenan di estaka, obispunan, i lidernan di quorum i hermananan, mi ta pidi boso pa konsiderá tur miembro di boso estaka, bario, quorum, òf organisashon komo un miembro ku por kontribuí i sirbi den yamamentunan i partisipá di hopi manera.
Tur miembro den nos quorumnan, organisashonnan, barionan, i estakanan tin donnan duná di Dios i talentonan ku por yuda edifiká Su reino awor.
Laga nos hasi un yamada riba nos miembronan ku ta soltero pa sirbi, elevá, i siña. No hasi kaso na konseptonan bieu i ideanan ku tin biaha sin mal intenshon a kontribuí na nan sentimentunan di soledat i ku nan no ta pèrtenesé òf no por sirbi.
Mi ta duna mi testimonio riba e wikènt di Pasku [di Resurekshon] aki di nos Salbador JesuCristu i e speransa eterno ku El a duna ami i i tur ku ta kere den Su nòmber. I mi ta duna mi testimonio humilde den Su Su nòmber sagrádo, kual ta JesuCristu, amèn.