Boso Por Rekohé Israel!

Dor di Ahmad S. Corbitt

Promé Konsehero den e Presidensia General di Hombres Jovenes

Mi ta apsolutamente sigur ku boso hubentut por hasie dor di algu di boso identidat i e poder enorme ku boso tin paden.

Kasi tres aña pasá, Presidente Russell M. Nelson a invitá tur e hubentut di E Iglesia di JesuCristu di e Santunan di Delaster Dianan pa registrá den “E batayon di Señor pa yuda rekohé Israel” na ambos banda di e velo. El a bisa, “E rekohimentu ta e kos mas importante tumando lugá na mundu awendia.”¹ Mi ta apsolutamente sigur ku boso hóben por hasie—i por hasie hopi bon—dor di (1) algu di boso identidat i (2) e poder enorme ku boso tin paden.

Kuarenta i un aña pasa, dos misionero di nos Iglesia a sinti nan mes guiá na un kas na New Jersey na Merka. Despues di tempu, milagrosamente, ámbos mayor i tur 10 yu a wòrdu boutisá. Den e palabranan di e profeta, nan “a laga Dios prevalesé”² den nan bida. Mi mester bisa “nos bida.“ Mi tabata e di tres yu. Mi tabatin 17 aña i a disidí pa hasi un konbenio permanente pa sigui JesuCristu. Pero kiko mas mi a disidí? Lo mi no sirbi un mishon di tempu kompletu. Esei tabata di mas. I esaki no por a wòrdu sperá di mi, tòg? Mi tabata un miembro di Iglesia nobo. Mi no tabatin sèn. Ademas, ounke mi a kaba di gradua for di e skol sekundario di mas difísil den serkania di West Philadelphia i tabata enfrentá algun desafio hopi peligroso, i den sekreto mi ta tin miedu di laga mi kas pa dos aña kompletu.

Bo Identidat Berdadero

Pero mi a kaba di siña ku ami i hinter humanidat a biba serka nos Tata Selestial komo Su yunan spiritual promé ku nasementu. Otronan tambe mester sa, meskos ku ami tabata sa, ku E ta anhelá pa tur Su yunan disfrutá di e bida eterno huntu ku n’E. Pues, promé ku un hnede a bin mundu, E la presentá tur ku Su plan di salbashon i felisidat ku JesuCristu komo nos Salbador. Trágikamente, Satanas a oponéna Dios Su plan.³ Di akuerdo ku e buki di Revelashon, “taba tin guera den shelu”!⁴ Satanas astutamente a engañá un terser parti di Tata Selestial Su yunan spiritual den laga e prevalesé na lugá di Dios.⁵ Pero abo no! E Apòstel Juan a mira ku bo a vense Satanas “pa medio di e palabra di [bo] testimonio.”³

Sabiendo mi identidat berdadero, yudá pa mi bendishon patriarkal, a duna mi e kurashi i fé pa akseptá Presidente Spencer W. Kimball su invitashon pa rekohé Israel.⁷ Lo ta mesun kos pa bo, mi kerido amigunan. Sabiendo ku bo a vense Satanas pa medio di e palabra di bo testimonio lo yuda bo stima, kompartí, i invitá⁸ awe i semper—pa invitá otronan pa bin i wak, bin i yuda, i bin i pertenesé, miéntras ku e mesun guera pa e almanan di Dios ta kontinuá.

E Fé Poderoso den Bo

Ki tin di e poder enorme den bo? Pensa riba esaki: bo a grita di alegria⁹ pa bin den un estado kaí kaminda tur lo enfrentá morto físiko i spiritual. Nunka lo nos por a vense ningun di nan dos riba nos mes. Nos lo sufri no solamente pa nos propio pikánanpero pika di otronan tambe. Humanidat lo eksperensiá virtualmente kada tipo imaginabel di sinti bo kibrá i desapuntá¹⁰ tur ku e velo di olvido riba nos mentenan i e enemigu mas pio di mundu kontinuando na ataká i tenta nos. Tur speransa na regresá resusitá i limpi den Dios sS presensia sagrado ta depende kompletamente di un ser Humano pa mantené Su promesa.¹¹

Kiko ta empoderá bo pa sigui pa dilanti? Presidente Henry B. Eyring, “A tuma fé den JesuCristu pa sostené e plan di felisidat i JesuCristu Su lugá den dje ora nos sa asina tiki di e desafionan ku nos lo enfrentá den mortalidat.”¹² Ora JesuCristu primintí ku E lo bin den mortalidat i duna Su bida pa rekohé¹³ i salba nos, bo no a simplemente kere É. Boso “spiritunan noble”¹⁴ ta tin “fé inmensamente grandi” ku boa mira Su promesa komo real.¹⁵ E no por a gaña, pues bo a mir’É manera ku E la dramá Su sanger kaba pa abo, hopi promé ku El a nase.¹⁶

Den Juan su palabranan simbóliko, bo “a vense [Satanas] pa medio di e sanger di e Lamchi.”¹⁷ Presidente Dallin H. Oaks a siña nos ku den e mundu ei “[abo] a mira e final for di komienso.”¹⁸

Supone ku un dia promé ku bo sali bai skol un di bo mayornan hasi bo un promesa realku lo bo haña bo kuminda faborito ora bo yega kas! Bo ta animá! MIéntras na skol bo ta imaginá komiendo e kuminda ei, te ku ya bo por purb‘é. Naturalmente, bo ta kompartí e bon notisia ku otronan. Deseando pa bai kas ta hasi bo felis ku e tèstnan i desafionan di skol ta parse leve. Nada por kita for di bo e goso òf pone bo duda pasó bo ta sigur di e promesa! Similarmente, promé boso “spiritunan noble” a nase, boso a siña na wak Cristu Su promésanan den e manera sigur aki, i boso a purba di Su salbashon¹⁹. Bo fé grandi ta manera e muskulonan ku ta bira mas fuerte i mas grandi ora bo trein nan, pero ya nan ta den bo kaba.

Kon bo por spierta e fé gigante den Cristu i us’é pa rekohé Israel awor i triunfia riba Satanas atrobe? Dor di bolbe siña pa wak dilanti i mira ku e mesun sertesa Señor Su promesa di rekohé i salba awendia. E ta usa e Buki di Mormon prinsipalmente i Su profetanan pa siña nos kon. Hopi promé ku Cristu, e “profetanan, i … presbiteronan, i …maestronan … nefita [a persuadí e hendenan] pa wak dilanti na e Mesias, i kere den dje komo si fuera el a bin kaba.”²⁰ E profeta Abinadi a siña, “I awor si Cristu no a bini den e mundu, papiando di kosnan ku mester pasa komo si fuera nan a pasa kaba, lo no tin ningun redenshon.”²¹ Manera Abinadi “[a] mira dilanti ku e wowo di fé”²² i a mira Dios Su promesa di salbashon komo si fuera e la kumpli kaba. Nan a “vense [Satanas] dor di e sanger di e Lamchi i … e palabra di nan testimonio” hopi promé ku Cristu a nase, meskos ku abo a hasi. I Señor a duna nan poder pa invitá i rekohé Israel. E lo hasi meskos pa abo si bo mira dilanti ku fé, wak Israel rekohé—globalmente i den bo propio “sirkulonan”²³—-i invitá tur!

Sentenares di misioneronan ta konstruí riba nan fé premortal poderoso den Cristu dor di imaginá esnan ku nan a kontaktá òf siña bistí den e pañanan boutismal i di tèmpel. Den un diskurso titulá “Kuminsa ku e Fin den Mente,”²⁴ Presidente Nelson a kompartí un ehèmpel di hasi esaki i a instruí e lidernan di mishon pa siña nos mishoneronan pa nan hasi meskos. Sabiendo ku nan a ehersé e fé grandi aki den JesuCristu den e mundu premortal a yuda nos inmensamente erido msioneronan pa ”skuch’É”²⁵ i aktiva nan gran fé pa rekohé Israel manera Señor a primintí.

Dimes, imaginando mentira ta hasi daño na e fé.²⁶ Mi amigunan, intenshonalmente imaginá òf mira kosnan ku ta konfliktivo ku ken bo ta realmente, espesialmente imagenan inapropiá, lo debilitá bo fé den Cristu i sin arepentimentu por distrui’é. Por fabor usa bo imaginashon pa alsa fe den Cristu, no kibré.

E Programa pa Muchanan i Hubentut

E programa pa Muchanan i Hubentut ta un hèrmènt profétiko pa yuda abo hóben pa duna forsa na bo gran fé. Presidente Oaks a siña nos, “E programa aki ta diseñá pa yuda bo bira mas manera nos Salbador den kuater area: spiritual, sosial, fisiko, i intelektual.”²⁷ Ora boso hóbennan ta lidera—liderá—den biba e evangelio, kuidando otronan, invitando tur pa risibí e evangelio, uni famianan pa eternidat, i organisando aktividatnan dibertido,²⁸ e gran fé den Cristu ku bo tabatin den bida premortal lo aparesé atrobe i poderá bo pa hasi e obra di Señor den e bida aki!

Tambe, metanan personal, “espesialmente metanan a korto plaso,”²⁹lo yuda bo sende atrobe bo fé poderoso. Ora bo fiha un bon meta, bo ta ansioso p’e, manera bo a hasi kaba, i mirando kiko bo Tata Selestial ke pa abo òf un otro bira.³⁰ E ora ei bo ta planiá i traha duru pa logr‘é. Elder Quentin L. Cook a siña nos, “Nunka menospresiá e importansia di planifikashon, fiha meta … , i [invitá otronan]—ku un wowo di fé.”³¹

E desishon ta di boso! Señor a bisa di boso, “E poder [pa skohe] ta den nan.”³² Elder Neil L. Andersen a splika, “Bo fé lo krese no dor di kasualidat pero dor di eskoho.”³³ El a bisa tambe, “[Kualke] pregunta honesto [ku bo por tin] … lo wordu kontesta ku pasenshi i ku un wowo di fé.”³⁴

Mi ta testifika ku (1) bo berdadero identidat i (2) bo poder enorme di fé den Cristu lo permiti bo pa “yuda bo prepará e mundu pa e regreso di Señor dor di invitá tur pa bin na Cristu i risibí e bendishonnan di Su Ekspiashon.”³⁵ Ku nos tur por kompartí e goso di e promesa sigur di e Buki di Mormon:

“E rektonan lo tende e palabranan di e … profetanan, i … lo wak dilanti na Cristu ku konstansia … a pesar di tur e persekushon … lo no bai perdi.

“Pero [Cristu] … lo sana nan, i nan lo tin pas huntu ku ne.”³⁶

Den e nòmber di JesuCristu, amèn.