E Gran Plan
Nos ku konosé Dios Su plan i ku a sera kombenio pa partisipá, tin un responsabilidat kla pa siña e bèrdatnan aki.
Asta meimei di e pruebanan i desafionan úniko, nos ta realmente bendishoná! E konferensia aki a duna nos un dramamentu di rikesanan i goso di e Restourashon di e evangelio di JesuCristu, Nos a regosihá den e vishon di e Tata i e Yu ku a kuminsá e Restourashon. Nos a wòrdu rekordá di e milagroso benida di e Buki di Mormon, ku su propósito sentral ta pa testifiká di JesuCristu i Su doktrina. Nos a wòrdu renobá ku e realidat gososo di revelashon—pa profeta i pa nos personalmente. Nos a tende testimonionan presioso di e Ekspiashon infinito di JesuCristu i Su Resurekshon literal. I nos a wòrdu siñá otro bèrdatnan di e plenitut di Su evangelio revelá na Jose Smith despues ku Dios e Tata a deklará na e profeta resien yamá: “Esaki ta Mi Yu Stimá. Skucha E!” (Jose Smith—Historia 1:17).
Nos a wòrdu afirmá den nos konosementu di e resourashon di e saserdosio i su yabinan. Nos a wòrdu renobá den e determinashon pa hasi konosí Señor Su Iglesia restourá dor di su nòmber korekto, E Iglesia di JesuCristu di e Santunan di e Delaster Dianan. I nos a wòrdu invitá pa uni den ayuno i orashon pa minimalisá e efektonan presente i di futuro di e pandemia devastador rònt mundu. E mainta aki nos a wòrdu inspirá pa Señor Su profeta bibiente pa presentá un proklamashon históriko di e Restourashon. Nos ta afirmá su deklarashon ku “esnan ku den orashon studia e mensahe pa haña nan propio testimonio di su divindat i di su propósito pa prepará e mundu pa e Segunda Benida primintí di nos Señor i Salbador, JesuCristu.”1
E Plan
Tur esaki ta parti di un plan divino di kual su propósito ta pa pèrmití e yunan di Dios pa wòrdu eksaltá i bira meskos ku nE. Referí den eskritura komo e “gran plan di felisidat,“ “e plan di redenshon,” i e “plan di salbashon” (Alma 42:8, 11, 5), e plan ei—revelá den e Restourashon—a kuminsá ku un konseho den shelu. Komo spiritunan, nos tabata deseá pa logra e bida eterno ku nos mayornan Selestial tabata gosa di dje. Na e punto ei nos a progresá mas leu ku nos ta por sin un eksperensha mortal den un kurpa físiko. Pa proveé e eksperensha ei, Dios e Tata a plania pa krea e mundu aki. Den e bida mortal planiá, nos lo wòrdu sushá pa pikáora nos ta enfrentá e oposishon nesesario pa nos kresementu spiritual. Tambe nos lo ta suhetá na morto físiko. Pa [por] a reklamá nos di morto i piká, nos Tata Selestial Su plan lo proveé un Salbador. Su Resurekshon lo redimí nos tur di morto, i Su ekspiashon lo paga e preis nesesario pa tur por wòrdu limpiá di piká ku kondishon preskribí pa promové nos kresementu. E Ekspiashon aki di JesuCristu ta sentral den e plan di e Tata.
Den e Konseho den Shelu, tur e yunan spiritual di Dios a wòrdu introdusí na e Tasa Su plan, inkluyendo su konsekuenshanan mortal i pruebanan, su ayudo selestial, i su glorioso destinashon. Nos a mira e final di e prinsipio. Tur e kantidat grandi di mortalnan ku a nase riba e mundu aki a skohe Tata Su plan i a bringa p’e den e guera selestial ku a sigui. Hopi tambe a hasi kombenio ku e Tata tokante loke nos lo hasi den mortalidat. Den maneranan ku no a wordu revelá ainda, nos akshonnan den e mundu di espiritu a influenshá sirkunstansianan mortalidat.
Mortalidat i Mundu di Spiritu
Awor lo mi resumí algun di e elementonan prinsipal den e Tasa Su plan manera nan ta afektá nos durante e hornada mortal i den e mundu di spiritu ku ta sigui.
E propósito di bida mortal i e kresementu postmortum ku por sigui ta pa e yunan di Dios bira manera E ta. Esaki ta Tata Selestial Su deseo pa tur Su yunan. Pa logra e destinashon agososo aki, e leinan eterno ta rekerí ku nos mester bira sernan purifiká dor di e Ekspiashon di JesuCristu pa’asina nos por mora den presensia di e Tata i e Yu i gosa e bendishonnan di eksaltashon. Manera e Buki di Mormon ta siña, E ta invitá “tur pa bini serka Dje, i tuma di su bondat; i e no ta nenga niun ku ta bini na Dje, pretu i blanku, mará i liber, hende hòmber i hende muhé; i e ta kòrda e pagánonan; i tur ta meskos na Dios” (2 Nefi 26:33wak tambe Alma 5:49).
E plan divino pa nos pa bira loke nos ta destiná pa bira ta rekeri pa nos tuma desishonnan pa rechasá e oposishon malu ku ta tenta mortalnan pa aktuá kontrali na Dios Su mandamentunan i Su plan. Tambe e ta rekerí ku nos ta keda suhetá na otro oposishon manera dii pikánan di otro òf di defektonan di nasementu. Tin biaha nos kresementu nesesario ta wòrdu lográ dor di sufrimentu i atversidat na lugá di komonidat i trankilidat I niun di e oposishon mortal aki por logra su propósito eterno si intervenshon divino aliviá nos di tur e konsekuensianan di mortalidat.
E plan ta revelá nos destinashon den eternidat, e propósito i kondishonnan di nos hornada den mortalidat, i e ayudo selestial ku nos lo risibí. E mandamentunan di Dios ta atvertí nos kontra eesvia den sirkunstanshanan peligroso. E enseñansanan di lidernan inspirá ta guia nos kaminda i duna e sigiransa ku ta promové nos hornada eterno.
Dios Su plan ta duna nos kuater gran siguransa pa asistí nos hornada dor di mortalidat. Tur ta wòrdu duná na nos dor di e Ekspiashon di JesuCristu, e piesa sentral den e plan. E promé ta sigurá nos ku Su sufrimentu pa e pikánan di kual nos arepentí, nos por wòrdu limpia di e pikánan. E ora ei e hues miserikòrdia final lo “no kòrda nan mas” (Doctrina y Convenios 58:42).
Di dos, komo parti di nos Salbador Su Ekspiashon, El a tuma riba Dje tur e enfermedatnan mortal. Esaki ta pèrmití nos pa risibí ayudo divino i fortalesa pa soportá e karga inevitabel di mortalidat, personal i general, manera guera i pestilensia. E Buki di Mormon ta proveé nos deskripshon di skritura di mas kla di e poder esensial di e Ekspiashon. E Salbador a tuma riba Su mes “e dolórnan[ i e malesa [i enfermedatnan] di Su pueblo. … E lo tuma riba Dje nan enfermedatnan , te ku Su entrañanan por ta yená ku miserikòrdia, segun e karni, ku E por sa segun e karni kon pa yuda Su pueblo konforme nan enfermedatnan” (Alma 7:11–12).
Di tres, e Salbador, dor di Su Ekspiashon infinito, a revoká e finalidat di morto i duna nos e siguransa gososo ku nos tur lo resusitá. E Buki di Mormon ta siña nos, ”E restourashon aki lo bini na tur, tantu bieu komo yòn, tantu katibu komo liber, tantu hòmber komo muhé, tantu malbadonan komo e hustunan; i asta ku ni un kabei di nan kabes lo wòrdu pèrdí; pero tu kos lo wòrdu restourá na nan forma perfekto. (Alma 11:44).
Nos ta selebrá e realidat di e Restourashon den e temporada di Pasku (di Resurekshon). Esaki ta duna e pèrspektiva i forsa pa soportá e desafionan ku ta wòrdu enfrentá dor di kada unu di nos i esnan ku nos ta stima, asuntunan manera e defisiensianan físiko, mental, emoshonal, ku nos ta atkerí na nasementu òf eksperensha durante nos bida mortal. Dor di Resurekshon, nos sa ku e defisiensianan mortl aki ta solamente temporal!
E evangelio restourá ta sigurá nos ku e Resurekshon por inkluí e oportunidat pa ta ku e miembronan di famia—esposo, esposa, yunan, i mayornan. Esaki ta un enkurashamentu poderoso pa nos pa kumpli ku nos responsabilidat familiar den mortalidat. E ta yuda nos biba huntu den amor den e bida aki den antdipashon di e reunion i antisipashon gososo den e siguiente (bida).
Di kuater i delaster, revelashon moderno ta siña nos ku nos progreso no mester konkluí ku e fin di mortalidat. Poko a wòrdu revelá tokante e garantia importante aki. Nos a wòrdu bisá ku e bida aki ta e tempu pa prepará ba bai serka Dios, i no postponé e dia di boso arepentimentu (wakAlma 34:32–33). Tòg, nos ta wòrdu siñá ku den e mundu di spiritu e evangelio ta wòrdu prediká na e “malbadonan i na esnan desobediente ku a rechasá e bèrdat” (Doctrina y Convenios 138:29) i ku esnan (ku a wòrdu) siñá ta kapas di arepentí antisipando riba e Huisio Final (wake versíkulonan 31–34, 57–59).
Aki tin algun fundamentu di e plan t di nos Tata Selestial:
E evangelio restourá di JesuCristu ta duna nos un perspektiva úniko riba e tópikonan di kastidat, matrimonio, i e hañamentu di yunan. E ta siña nos ku matrimonio di akuerdo ku Dios Su pln, ta nesesario pa kumpli e propósito di Dios Su plan, pa proveé e kuadro divinamente designá pa nasementu mortal, i pa preparámiembronan di famia pa bida eterno. “Matrimonio ta dekretá di Dios pa hende,” Señor ta bisa, “…ku e mundu por kumpli ku e ophetivo di su kreashon” (Doctrina y Convenios 49:15–16). Den esaki, Su plan, dimes, ta kore kontrali na algun forsa di mundu fuerte den lei i kustumber.
E poder pa krea bida mortal ta e poder mas eksalta ku Dios a duna Su yunan. Su uso a wòrdu mandá den e promé mandamentu na Adam i Eva, pero un otro mandamentu importante a wòrdu duná pa prohibí su maluso. Pafó di e lasonan di matrimonio, tur uso di e poder pa prokreá ta den un grado òf otro degradashon i pervershon pekaminoso di e atributo mas divino di hende hòmber i hende muhé. E énfasis ku e evangelio restourá ta pone riba su lei di kastidat ta dor di e propósito di e poder pa prokreá den e kumplimentu di Dios Su plan.
Kiko ta sigui?
Durante e di 200 aniversario di e Promé Vishon ku a inisiá e Restourashon, nos sa ku Señor Su Plan i nos ta enkurashá pa dos siglo di su bendishonnan dor di Su Iglesia restourá. Den e aña di 2020 nos tin loke e profeshon médiko ta yama un vishon 20/20 (binti-binti) pa e eventonan di pasado.
Sinembargo, mirando den futuro, nos bista ta ménos sigur. Nos sa ku dos siglo despues di e Restourashon, e mundu di spiritu awor ta inkluí hopi obrero ku eksperensha mortal pa kumpli e predikashon ku ta pasa aki. Tambe nos sa ku awor nos tin hopi mas tèmpel pa realisá e ordenansanan di eternidat pa esnan ku arepentí i brasa Señor Su evangelio na tur dos banda di e velo. Tur esaki ta avansá e plan t di nos Tata Selestial. Dios Su amor ta asina grandi ku, eksepshon di algun ku deliberadamente ta bira yu di perdishon, E ta proveé un destinashon de gloria pa tur Su yunan.(wak Doctrina y Convenios 76:43).
Nos sa ku e Salbador lo regresá i ku lo bai tin un milenio di reinado di pas pa terminá e parti mortal di Dios Su plan. Tambe nos sa ku lo bai tin diferente resurekshon, di e husti i di esun ku no ta hustu, ku e huisio final di kada persona semper despues di su resurekshon.
Nos lo wòrdu husgá di akuerdo ku nos akshonnan, e deseonan di nos kurason, i e tipo di persona ku nos a nira. E huisio lo laga tur e yunan di Dios pa sigui pa un reino di gloria ku nan pa loke nan obediensia a kalifiká nan i kaminda nan lo ta konfortabel. E huisio di tur esaki ta di nos Salbador, JesuCristo (wak Juan 5:22; 2 Nefi 9:4). Su omnisiensia ta duna E un komosementu perfekto di tur nos aktonan i deseonan, tantu esnan ku (nos) no a arepentí di nan òf no a kambia komo esnan di kual (nos) a arepentí òf ta hustifiká. P’esei despues di Su huisio nos tur lo konfesá “ku Su huisio ta hustu” (Mosiah 16:1).
Konkluyendo, mi ta kompartí e konvikshon ku a bin na mi den hopi karta i dor di revisá hopi petishon pa regresá na e Iglesia despues di a kita e nòmber òf apostasia. Hopi di nos miembronan no ta komprodé kompletamente e plan di salbashon aki, ku ta kontestá mayoria pregunta tokante e doktrina i polítika inspirá di e Iglesia restourá. Nos ku konosé Dios Su plan i ku a sera kombenio pa partisipá, tin un responsabilidat kla pa siña e bèrdatnan akii i hasi tur loke nos por pa hiba nan na otronan i den nos propio sirkunstansia den mortalidat. Mi ta testifiká di JesuCristu, nos Salbador i Redentor, ku ta hasi tur esaki posibel, den e nòmber di JesuCristu, amèn