Bin i Pertenesé
Nos ta invitá tur e yunan di Dios den hinter mundu pa uni ku nos den e gran esfuerso aki.
Mi kerido rumannan, mi kerido amigunan, tur siman miembronan di E Iglesia di JesuCristu di e Santunan di e Delaster Dianan rònt mundu ta adorá nos Tata Selestial stima, e Dios i Rei di universo i Su Yu Stima, JesuCristu. Nos ta meditá riba e bida i enseñansanan di JesuCristu—e úniko alma sin pika ku a yega di tin bida, e lamchi di Dios sin mancha. Mas tantu ku nos por, nos ta paertisipá di e sakramentu den memoria di Su sakrifisio i rekonosé ku E ta e sentro di nos bida.
Nos ta Stim’É i nos ta Honr’É. Dor di Su profundo i eterno amor, JesuCristu a sufri i muri pa abo i ami. El a habri e portanan di morto, kibra e bareranan ku ta separá amigunan i sernan kerí,1 i a trese speransa nan esnan desesperá, sanashon pa e enfermo i liberashon na e prisionero.2
Na E nos ta dediká nos kurason, nos bida i nos deboshon diario. Pa e motibu aki, “nos ta papia di Cristu, nos ta regosihá den Cristu, [i]nos ta prediká di Cristu, … asina nos yunan por sa na kua fuente nan mester buska pa e remishon di nan pikánan.”3
Praktikando Disipulado
Sinembargo, ta un disípulo di JesuCristu ta enserá muchu mas ku papia i prediká di Cirstu. E Salbador Mes a restourá Su Iglesia pa yuda nos riba e kaminda pa bira mas manera E. E Iglesia di JesuCristu di e Santunan di e Delaster Dianan su struktura ta proveé oportunidatnan pa praktiká e fundamentunan di disipulado. Dor di nos partisipashon den Iglesia nos ta siña pa rekonosé i aktua segun e insitashon di e Spiritu Santu. Nos ta desaroyá e disposishon pa yega na otro ku kompashon i amabilidat.
Esaki ta un esfuerso pa hinter bo bida i ta rekerí práktika.
Atletanan eksitoso ta pasa oranan inkontabel praktikando e fundamentunan di nan deporte. Zùsternan, networkes, ingenieronan nuclear i hasta Ami ku ta kompetitivo i gusta kushina den kushina di Harriet ta bira kapas i ábil si nos solamente práktika diligentemente nos ofishi.
Tempu ku mi tabata kapitan di liña aéreo hopi biaha mi tabata trein pilotonan usando un simulador di buelo—un mashin sofistiká ku ta reprodusí eksperensha di buelo. E simulador no ta solamente yuda e pilotonan siña e kosnan básiko pa bula un avion; tambe e ta pèrmití nan eksperensha i reakshoná riba eventonan inesperá ku nan por enkontra ora ku nan tuma mando di un avion real.
E mesun prinsipionan ta konta pa e disípulonan di JesuCristu.
Partisipá aktivavemente den E Iglesia di JesuCristu i su variedatnan grandi di oportunidat lo yuda nos pa ta mihó prepará pa kambio di sirkunstanshanan den bida, kualkier kos ku nan por ta. Komo miembro di Iglesia nos ta wòrdu enkurashá pa profundisá den e palabranan di Dios pa medio di Su profetanan antiguo i moderno. Pa medio di orashon sinsero i humilde na Nos Tata Selestial nos ta siña rekonosé e bos di Spiritu Santu. Nos ta aseptá pa sirbi den yamamentunan, siña, plania, ministrá i atministrá. E oportunidatnan aki ta pèrmití nos krese den spiritu, mente i karakter.
Nan lo yuda nos prepará pa hasi i mantené konvenionan ku lo bendishoná nos den e bida aki i den e bida ku ta bin.
Bin, uni bo mes na nos!
Nos ta invitá tur e yunan di Dios den hinter mundu pa uni ku nos den e gran esfuerso aki. Bin i Wak! Hasta durante e tempu di reto di COVID-19,aki, topa ku nos riba Internèt. Topa ku nos misioneronan riba Internèt. Buska pa bo mes sa kiko e Iglesia aki ta enserá! Ora ku e tempu difísil aki pasa topa ku nos den nos kas i den nos lugánan di adorashon!
Nos ta invitá bo pa bin i yuda! Bin i sirbi ku nos, ministrando na Dios su yu nan siguiendo den e paso nan di nos Salbador i hasi e mundu aki un mihó lugá.
Bin i Pertenesé! Lo bo hasi nos mas fuerte. I lo bo bira mas mihó, mas amabel i mas felis tambe. Bo Fe lo profundisá i krese mas resistente—mas kapas pa soportá e turbulensianan i pruebanan inesperá di bida.
I kon nos ta kuminsá? Tin diferente manera.
Nos ta invitá bo pa lesa e Buki di Mormon. Si bo no tin unu bo por les’é riba ChurchofJesusChrist.org4 òf download e app Buki di Mormon. E Buki di Mormon ta un otro tèstamentu di JesuCristu i un yudansa pa e Tèstamentunan Bieu i Nobo. Nos stima tur e eskrituranan sagrado aki i ta siña for di nan.
Nos ta invitá pa pasa algun tempu riba ComeuntoChrist.orgpa sa kiko miembronan di e Iglesia ta siña i kere aden.
Invitá e misioneronan pa topa ku bo riba Internèt, den priva òf den bo kas kaminda ta posibel—nan tin un mensahe di speransa i sanashon. E misionero nan aki ta nos yu muhé i hòmber presioso ku ta sirbi den hopi lugá nan rònt mundu den nan propio tempu i ku nan mes sèn.
Den e Iglesia di JesuCristu lo bo haña un famia òf hendenan ku no ta masha diferente for di abo. Lo bo haña hendenan ku mester di bo yudansa i ku lo kier yuda abo segun ku bo ta hasi esfuerso pa konvertí den e mihó vershon di bo mes—e persona ku Dios a krea pa bo yega di ta.
E abraso di E Salbador ta ekstendé na nos Tur.
Lo bo ta pensando, “Mi a hasi fayonan den mi bida. Mi no ta sigur di por sinti un dia ku mi ta pertenesé na e Iglesia di JesuCristu. Dios no por ta interesá den un hende manera ami.”
Jesus e Cristu, maske ku e ta e “Rei di reinan””5 e Mesias, “e Yu di e Dios bibu,”6ta preokupá profundamente pa tur i kada un di e yu nan di Dios. 98 E ta preokupá no opstante di un hende su posishon—kon pober òf riku, kon imperfekto òf madurá un hende ta. Durante Su bida mortal e Salbador a ministrá na tur: na esun alegre i kumplidó, na esun kibra i pèrdí i na esnan sin speransa. Hopi biaha e hendenan ku E tabata sirbi i ministrá no tabata personanan prominente, nechi òf riku. Hopi biaha e hendenan ku El a hisa no ta hendenan ku tabata tin hopi pa duna bek, si no gratitut i un kurason humilde i e deseo di tin fe.
Si Jesus a pasa su bida mortal ministrando na “esun nan mas ménos,”7 E lo no stima nan awe? No tin un lugá den Su Iglesia pa tur Dios Su yu nan? Hasta pa esnan ku ta sinti ku nan no ta digno, lubidá òf nan so?
No tin límite di perfekshon ku bo mester alkansá pa for kualifiká pa e grasia di señor. Boso orashon no mester ta fuerte ,elokuente o sin eror gramatikal pa por yega shelu.
Di bèrdat, serka Dios no tin favoritismo8—e kosnan ku mundu ta balorá no ta nifiká nada pa E. E konosé bo kurason i E stima bo no opstante bo titulo, balor finansiero òf bo kantidat di siguidónan den instagram.
Si nos inkliná nos kurason na nos Tata Selestial i aserka na Dje nos lo sintié aserka na nos.9
Nos ta Su yunan stima.
Hasta esun nan ku rechase.
Hasta esnan kabesura,ku manera un mucha rebelde, a rabia ku Dios i su Iglesia, kue nan tas i lastra bai pafó proklamando ku nan lo bai i lo no bolbe nunka mas.
Ora ku un yu bai fo’i kas e lo ripara ku e mayornan preokupá ta wak e for di benta. Ku kurasonnan kibra nan ta mira nan yu hòmber òf muhé bai—sperando ku nan yu presioso lo siña algu for di e eksperensha desgarador i tal bes mira bida di otro forma—i eventualmente regresá kas.
Asina ta ku nos Tata Selestial stima. E ta warda nos regreso.
Bo Salbador su lágrimanan di amor i kompashon den su wowonan, ta warda bo regreso. Hasta ora ku bo ta sinti bo leu for di Dios E lo wak bo;E lo tin kompashon ku bo i kore pa brasa bo.10
Bin i pertenesé.
Dios ta Permití Nos Siña for di Nos Fayonan.
Nos ta peregrinonan kanando den e kaminda di mortalidat i e gran búskeda di bèrdat. Hopi bes tur loke nos ta mira ta e kaminda nos dilanti—nos no por mira na unda e bògt nan den e kaminda aki ta bai. Nos Tata Selestial no a duna nos tur kontesta. E ta spera ku nos ta deskubrí hopi kos nos mes. E ta spera ku nos ta kere—hasta ora ku ta difísil pa hasié.
E ta spera ku nos ta stret nos skouder i buska un tiki solushon— un tiki wesu di lomba—i tuma otro paso pa dilanti.
Esei ta e manera ku nos ta siña i krese.
Honestamente lo bo ke pa tur kos wòrdu splika den tur detaye? Di bèrdat lo bo tabata kier kada pregunta wòrdu kontesta? Tur e destinashonnan plania?
Mi ta kere mayoria di nos lo kansa hopi lihé di e sorto di maneho mikro. Nos ta siña e lèsnan importante di bida dor di eksperensha. Dor di siña di nos fayonan. Atraves di arepentimentu i sa pa nos mes ku maldat nunka tabata felisidat.”11
JesuCristu, e Yu di Dios, a muri asina nos fayonan no kondena nos i stroba nos progreso pa semper. Dor di E nos por arepentí i nos fayonan por bira di piedanan chikitu te un gloria inmenso.
Bo no mester kana e kaminda aki bo so. Nos Tata Selestial no a laga nos ta dualu den skuridat.
Pa e motibu aki den tempu di lènte na 1820, El a aparesé ku su Yu hòmbu, JesuCristu, na un hóben, Jose Smith.
Pensa riba esei pa un momentu. E Dios di e universo a aparesé na hòmbernan!
Esaki tabata e promé di hopi enkuentronan ku Jose tabata tin ku Dios i otro sernan selestial. Hopi di e palabranan ku e ser nan selestial aki a papia ta registrá den e skrituranan di E Iglesia di JesuCristu di e Santunan di e Delaster Dianan. Nan ta fásil pa haña. Kualkier hende por lesa nan i siña pa nan mes e mensahe ku Dios tin pa nos den nos tempu.
Nos ta invitá bo pa studia nan pa bo mes.
Jose Smith tabata hopi yòn ora ku el a risibí e revelashon nan aki. Hopi di nan a bin promé ku e tabata tin 30 aña.12 E tabata tin falta di eksperensha i pa algun persona probablemente e tabata parse poko kalifiká pa ta e profeta di Señor.
I tòg Señor a yam’é di tur manera—siguiendo un patronchi ku nos a haña den e eskrituranan sagrado.
Dios no a warda pa haña un hende perfekto pa restourá Su Evangelio.
Si E lo a hasié ainda lo E tabata wardando.
Jose tabata parse abo i ami hopi. Maske ku Jose a kometé fayonan, Dios a us’é pa lograku Su gran propósitonan.
Presidente Thomas S. Monson hopi biaha tabata ripití e palabranan di konseho aki:“Esun ku Señor yama, Señor lo kapasit’é”13
E Apòstel Pablo a rasoná ku e Santunan den Korintio: “Konsiderá bo propio yamamentu, rumannan: hopi di boso no tabata sabi segun e stándartnan humano, hopi no tabata poderoso; hopi lo no ta di nasementu noble.”14
Dios ta usa e debil i e esun simpel pa logra su propósitonan. E bèrdat aki ta para komo un testimonio ku ta Dios su poder, no di hòmbernan, ku ta kumpli ku su obra na e mundu.15
Skuch’é, Siguié
Ora ku Dios a paresé na Jose Smith, El a introdusí Su Yu, JesuCristu i bisa, “Skuch’é!”16
Jose a pasa e restu di su bida skuchando E i siguiendo E.
Meskos ku Jose Smith nos disipulado ta kuminsá ku nos desishon pa skucha i sigui e Salbador JesuCristu.
Si bo ta deseá pa sigui É, uni bo fe i tuma Su krus riba bo.
Lo bo haña sa ku bo tapertenesé na Su Iglesia—un lugá di kalor i bon bini kaminda bo por uni den e gran búskeda di e disipulado i felisidat.
Mi ta spera ku e doshen aña di e Promé Vishon, ora ku nos pensa i siña di e restourashon di e Iglesia di JesuCristu , nos lo realisá ku e no ta solamente un evento históriko. Abo i ami ta hunga un ròl krusial den e gran historia ku lo kontinuá aki.
Kiko ta abo i ami su parti e ora ei?
E ta pa siña di JesuCristu. Pa studia Su palabranan. Pa skuch’é i siguié dor di partisipá aktivo den su gran obra. Mi ta invitá bo pa bin i pertenesé!
Bo no mester ta perfekto. Bo mester tin solamente e deseo pa desaroyá bo fe i kada dia di nobo aserka bo mas na Dje.
Nos parti ta pa stima i sirbi Dios i stima i sirbi e yunan di Dios.
Si bo hasi asina, Dios lo rondoná bo ku Su amor, goso, i guia sigur den hinter e bida aki, asta den e sirkunstanshanan di mas serio, i asta mas ku esei.
Di esaki mi ta testifika lagando mi bendishon ku profundo gratitut i amor pa kada un di boso, den e nòmber sagrado di nos Salbador, nos Mesias—den e nòmber diJesuCristu amen.