Un Testigu Bibu di e Cristu Bibu

Pa Obispu Gérald Caussé

Obispo Presidente

E mensahe sentral di e Buki di Mormon ta pa restourá e konosementu berdadero di e ròl esensial di Jesu Cristu den e salbashon i eksaltashon di humanidat.

Riba un dia di primavera ku solo na 2017, e kas habrí di e Tèmpel di Paris Fransia a kuminsá kaba ora un hòmber a aserká un di e guianan ku un ekspreshon di doló riba su kara. El a bisa ku e tabata biba banda di e tèmpel i a atmití ku el tabata un oponente aktivo di su konstrukshon. El a relatá ku un dia miéntras e tabata mira intensivamente pafó dor di bentana di su apartamentu, el a mira un kran grandi baha un estatua i Hesus for di shelu i ku suavidat a poné riba e tereno di tèmpel. E hòmber a deklará ku e eksperensia aki a kambia su sentimentunan kompletamente tokante Iglesia. El a realisá ku nos tabata siguidornan di Jesu Cristu i a pidi nos pordon pa e daño ku e por a kousa anteriormente.

Estatua poné den e tèmpel di Paris na Fransia

E estatua di e Christus, ku tabata embeyesé e tereno di e Tèmpel di Paris i otro propiedatnan di Iglesia, ta testifiká di nos amor pa e Salbador. E estatua original di marmer ta e obra di e artista Danes Bertel Thorvaldsen, ku a hasi skultura di dje na 1820—e mes un aña ku e Promé Vishon. E estatua ta kontraste grandi na e mayoria di representashonnan artístiko di e tempu ei, kual gran parti ta reflehá e sufrimentu di Cristu na e krus. Thorvaldsen su obra ta presentá e Cristu bibu, ken a optené viktoria riba morto i, ku brasanan habrí, ta invitá tur hende pa bini serka Dje. Solamente e markanan di e klabunan den Su mannan i pianan i e herida den Su kustía ta testifiká di e agonia indeskriptibel ku El a soportá pa salba hinter humanidat.

E Salbador Su mannan manera ilustrá den e Christus

Kisas un di e motibunan ku nos komo miembro di E Iglesia di Jesu Cristu di e Santunan di e Delaster dia ta gusta e estatua aki ta pasobra e ta rekordá nos di e deskripshon den e Buki di Mormon di e aparishon di e Salbador riba e kontinente Merikano:

“I ata’ki, nan a wak un Hòmber ta baha for di shelu; i e tabata bistí den un paña blanku; i el a baha i para meimei di nan; …

“I a sosodé ku el a ekstendé su man i a papia na e pueblo, bisando:

“Ata’ki, Ami ta JesuCristu, …

“… I mi a bebe di e kopa amargo ku e Tata a duna Mi, i a glorifiká e Tata den tuma riba Mi e pikánan di mundu.”¹

Despues El a invitá kada hòmber, muher, i mucha pa bini dilanti i hinka nan man Su kustía i sinti e marka di e klabunan den Su mannan i pianan, pa nan risibí un testimonio personal ku enbèrdat E tabata e Mesias tantu sperá. ²

E esena sublime aki ta e klímaks di e Buki di Mormon. Tur e “bon notisia” di e evangelio ta kontené den e imágen di e Salbador, ekstendiendo ku ternura Su “brasanan di mixèrikòrdia” ³ pa invitá kada persona pa bini na Dje i risibí e bendishonnan di Su Ekspiashon.

E mensahe sentral di e Buki di Mormon ta pa restourá e konosementu berdadero di e ròl esensial di Jesu Cristu den e salbashon i eksaltashon di humanidat. E tema aki ta resoná for di e página di introdukshon te ku e delaster palabranan di e delaster kapítulo. Durante siglonan di apostasia i konfushon spiritual, e nifikashon profundo di lokual Cristu a hasi den Getsémani i riba Gólgota wòrdu pèrdí òf korumpí. Esta eksitá Jose Smith mester a sinti ora, ku a tabata tradusiendo 1 Nefi, el a deskubrí e promesa maravioso aki: “E delaster registronan aki [e Buki di Mormon] … lo establesé e bèrdat di e promé [e Beibel] … i lo duna na konosé e kosnan kla i presioso ku a wòrdu kitá for di nan; i lo manifestá na tur famia, lenga, i pueblo, ku e Lamchi di Dios ta e Yu di e Tata Eterno, i e Salbador di e mundu; i ku tur hòmber mester bini na dje, òf nan no por wòrdu salbá.”⁴

Bèrdatnan kla i presioso tokante e Salbador su Ekspiashon ta resoná den henter e Buki di Mormon. Miéntras mi ta traha un lista di e bèrdatnan aki, mi ta invitá boso pa reflekshoná riba kon nan a kambia òf por kambia boso bida.

E Ekspiashon di Jesu Cristu ta un regalo grátis ofresé na turkena biba, ken aktualmente ta biba, i ken lo biba na tera. ⁵
Ademas di karga ku e peso de nos pikánan, Cristu a tuma riba Su mes nos penanan, enfermedatnan, sufrimentunan, i malesanan, i tur aflikshon inherente na e kondishon mortal di hende. No tin angustia, ni dolor, òf tristesa ku E no a sufri pa nos.⁶
E sakrifisio ekspiatorio di e Salbador ta permití nos pa vense e konsekuensia negativo di Kaida di Adam, inkluso morto físiko. Pa motibu di Cristu, tur yunan di Dios ta nase riba e mundu aki, apesar di nan rektitut, lo eksperensiá e reunifikashon di nan spiritu i kurpa mediante e poder di e Resurekshon⁷ i regresá na Dje pa “wòrdu huzgá segun nan obranan.”⁸
Di otro banda, risibí e bendishonnan kompletu di e Salbador su Ekspiashon ta kondishoná na nos diligensia⁹ den biba e “doktrina di Cristu.”¹⁰ Den su soño, Lehi a mira e “kaminda stret i smal”¹¹ ku ta hiba na e palu di bida. Su fruta, ku ta representá e amor di Dios manera ekspresá mediante e bendishonnan ekskisito di Cristu su Ekspiashon, “ta mas presioso i mas deseabel … [i] ta e donnan di Dios.”¹² Pa por tin akseso na e fruta aki, nos mester ehersé fe den Jesu Cristu, arepentí, “hasi kaso na e palabra di Dios,”¹³ risibí ordenansanan esensial, i warda kombenionan sagrado te na fin di nos bida.¹⁴
Dor di Su Ekspiashon, JesuCristu no ta solamente laba nos pikánan, pero E ta proveé poder ku ta abilitádor di kual Su disípulo por “[kita] e hòmber natural”¹⁵ progresá liña riba liña,”¹⁶ i oumentá den santidat¹⁷ pa asina un dia nan por bira sernan perfekto den e imágen di Cristu,¹⁸ kualifiká pa biba atrobe ku Dios¹⁹ i heredá tur e bendishonnan di e reino di shelu.²⁰

Un otro bèrdat konsolador ku tin den e Buki di Mormon ta ku, ounke infinito i universal den su alkanse, e Ekspiashon di Señor ta un don notablemente personal i íntimo,adaptá pa kada un di nos individualmente.²¹ Meskos ku Jesus a invitá kada un di e disípulonan nefita pa fula Su heridanan, El a muri pa kada un di nos, personalmente, komo si fuera ku boso òf ami tabata e úniko persona na tera. E ta ekstendé un invitashon personal na nos pa bini na Dje i tin benefisio di e bendishonnan maravioso di Su Ekspiashon.²²

E naturalesa personal di e Ekspiashon di Cristu ta bira ainda mas real ora nos konsiderá e ehèmpelnan di hòmbernan i muhernan remarkabel den e Buki di Mormon. Entre nan tin Enos, Alma, Zeezrom, Rei Lamoni i su kasá, i e pueblo di Rei Benjamin. Nan relatonan di kombershon i testimonionan animá a duna un testigu bibu di kon nos kurason por wòrdu kambiá i nos bida transformá pa medio di e bondat i miserikòrdia infinito di Señor. ²³

E profeta Alma a puntra su pueblo e pregunta kayente aki. E profeta Alma a hasi su pueblo e pregunta interesante: “Si boso a eksperensiá un kambio di kurason, i si boso a sinti pa kanta e kanshon di amor redentor, ami lo puntra, boso por sinti esei awor ?”²⁴ E pregunta aki ta importante awendia, pasobra komo disípulonan di Señor, Su poder redentor lo mester kompañá nos, motivá nos, i kambia nos tur dia.

E pregunta di Alma por wòrdu hasí di otro manera, ki dia tabata e delaster biaha ku boso a sinti e influensia dushi di e Ekspiashon di e Salbador den boso bida? Esaki ta sosodé ora bo ta sinti un goso “ekskisito i dushi” ²⁵ bini riba bo ku ta duna testimonio na bo spiritu ku bo pikánan ta pordoná; òf ora pruebanan doloroso diripiente ta bira mas fásil pa karga; òf ora bo kurason ta suavisá i bo ta kapas pa ekspresá pordon na un persona ku a hasi bo daño. Òf e por ta kada biaha ku bo nota ku bo kapasidat pa stima i sirbi otronan a oumentá, òf ku e proseso di santifikashon ta hasiendo bo un persona diferente, diseñá segun e ehèmpel di e Salbador.²⁶

Mi ta duna mi testimonio ku tur e eksperensianan aki ta real i ta evidensianan ku bida por wòrdu kambiá dor di fe den JesuCristu i Su Ekspiashon. E Buki di Mormon ta klarifiká i ta ekstendé nos konosementu di e don eksepshonal aki. Ora bo studia e buki aki, lo bo skucha e stèm di e Cristu bibu ta invitá bo pa bini na Dje. Mi ta primintí ku si bo aseptá e invitashon aki i diseñá bo bida segun Su ehèmpel, Su influensia redentor lo bini den boso bida. Mediante e poder di e Spiritu Santu, e Salbador lo transformá bo dia tras dia “te ku e dia perfekto”²⁷ ora bo ke, manera El a deklará, “Wak mi kara i sa ku ami Ta.”²⁸ Den e nòmber di JesuCristu, amèn.